Salmus 138 - Portuguese Creole Bible, Guinea-Bissau

Salmu di Davi.

1N na ngabau, SIÑOR, ku tudu ña korson;

N na kanta pa ngabau dianti di “deusis”.

2N na mpina pa ladu di bu kasa1 Re 8.29 sagradu,

N ngaba bu nomi, pabia di bu bondadi ku bu bardadi;

bu garandisi bu palabra ku bu nomi riba di tudu.

3Na dia ku N comau, bu kudin;

bu dan koraẑen ku forsa di korson.

4Tudu reis di mundu na ngabau, SIÑOR,

ora ke obi palabras di bu boka.

5E na kanta di kusas ku SIÑOR ta fasi;

pabia gloria di SIÑOR i garandi.

6SIÑOR sta riba, ma i ta jubi pa jinti umildi;

i kunsi orgulyosus di lunju.

7Si N yanda na metadi di sufrimentu,

bu ta arnoba ña vida;

bu ta distindi mon kontra raiba di ña inimigus;

bu mon direita ta salban.

8SIÑOR na kumpri si planuKap 57.2; Fil 1.6 pa mi;

ka bu bandona bu tarbaju na metadi.

SIÑOR, bu bondadi i ta tarda pa sempri.