Jo 13 - Portuguese Creole Bible, Guinea-Bissau

1“Es tudu, N ojal ku ña uju;

ña oreja obil; N ntindil diritu.

2Kil ku bo sibi, i el ku N sibiKap 12.3; 15.8-9 tambi;

bo ka mas mi garandi.

3N na fala ku Deus ku ten tudu puder;

N misti difindiKap 23.3-7; 31.35 si dianti,

4ma abos, bo ta kubri bardadi ku mintida;

bo sedu medikusEz 34.4 ku ka bali nada!

5I bon ba pa bo kalaKap 13.13; Dit 17.28; Ekl 5.3 di un bias;

es i ta sedu bo jiresa!

6Bo obi ña difesa;

bo sukuta ña palabras diritu.

7Manera ku bo na papia kusas tortu,

nta bo misti difindi Deus ku mintida?

8Bo na fasi skuju del?

Bo na pursenta si kasu?

9Nta si i jubiba bos diritu, i ta seduba bon pa bos?

Bo pudi nganal suma ku kualker omi pudi nganadu?

10Ku sertesa i na raprindi bos

si bo na fasi skuju sukundidu.

11Nta bo ka ta pantaSal 119.120; Jer 5.22; 10.10 pa si garandesa?

Medu del ka ta kai riba di bos?

12Bo palabras sedu ditus di sinsa;

bo difesas sedu di lama.

13Bo kala, bo peran N papia;

kualker kusa ku bin pa mi, N sta pruntu.

14“N sta pruntu pa pui ña vida na pirigu.

15Mesmu ki matan, N na pui ña speransaDit 14.32 nel,

ma N na difindi ña kasu si dianti.

16Ña koraẑen pudi sedu ña salbason,

pabia omi mau ka ta osa bai si dianti.

17Bo para sintidu na ña palabras

ku N na konta bos.

18N purpara jaKap 23.4 ña kasu,

N sibi sertu kuma N na ojadu justu.

19I ten algin ku pudi pui si keŝaIs 50.7-8 kontra mi?

Si i ten, N ta kala pa N muri.

20“O Deus, fasin e dus kusa;

dipus N ka na sukundi di bo:

21Tira bu mon lunju di mi;

ka bu pantandan ku bu kastigu meduñu.

22Coman, N na kudiu;

o bu disan papia, bu ruspundin.

23Kantu kulpas ku pekadus ku N tene?

Kontan lei ku N kebra.

24Ke ku manda bu sukundiLei 32.20; Sal 10.1; 13.1; 44.24; 88.14; Is 8.17 bu rostu,

bu tenen suma inimigu?

25Bu misti kastiga un foja ku bentuIs 17.13 rabata, i leba?

Bu na bai tras di paja seku?

26Bu na skirbi kusas ku kasabi kontra mi;

bu na pun pa N yarda kusas mauSal 25.7; Dit 5.11-13; Jer 31.19 ku N fasi na ña nobresa.

27Tambi bu pui ña pesKap 33.11; Sal 139 pa e fika prezu,

bu na nota tudu kau ku N bai,

bu na jubi sinal di ña pe,

28mesmu ku ña kurpu na kaba ku mi suma kusa podri,

suma ropa ku bagabaga kume.