Salmus 103 - Portuguese Creole Bible, Guinea-Bissau

Salmu di Davi.

1O ña alma, fala ben di SIÑOR!

Tudu ku sta na mi, fala ben di si nomi santu.

2O ña alma, fala ben di SIÑOR!

Ka bu diskisi di nin un di kusas bon ki fasi.

3I el ku ta purdaMat 9.2,6; Luk 7.47 tudu ña pekadus,

i ta kuraSai 15.26; Jer 17.14 tudu ña duensas.

4I el ku ta libra ña vida di koba di mortu,

i ta bensuan ku amor ku bondadi.

5I el ku ta fartandan ku kumida sabi,

tok N ta bida sempri nobu suma agia.

6SIÑOR ta fasi kusas justu;

i ta fasi justisa pa tudu kilis ku kalkadu.

7I ta mostraba Moisés si planus,

i ta fasi kusas garandi pa fijus di Israel pudi ojal.

8SIÑOR ta mostraSai 34.6-7; Num 14.18; Ne 9.17 miserikordia ku bondadi;

i ta tarda pa paña raiba, i ten garandi amor.

9I ka ta raprindiIs 57.16; Mik 7.18 tudu ora,

nin i ka ta guarda si raiba pa sempri.

10I ka ta tratanu konformiEsd 9.13 no pekadus mersi,

nin i ka na paganu konformi no maldadi.

11Suma ku seu sta muitu altu, lunju di tera,

asin ku si bondadi i garandi pa kilis ku rispital.

12Suma ku saida di sol ku si kaida sta lunju di ŋutru,

asin ku SIÑOR ta lunjusinuIs 43.25 no pekadus.

13Suma pape ta sinti amor pa siMal 3.17 fijus,

asin ku SIÑOR ta sinti amor pa kilis ku rispital,

14pabia i sibi kuma ku no kumpudu;

i ta lembra kuma anos iKum 2.7 reia.

15Omi, si dias i suma paja;

i ta kirsi bonitu suma florJo 14.2 na matu,

16ma ora ku bentu supra riba del, i ta pirdi;

i ka ta ojadu mas na si lugar.

17Antis di kumsada te dipus di kabantada,

bondadi di SIÑOR sta riba di kilis ku rispital;

si retidon sta riba delis ku se fijus ku netus,

18kilis ku ta guarda si kontratu,

ku ta lembra di obdisi si mandamentus.

19SIÑOR firmanta si tronu na seu,

si renu ta domina ribaKap 47.2 di tudu.

20Bo fala ben di SIÑOR,

abos, si anjus forti, puderosu,

ku ta obdisi si ordis ku si palabra.

21Bo fala ben di SIÑOR, abos si tropas di seu,

abos, si ministrusDan 7.10; Eb 1.14 ku ta fasi tudu ki misti.

22Bo fala ben di SIÑOR, abos, tudu si kriaturas,

na tudu lugar di si renu.

O ña alma, fala ben di SIÑOR!