1SIÑOR, lembra ke ku pasa ku nos.
Pensa, bu jubi pa no borgoña.
2No yardansa pasa pa ospris;
stranjerus mora na no kasas.
3No sedu orfans, sin pape;
no mames sedu viuvas.
4No ta paga diñeru pa yagu di bibi;
no ta kumpra tambi no leña.
5Jinti ku na serkanu e pertu pañanu.
No sta kansadu, ma no ka ten diskansu.
6No pidi simola na mon di ejipsiusOs 12.1 ku asirius
pa e pudi fartandanu ku kumida.
7No papes peka; gosi e ka sta ja.
Anos no na sufriJer 31.29 pa se pekadu.
8Katibus na manda riba di nos;
i ka ten ningin ku na libranu na se mon.
9Ku pirigu di no vida no ta buska no kumida na lala,
pabia jinti sta la ku spada.
10Fomi pui pa no kema ku febri,
tok no peli kinti suma furnu.
11E abusa na minjerisIs 13.16 na Sion,
ku bajudas na prasas di Judá.
12E nforka ŝefis;
garandisKap 4.16 ka mostradu rispitu.
13Jovens obrigadu pa eŜef 16.21 pila;
mininus na da tapada bas di maradura di leña.
14Garandis ka ta sinta ja na porton;
jovens para ja kanta.
15Kontentamentu di no korson para;
no baju konverti na miskiñu.
16KoroaJo 19.9 sai na no kabesa, i kai.
Ai di nos pabia no peka!
17Pabia di kila, no fika duentiKap 1.22; 2.11; Is 13.7 na no korson,
no ujuSal 6.7 fika sukuru.
18Kacuris brabu na yanda-yanda na monti di Sion,
ku sta suma lala.
19Abo, SIÑOR, bu na rena pa sempri;
bu tronu na fika firmi te na kabantada di tempu.
20Ke ku manda bu diskisi di nos pa sempri?
Pabia di ke ku bu bandonanu pa manga di tempu?
21RibantanuJer 31.18 pa bo, SIÑOR; asin no na riba.
Arnoba no dias suma ki staba.
22Nta bu na neganu pa sempri?
Kuma ku bu pudi ten raiba de manera kontra nos?
Who We AreWhat We EelieveWhat We Do
2025 by iamachristian.org,Inc All rights reserved.
