Kolosensis 2 - Portuguese Creole Bible, Guinea-Bissau

1N misti pa bo sibi garandi mpeñu ku N ten pa bos, ku kilis di Laodiseia,Kap 4.13-16; Apok 1.11; 3.14-22 ku tudu kilis ku ka ciga di ojan inda,

2pa se korson pudi inci di bon animu, pa e sedu uniduKap 1.27; 3.14 na amor, pa e rikusidu na garandi ntindimentu, pa e ten tudu kuñisimentu di sigridu di Deus. E sigridu i Kristu propi,

3ku tudu rikesa di jiresa1 Kor 1.24; 2.6-7; Ef 1.7-8 ku kuñisimentu sta sukundidu nel.

4N fala asin pa ka ningin nganaEf 4.14 bos ku palabra falsu, nin ki parsi bon palabra,

5pabia, nin ku N ka sta ku bos na1 Kor 5.3; 1 Tes 2.17 kurpu, ma N sta na spiritu ku bos. N kontenti pa N oja kuma ku bo forma ku ordi ku firmesa na bo fe na Kristu.

Vida firmi na Kristu

6Manera ku bo risibi Kristu Jesus suma Siñor, asin ku bo ten ku yanda unidu ku el.

7Bo pui bo rais fundu nel, bo kumpu bo vida riba del, bo fika mas fortiKap 1.23 na fe, suma ku bo nsinadu, bo inci bo korson di gardisimentu.

8Bo toma sintidu pa ka ningin fasi bos prezu ku si ideias di nganuMat 15.1-5; Rom 16.17-18; Ef 5.6; Eb 13.9 ku ka ten balur, ku bin di nsinamentu ku omi ta pasanta pa si fiju, ku fiju di si fiju, ku bin tambi di nsinamentu di mundu, ma i ka bin di Kristu.

9Tudu ku Deus seduIs 9.6; Jon 1.14; Rom 9.5; Titu 2.13 i sta na Kristu, na si kurpu umanu.

10Abos, suma ku bo sta ligadu ku el, bo sta kompletu. I el ku sta riba di tudu gubernu ku otridadi1 Ped 3.22 di ar.

11Na bo union ku Kristu boLei 10.16 sirkunsidadu; i ka ku mon di omi na kurpu, ma i sirkunsison di Kristu, pa liberta di naturesa di karni.

12Na batismuKap 3.1; Rom 6.3-4; Ef 1.19-20 bo nteradu ku el; tambi bo lantandadu ku el pabia di bo fe na puder di Deus ku lantandal di mortu.

13Bo staba mortuEf 2.1,4-6 pabia di bo pekadu, tambi pabia bo seduba jintius ku ka ta sigi lei di Moisés, ma Deus vivifika bos juntu ku Kristu. I purdanu tudu no pekadu,

14i riska dibida ku skirbiduba kontra nos, ku regras ku na kansanuba; i tomal, i pregal na krus.

15Na mesmu krus i dispi gubernu ku otridadi di ar se puder, i fasi elis spetakulu dianti di jinti; i leba elis katibu na vitoria di Kristu.

16Ka bo disa ningin julga bosRom 14.5,17 pabia di kume o bibi, o pabia di dia sagradu, lua nobu, o dia di diskansu.

17E kusas seduba sombraEb 8.5; 10.1 di kil ku na bin. Kurpu di ki sombra i Kristu.

18Ka bo seta kondenason di jinti ku ta misti julga bos, ku ta finji umildi, ku ta adora anjus, ku ta fala kumaEz 13.3; 1 Tim 1.7 e oja vison. Ki jinti sta incadu amonton pa se ntindimentu di se propi kabesa,

19e larga Kristu ku seduKap 1.18 kabesa. Bas di kabesa, kurpu tudu i ta alimentadu. Juntas ku ligamentus e ta ligal na un son, pa i kirsi suma ku Deus misti.

Muri ku Kristu pa vivi ku el

20Si bo muri ja ku Kristu, bo sta libri di nsinamentu di mundu, ke ku manda bo na yanda indaRom 6.2-7 suma bo sta na mundu? Ke ku manda bo na obdisi ordi di kilis ku na fala bos:

21“Ka bo1 Tim 4.3 toka! Ka bo purba! Ka bo pui mon!”?

22Tudu e kusas ten ku kaba ora ki usadu. I son nsinamentuIs 29.13; Mar 7.7-8 ku ordi di omi.

23I pudi parsi kusa di jiresa, ku si adorason di forsa di vontadi, ku umildadi finjidu, ku disiplina1 Tim 4.8 forti di kurpu, ma i ka ten nin balur pa kombati kontra diseẑu di karni.