Salmus 69 - Portuguese Creole Bible, Guinea-Bissau

Salmu di Davi pa ŝef di musika. Pa i kantadu ku musika di “Lirius”.

1O Deus, libran,

pabia yagu ciga te na ña garganti.

2N ntola na lama

O Deus, obin konformi garandesa di bu bondadi,

pabia bu sedu fiel pa salba.

14Tiran di lama! Ka bu disan ntola.

Libran di kilis ku ka gosta di mi,

tambi di yagu fundu.

15Ka bu disa korenti di yagu leban,

nin ka bu disa kau fundu ngulin,

ku fadi pa koba fica boka riba di mi.

16SIÑOR, kudin, pabia di bondadi di bu miserikordia;

na bu garandi amor, riba pa mi.

17Ka bu sukundi bu rostu di bu servu;

kudin kinti-kinti pabia N sta forontadu.

18Ciga pertu, bu kaplintin;

libran pabia di ña inimigus.

19Bu sibi kuma ku N kobadu mal,

bu kunsi ña borgoña

Ora ke pensa kuma e sta sabi,

i ta oja e kai na danu.

23Pui se uju pa i sukuru, pa ka e oja;

pui pa se kosta ba ta tirmi sempri.

24Darma bu raiba riba delis;

bu raiba forti pa i paña elis.

25Se kampamentu pa i bandonadu;

pa ka i ten kin ku na moraAt 1.20 na se tendas,

26pabia e ta pirsigi kil ku buIs 53.4-6 molosta;

e ta papia aserka di dur di kilis ku bu kastiga.

27Guarda konta di kada un di se pekadus;

ka bu disa elis yentra pa oja purdon.

28Korta se nomi na libruSai 32.32; Dan 12.1; Eb 12.23 di bibus,

pa ka e reẑistadu juntu ku justus.

29Ma ami, N sta ku kasabi ku foronta.

O Deus, ku bu salbason bu ta yalsan pa kau suguru.

30N na ngaba nomi di Deus ku kantiga,

N na falal obrigadu pa garandisil.

31Es i na kontenta SIÑOR mas di ki boi

o turusiñu ku tene si cifris ku uñas.

32Ora ku mansus oja es, e ta kontenti.

Bo na fika nkoraẑadu, abos ku buska Deus.

33SIÑOR ta obi kilis ku ten falta;

i ka ta njuti si pobu katibu.

34Seu ku tera, maris ku tudu ku ta nada nel,

pa e ngaba SIÑOR,

35pabia Deus na salba Sion,

i na torna kumpu prasas di Judá,

pa jinti mora la, e tene con suma yardansa.

36Fijus di si servus na yardal;

kilis ku ama si nomi na mora nel.

Salmu di Davi pa ŝef di musika. Un pididu