Salmus 73 - Portuguese Creole Bible, Guinea-Bissau

TERSERU LIBRU(Salmus 73—89)Salmu di Asaf

1Na bardadi, Deus i bon pa Israel,

pa kilis ku tene korson limpu.

2Ami, ña pe mistibaKap 94.18 lalu;

i faltaba puku pa N disvia,

3pabia N tenba nveẑaKap 37.1 di jinti mau ku na njata,

oca ku N nota kuma ku kusas na kuri elis diritu.

4E ka tene lutas;

e tene bon saudi ku forsa.

5E ka ta ojadu na sufrimentuJo 21.9 suma utru jinti,

nin e ka ta pasa kasabi suma utrus.

6Asin e ta faja ku orgulyu suma fiu di garganti;

e ta bisti violensia suma kamisa di ronku.

7Se ujus inca pabia di gurdura;

se kabesa inci ku manga di planu mau.

8E ta fasi trosa, e ta papia mal.

Na se orgulyu e ta fala di kalka jinti.

9E ta papia mal kontra Deus;

se lingua ta toka na tudu mundu.

10Asin se jinti ta riba pa elis,

e ta nguli tudu se palabras.

11E ta punta: “Kuma ku DeusKap 94.7 na sibi?

Nta kil ku sta riba di tudu i ten kuñisimentu?”

12Asin ku jinti mau ta sta;

e ta sinti sempri suguru, se rikesas ta aumenta.

13Na bardadi, i ka baliba pena pa N purifika ña korson,

pa N labaKap 26.6; Mal 3.14 ña mon sin kulpa,

14pabia N ta sufri tudu ora,

kada parmaña N ta kastigadu.

15Si N papiaba palabras suma es,

N na seduba falsu pa bu fijus.

16N pui sintidu pa N pudi ntindi e kusa,

ma N ojal pisadu dimas pa mi.

17Ma oca ku N yentra na kau sagradu di Deus,

N bin ntindi kal ki na sedu kabantadaKap 37.13,20 di jinti mau.

18Na bardadi, bu ta pui elis na lugaris ku ta lalu,

bu ta bota elis na kau di danu.

19Di repenti e ta kai na kastigu;

e ta kabadu ku el na un manera meduñu.

20Suma ku algin ta fasi ku un suñu, dipus ki korda,

asin, o SIÑOR, ora ku bu korda, bu na njuti elis.

21Oca ku ña korson fika kasabi,

N sinti dur dentru di mi,

22N ka tenba juisu; N ka sibiba nada;

N seduba suma limaria bu dianti.

23Ma N sta sempri ku bo,

bu pegan na mon direita.

24Bu ta gian ku bu konsiju;

dipus bu na risibinJon 14.3 ku gloria.

25Nta kin ku N tene na seu ku ka seduFil 3.8 abo?

Li na tera i ka ten algin ku N dija fora di bo.

26Ña kurpu ku ña korson pudi fraksi,

ma Deus i sedu forsa di ña korson,

ku ña yardansa pa sempri.

27Kilis ku lunjusi di bo e na pirdi;

bu ta kaba ku tudu kilis ku ka sedu fiel, ku disvia di bo.

28Ma pa mi, i bon pa N pertu Deus.

N pui ña fiansa na SIÑOR Deus;

N na anunsia tudu kusas ki fasi.