Jeremias 7 - Portuguese Creole Bible, Guinea-Bissau

Jeremias konta palabra di Deus na templu

1SIÑOR bin papia e palabra ku Jeremias,

2i falal pa i bai firma na porton di kasaKap 26.2 di SIÑOR, i konta e palabra, i fala:

“Pobu di Judá, bo obi palabra di SIÑOR, abos ku ta yentra ne porton pa adora SIÑOR.

3Asin ku SIÑOR ku ten tudu puder, Deus di Israel, fala: Bo ndirita bo manera di yandaKap 7.5; 18.11; 25.5; 26.13; 35.15; 2 Re 17.13 ku kusas ku bo na fasi; asin N ta disa bos mora li.

4Ka bo fia na ki palabras di mintida ku bo ta fala: ‘Es i kasa di SIÑOR, es i kasa di SIÑOR, es i kasa di SIÑOR!’

5“Bo ndirita bo manera di yanda ku kusas ku bo ta fasi; kada kin trata si kumpañer na un bon manera.

6Ka bo kalka stranjeru, nin orfanKap 22.3 nin viuva; ne kau ka bo mata algin ku ka ten kulpa, nin ka bo yanda tras di utruKap 13.10; Lei 6.14-15; 8.19; 11.28 deusis, pa ka mal bin riba di bos.

7Si bo ndirita bo kamiñu de manera, N ta pui bos mora ne kau, ku sedu teraLei 4.40 ku N da bo papes suma yardansa pa sempri.

8“Ma abos, bo fia na palabras di mintidaKap 7.4; 5.31 ku ka bali nada.

9Es i ke? Bo na furta, bo naOs 4.1-2 mata, bo na dita ku kil ku bo ka kasa ku el, bo na jurmenta ku mintida, bo na kema nsensu pa Baal, bo na yanda tras di utru deusisKap 7.6; Sai 20.3; Sof 1.5 ku bo ka kunsi;

10dipus bo ta bin firma ña dianti na kasaKap 7.30; 32.34; Ez 23.39 ku ta comadu na ña nomi, bo ta fala: ‘No sta libri!’ Nta bo pensa kuma bo sta libri pa fasi tudu e kusas nujenti?

11E kasa ku ta comaduMat 21.13 na ña nomi, bo ta tenel suma kau ku ladron ta sukundi nel? Ma ami, N oja e kusas.” Asin ku SIÑOR fala.

12“Bo bai pa Siló, ki purmeru lugarKap 7.14; 26.6; Jos 18.1; Ŝef 18.31 nunde ku N pui ña nomi, bo jubi kuma ku N fasil, pabia di maldadi di ña pobu Israel.

13Ami, SIÑOR, N fala kuma, nkuantu bo na fasi tudu e kusas, ami N papiaKap 7.25-26; Kap 11.7-8; 2 Kron 36.15; Is 50.2 ku bos, N kumsa desdi parmaña; bo ka obi. N coma bos; bo ka kudin.

14Asin e templu tambi, ku comadu ku ña nomi, ku bo fiansa nel, ku N da bos ku bo papes, N na fasil suma ku N fasiKap 7.12; Sal 78.59-60 Siló.

15N na tira bos ña dianti, suma ku N tira bo ermons, tudu jorson2 Re 17.22-23 di Efrain.”

Disobdiensia di pobu

16SIÑOR fala: “Jeremias, ka bu oraKap 11.14; 14.11; 15.1; 1 Jon 5.16 pa e pobu, nin ka bu cora nin fasi pididu, ku fadi pa bu rogan pa elis, pabia N ka na sukutau.

17Nta bu ka oja ke ke na fasi na prasas di Judá ku na ruas di Jerusalen?

18Fijus na buska leña, papes na sindi fugu, minjeris na masa foriña pa fasi bulus pa deus femia ku ta comadu raiñaKap 44.17-19,25 di seu. E na pursenta ofertasKap 19.13 di bibida pa utru deusis, pa lantanda ña raiba.

19Nta ami ke na fasi mal? Nau. Ami, SIÑOR, N fala kuma e na fasil pa se kabesaKap 44.7 pa se propi borgoña.

20“Asin ami, SIÑOR Deus, N fala kuma, forsa di ña raiba i na darmadu riba de kau, riba di omis, limarias, arvuris di matu ku frutu di con. Ña raiba na yardi, i ka na paga.”

21Asin ku SIÑOR ku ten tudu puder, Deus di Israel, fala: “Bo bai dianti, bo junta bo ofertas kemadu ku utru di bo sakrifisius, bo kume ki karni ku bo ka dibi di kume!

22Na dia ku N tira bo papes di tera di Ejitu, nada N ka fala elis aserka di oferta kemadu nin sakrifisiu,

23ma N da elis e ordi, N fala: ‘Bo obiSai 15.26; 19.5; Lei 6.3; 1 Sam 15.22; Sal 51.16-17; Os 6.6 ña palabra; N ta sedu bo Deus, abos bo ta sedu ña pobu. Bo yanda na tudu kamiñu ku N manda bos, pa tudu pudi kuri bos diritu.’

24Ma e ka obi ña palabra, nin e ka para sintidu; e yanda konformi vontadi di se korson duruKap 7.26; 9.14; 11.8; 13.10; 16.12; 32.33; Lei 29.19; Os 4.16 i malvadu. E yanda pa tras; e ka bai pa dianti.

25Disna di tempu ku bo papes sai di tera di Ejitu, te aos, tudu diaKap 7.13; 25.4; 26.5; 29.19; 35.14-15; 44.4; 2 Kron 36.15 N kumsa parmaña, N manda bos tudu ña servus, ku sedu anunsiaduris,

26ma bo ka obi ña palabra, nin bo ka para sintidu. Bo ndurusiKap 7.24; 18.12; 19.15; Ne 9.16-17,29 bo korson, bo fasi pior di ki bo papes.

27“Asin, Jeremias, bu na kontaEz 2.7 elis tudu e palabras, ma e ka na obiu; bu na coma elis, ma e ka na kudiu.

28Fala elis: ‘Es i nason ku ka obdisi SIÑOR se Deus, nin e ka mistiKap 5.3 pa e kuriẑidu. BardadiKap 9.3 pirdi gosi; i ka ta obidu na se boka.’

29“Jerusalen, kortaKap 16.6; Jo 1.20; Is 15.2; Mik 1.16 bu kabelu, bu botal,

bu pega na cora riba di montis,

pabia SIÑOR nega,

i bandona pobu ku lantanda si raiba.”

Kobon di matansa

30SIÑOR fala: “Pobu di Judá fasi kusa mau ña dianti. E pui se idulus nujentiKap 32.34-35; 2 Re 21.4,7; Ez 8.3; Dan 9.27 na kasa ku ta comadu na ña nomi, pa kontaminal.

31E kumpu baloba di Tofet na kobon di fiju di Inon, pa sakrifika se fijusKap 19.5; 32.35; Jos 15.8 macu ku femia na fugu, kusa ku nunka N ka manda elis, nin i ka yentra na ña kabesa.

32Asin ami, SIÑOR, N fala kuma i na ciga dia ke ka na torna comal Tofet, nin kobon di fiju di Inon, ma i na comadu kobon diKap 19.6,11; 2 Re 23.10 matansa; mortus na nteradu na Tofet pabia i ka ten utru lugar.

33Asin difuntus de pobu e ta sirbi pa kumidaKap 12.9; 16.4; 19.7; 34.20; Lei 28.26; Sal 79.2; Is 56.9; Ez 29.5; 32.4; 39.17 di kacus ku ta bua, ku limarias di matu. I ka na ten kin ku na serka elis.

34Na prasas di Judá ku ruas di Jerusalen N na kaba ku baruju di kontentamentuKap 16.9; 25.10; 33.11; Is 24.7-8 ku alegria, ku vos di noivus, pabia N na torna teraSir 26.33 suma lala.”