Oseias 6 - Portuguese Creole Bible, Guinea-Bissau

Ripindimentu finjidu di pobu

1Jinti fala: “Bo bin, no riba pa SIÑOR, pabia i padasanu, ma i naJo 5.18; Jer 30.17 kuranu; i molostanu ma i na mara no caga.

2Dipus di dus dia i na danu vida; na terseru dia i na tornanu suma ku no staba, pa no pudi vivi si dianti.

3No ba ta kunsi SIÑOR; no bai dianti pa no pudi kunsil mas diritu. Si saida i sertu suma sol di mandrugada; i na bin pa nos suma cuba, ki purmeru cuba ku ta regua con.”

4SIÑOR punta: “Ke ku N na fasi ku bo, Efrain? Judá, ke ku N na fasi ku bo? Bo amor i suma nuven di parmaña, i suma serenuKap 13.3 di mandrugada ku ta pasa sedu.

5N pui ña palabra na boka di anunsiadurisJer 5.14 pa e avisa bos di kastigu ku mortu. Ña lei i klaru suma lus.

6Kusa ku N mas misti1 Sam 15.22; Mik 6.8; Mat 9.13; 12.7 i miserikordia, i ka sakrifisiu. N mas misti pa bo kunsin te pa bo kema ofertas pa mi.

7Ma elis e kebra kontratu suma Adon; e sedu infielKap 5.7; 8.1 kontra mi.

8JileadKap 12.11 i prasa di jinti ku ta fasi mal; manca di sangi sta nel.

9Kompañia di saserdotis ku ta mataKap 5.1-2 na kamiñu di Siken e sedu suma grupu di bandidus ku monta mboskada pa un omi; asin ke ta pratika kusas nujenti.

10N na oja un kusa meduñu na Israel: Efrain miti na mau vida; Israel sta kontaminadu.

11“Abo tambi, Judá, i markadu un keburJoe 3.13; Apok 14.15 di kastigu pa bo.