Isaias 37 - Portuguese Creole Bible, Guinea-Bissau

Rei pidi konsiju di Isaias(2 Re 19.1-7)

1Oca ku Ezekias obi ki palabra, i rumpi si ropa, i bisti saku, i yentra na kasa di SIÑOR.

2I coma Eliakin, nkargadu di si kasa, Sebna ku sedu sekretariu, ku garandis di saserdotis, tudu elis bistidu di saku, i manda elis pa anunsiadur Isaias, fiju di Amoz,

3pa e falal kuma asin ku Ezekias fala: “Aos i dia di kasabi; jinti na njutinu, e na kobanu mal. No sta suma minjer ku sta di partu, ma i ka ten forsa pa padi.

4I pudi sedu ku SIÑOR bu Deus obi palabras di Rabsaké, ki omi ku si mestre, rei di Asiria, manda pa koba Deus bibu. SIÑOR bu Deus pudi raprindil pabia di ki palabras ki obi. Asin, bu ta ora pa restu di jinti ku sobra.”

5Oca ku ŝefis di rei Ezekias ciga nunde Isaias,

6Isaias fala elis pa e bai fala se mestre kuma asin ku SIÑOR fala: “Ka bu medi ki palabras ku bu obi, manera ku ŝefis di rei di Asiria papia mal kontra mi.

7Ali N na pui un spiritu nel; i na bin obi un buatu, i na riba pa si tera. N na pul pa i matadu la ku spada.”

Utru rekadu di Senakerib(2 Re 19.8-13)

8Oca ku Rabsaké obi kuma rei di Asiria saiba ja di Lakís, i riba, i oja rei na geria kontra Libna.

9Oca ku Senakerib obi kuma Tiraka, rei di Etiopia, sai pa bai geria ku el, i manda jinti pa Ezekias, i fala

10pa e bai papia ku Ezekias, rei di Judá, e falal: “Ka bu disa ki bu Deus, ku bu fiansa nel, nganau, i fala kuma Jerusalen ka na ntregadu na mon di rei di Asiria.

11Ali bu obi ja ke ku reis di Asiria fasi tudu teras, manera ke kaba ku elis tudu; abo gora bu na kapli?

12Ña papes kaba ku prasas di Gozan, AranKum 11.31; Ez 27.23 ku Rezef, e mata pobu di Eden ku staba na Telasar. Nta deusis di ki nasons e libra elis?

13Nunde ku rei di Amat sta nel, ku rei di Arpad, ku rei di prasas di Sefarvain, Ena ku Iva?”

Orason di Ezekias(2 Re 19.17)

14Ezekias toma karta na mon di ki jinti ku bin mandadu, i leil, i bai pa kasa di SIÑOR, i ciga, i distindi karta dianti di SIÑOR,

15i ora, i fala:

16“O SIÑOR ku ten tudu puder, Deus di Israel, abo ku sta sintadu na metadi di kirubins, i abo son ku sedu Deus riba di tudu renus di mundu; i abo ku kumpu seu ku tera.

17SIÑOR, paraDan 9.18 oreja, bu obi; yabri uju, SIÑOR, bu jubi; sukuta tudu e palabras di Senakerib ki manda pa koba Deus bibu.

18“I bardadi, SIÑOR, kuma reis di Asiria dana-dana tudu ki nasons ku se teras.

19E bota se deusis na fugu pabia e ka seduba deusis, ma son kusas di madera ku pedra ku omis kumpu ku se mon; e ku manda e kaba ku elis.

20Asin, o SIÑOR no Deus, libranu na si mon, pa tudu renus di mundu pudi sibiKap 45.6 kuma i abo son, SIÑOR, ku sedu Deus.”

Rekadu di Isaias(2 Re 19.20-37)

21Isaias, fiju di Amoz, i manda fala Ezekias: “Asin ku SIÑOR, Deus di Israel, fala: ‘N obi ke ku bu pidin aserka di Senakerib, rei di Asiria.

22Es i palabra ku SIÑOR fala aserka del: Bajuda, fiju di Sion, i na njutiu, i fasiu trosa. Minjeris di Jerusalen na bajanta se kabesa ora ku bu na kuri.

23Kin ku bu na koba, bu fala mal del? Kin ku bu yalsa fála kontra el oca ku bu yalsa uju ku orgulyu? Bu fasil kontra Deus Santu di Israel!

24Bu manda jinti pa koba SIÑOR, bu fala: “Ku multidon di ña karus N subi riba di montis mas altu di Líbanu. N korta si sedrus mas kumpridu ku si faias mas bonitu. N ciga na si ponta mas altu, te na si matu garandi ku si lugaris ku mas ta pruduzi.

25N koba fontis, N bibi yagu. Ku patas di ña pe N seka tudu riusiñus di Ejitu.”

26“‘Nta bu ka obi kuma N tarda marka e kusa? Disna di tempu mas antigu N pensalba ja. Gosi N kumpril, N pui pa bu bidanta prasas forti muntudu.

27Asin se moraduris pirdi forsa, e yanda forontadu ku borgoña. E staba suma plantas di matu, suma paja di kankra, o arus ku seku antis di i maduru.

28“‘Ma N kunsi nunde ku bu mora, bu saida ku bu entrada; N kunsi bu raiba kontra mi.

29N obi di bu raiba kontra mi manera ku bu yalsa ombra; pabia di kila N na pui ansolKap 30.28; Ez 38.4 na bu naris, ku freiu na bu boka, N na ribantau pa kamiñu ku bu bin.’

30“Ezekias, es i na sedu sinal pa bo: es anu, ku anu ku na bin, bo na kume kil ku nasi na con; na terseru anu bo na labra, bo kebra, bo paranta ortas di uvas, bo kume se frutas.

31Kilis ku sobra di jorson di Judá e na torna manda rais pa fundu, e na padi frutu riba.

32Na Jerusalen ku monti di Sion i na ten kilis ku kapli, e fika ku vida. SIÑOR ku ten tudu puder i pui sintiduKap 9.7 pa fasi e kusa.

33“Asin ku SIÑOR fala aserka di rei di Asiria: ‘I ka na yentra ne prasa, nin i ka na ferca fleŝa nel, ku fadi pa i ciga lungu del ku tajadera, o pa lantanda rampas pa kamba mura.

34I na riba na kamiñu ki binba, ma ne prasa i ka na yentra.’ Asin ku SIÑOR fala.

35‘N na difindiKap 38.6 e prasa, pa libral, pa ña onra, tambi pabia di ña servu Davi.’ ”

36Anju di SIÑOR sai pa kampamentu di asirius, i mata sentu i oitenta i sinku mil delis. Oca ku jinti lanta parmaña, e oja son kadaveris ku dita la.

37Asin Senakerib, rei di Asiria, rakua, i riba, i bai fika na Ninive.

38Oca ki staba na baloba, mborkadu dianti di si deus Nisrok, si dus fiju, Adramelek ku Sarezer, e bin matal ku spada, e kuri pa tera di Arará. Utru si fiju, Esar-Adon, bin rena na si konta.