Salmus 96 - Portuguese Creole Bible, Guinea-Bissau

(1 Kron 16.23-33)

1Bo kanta un nobu kantiga pa SIÑOR;

abos di tudu mundu, bo kanta pa SIÑOR.

2Bo kanta pa SIÑOR, bo fala ben di si nomi;

bo konta di si salbason kada dia.

3Bo diklara si gloria na metadi di nasons;

bo konta tudu rasas kusas garandi ki fasi.

4SIÑOR i garandi, i mersi ngabadu;

i mas mersi rispitu di ki tudu deusis,

5pabia tudu deusis di utru nasons e sedu idulusJer 10.11-12; Ab 2.18-19; 1 Kor 8.4-6 son,

ma SIÑOR, i el ku kumpuIs 42.5 seu.

6El i un Rei gloriosu, rodiadu di garandesa;

forsa ku bonitasku ta inci si kau sagradu.

7Abos, familias di nasons, bo glorifika SIÑOR,

bo ngaba si gloria ku si forsa.

8Bo ngaba gloria di nomi di SIÑOR,

bo tisi ofertas, bo bin pa si kasa.

9Bo adora SIÑOR na bonitasku di si puresa.

Tudu moraduris di mundu pa e tirmi si dianti.

10Bo konta na metadi di nasons kuma SIÑORApok 19.6 na rena.

Mundu firmantadu pa i ka pudi bulbulidu.

Deus na julga nasons ku justisa.

11Abos, seu ku tera, bo kontenti!

Mar pa i somna, ku tudu ku sta nel!

12Kampada pa i kontenti, ku tudu ku sta nel!

Tudu arvuris di matu na kanta ku kontentamentu

13dianti di SIÑOR, pabia i na bin,

i na bin pa julgaApok 19.11 mundu.

I na julga mundu ku justisa,

i na julga nasons ku si bardadi.