Jeremias 31 - Portuguese Creole Bible, Guinea-Bissau

1SIÑOR fala: “Na ki tempu N na sedu DeusKap 24.7 di tudu jorsons di Israel; elis e na sedu ña pobu.”

2Asin ku SIÑOR fala: “Jinti ku kapli di spada e oja fabur na lala. N na bin da Israel diskansu.”

3I tarda ja ku SIÑOR bin pa mi, i fala: “N amau ku amorOs 11.4; Mal 1.2; Rom 11.28-29 ku ka ta kaba; ku bondadi ku amor N jundau pa mi.

4O noiva Israel! N na torna kumpou, pa bu sedu kumpudu. Bu na toma buSai 15.20; Ŝef 11.34 tambriñas, bu na sai pa baja ku kilis ku sta kontenti.

5Bu na torna paranta ortas di uvaIs 65.21; Am 9.14 na montis di Samaria; parantaduris na paranta elis, e na kume se fruta.

6I na ten un dia ku sintinelas na grita na monti di Efrain, e fala: ‘Bo lanta no bai paIs 2.3 Sion, pa SIÑOR no Deus.’ ”

7Asin ku SIÑOR fala:

“Bo kantaIs 12.5-6 ku kontentamentu pabia di Jakó;

bo yalsa fála ku kontentamentu pabia di Ŝef di nasons.

Bo kanta, bo ngaba Deus, bo fala:

‘SIÑOR salba si pobu, ki restu di Israel!’

8N na tisi elis di tera di norti,

N junta elis di utru ladus di mundu.

Na se metadi i na ten segus, mankus,

minjeris preñada, ku utrus di partu;

un garandi juntamentu ku na riba li.

9Ora ke na bin, e na ba taKap 50.4 cora;

ora ku N na tisi elis, e na ba ta ora.

N na gia elis lungu di riusiñus di yagu,

na bon kamiñuLei 19.3 ku ka na pui algin pa i kai,

pabia N sedu pape pa Israel;

EfrainKap 31.20; Sai 4.22 i ña purmeru fiju.

10“O nasons, bo obi palabra di SIÑOR,

bo kontal na tera lunju, lungu di mar.

Kil ku pajiga Israel i na junta elis;

i na guarda elis suma bakiadurIs 40.11 ku si karnel.

11SIÑOR kaplintiIs 44.23; 48.20 Jakó;

i libral na mon di kil ku sedu mas forti di ki el.

12Asin e na bin, e na grita

ku kontentamentuIs 35.10 na monti di Sion.

E na sta kontenti ku rikesas di SIÑOR:

trigu, biñu nobu, azeiti,

fijus di karnel ku baka.

Elis e na sedu suma orta reguaduIs 58.11 diritu;

nunka mas e ka na yanda tristi.

13Bajudas na kontenti, e na baja;

jovens ku bejus na kontenti tambi.

N na pui se coraApok 21.4 pa i bida alegria;

N na bidanta se tristesa kontentamentu.

14N na fartanda saserdotis ku kumida riku;

ña pobu na farta ku ña rikesas.”

Asin ku SIÑOR fala.

15SIÑOR fala:

“Na Ramá i obidu gritu di cur ku dur garandi.

I RakelMat 2.17-18 ku na cora pa si fijus;

nin i ka misti pa algin konsolal,

pabia e ka sta ja bibu.”

16Asin ku SIÑOR fala:

“Para cora,

limpa larma na uju,

pabia bu na tene pagamentu pa bu tarbaju.

Ami, SIÑOR, N fala kuma e na ribaEsd 1.5 di tera di inimigu.

17Asin i ten speransa pa bu jorson na futuru,

pabia bu fijus na riba pa se tera.”

Asin ku SIÑOR fala.

18“N obi Efrain na ŋuniŋuni, i fala:

‘Bu kastigan suma baka ku ka mansadu inda.

N seta bu kastigu.

Konvertin, pa N seduMis 5.21 konvertidu,

pabia abo i SIÑOR ña Deus.

19Na bardadi, dipus ku N disvia,

N bin ripindi;

dipus ku N ntindi,

N bati na ña pitu.

N fika ku borgoña ku kunfuson;

N sinti borgoña pabia di kusas

ku N ta fasiba ocan nobu.’

20“Nta Efrain i ka ña fiju amadu?

I ka ña fiju ku N gosta ciu del?

Manga di bias N papia kontra el,

ma N lembra del ku amor.

Ña korson ta sinti ciuOs 14.4 pa el;

N ta sinti amor pa el.”

Asin ku SIÑOR fala.

21“Pui sinalis na stradas pa marka kamiñu.

Pui sintidu pa rapara kamiñu ku bu na yanda nel.

O noiva Israel, riba;

riba pa bu prasas.

22Fiju disobdienti,

te kal tempu ku bu na yara ku kamiñu,

bu na yanda-yanda?

SIÑOR kumpu un kusa nobu na mundu:

un minjer ku na proteẑi un omi.”

23Asin ku SIÑOR ku ten tudu puder, Deus di Israel, fala: “Ora ku N torna tisi elis di katiberasku, jinti di tera di Judá ku si prasas e na torna fala: ‘SIÑOR ta bensuau, abo morada di Deus, montiZak 8.3 sagradu!’

24Jinti na mora na Judá ku tudu si prasas, tudu ku labraduris ku kilis ku ta bakiaKap 33.12-13 karnel.

25N justanda jinti kansadu, N fartanda kilis ku na dismaja ku fomi.”

26Na ki ora N korda, N jubi na roda; N oja kuma ña sonu i sabi.

27SIÑOR fala: “I na ciga tempu ku N na inci tera di Israel ku Judá ku fijus di omisEz 36.9-11 ku di limarias.

28Manera ku ña uju staba riba delis pa rinka, pa bati, pa kaba ku elis, pa dana, tambi pa kastiga elis, asin ku ña uju na sta riba delis pa kumpu elis,Kap 1.10; 24.6; 32.42 pa firmanta.” Asin ku SIÑOR fala.

29“Na ki tempu e ka na torna fala:

‘Papes kume uvasEz 18.2-3 verdi;

dintis di fijus kaiambra.’

30Ma kada kin na muri pabia di si propi pekadu; kada algin ku kume uva verdi, si propiLei 24.16; Ez 18.20; Gal 6.5,7 dintis ku na kaiambra.”

Kontratu nobu

31SIÑOR fala: “Tempu na ciga ku N na fasi un kontratuKap 32.40; Ez 37.26; Mat 26.28; 2 Kor 3.6; Eb 8.8-12; 10.16-17 nobu ku pobu di Israel ku Judá.

32I ka na sedu suma kontratu ku N fasi ku se papes na dia ku N pega elisLei 1.31 ku ña mon, N tira elis na tera di Ejitu, pabia e kebra ki kontratu, kontudu N kasaba ku elis.” Asin ku SIÑOR fala.

33“Es i kontratu ku N na fasi ku pobu di Israel na ki tempu: Ami, SIÑOR, N na pui ña lei na se kabesa, N na skirbil na seKap 24.7; 32.39-40; Sal 40.8; 2 Kor 3.3 korson. N na sedu se Deus; elis e naKap 30.22 sedu ña pobu.

34Ningin ka na torna nsinaIs 54.13; Jon 6.45; 1 Kor 2.10; 1 Jon 2.27 mas si visiñu nin si ermon pa e kunsi SIÑOR, pabia tudu jinti na kunsin, desdi koitadis te rikus. Ami, SIÑOR, N fala kuma N na purdaKap 33.8; 50.20; Mik 7.18; At 10.43; 13.39; Rom 11.26-27 se maldadi; nunka mas N ka na lembra di se pekadus.”

35Es i palabra di SIÑOR ku ta da solKum 1.16 pa i numia di dia, i ta da ordi pa lua ku strelas pa e da lus di noti. I ta lantanda mar, i pui maronIs 51.15 pa i somna. Si nomi i SIÑOR ku ten tudu puder.

36“Ami, SIÑOR, N fala kuma, si e leisKap 33.20-22 di seu ku mar falia, tambi jorson di Israel i na disa di sedu un nason ña dianti.

37Si seu la riba pudi mididu, si alisersus di mundu pudi kunsidu, ami, SIÑOR, tambi N na nega jorson di Israel pabia di tudu ke fasi.”

38SIÑOR fala: “I na ciga tempu ku e prasa na torna kumpudu pa mi, desdi tori di AnaneelNe 3.1; Zak 14.10 te na porton di skina.

39Korda di midi na distindidu desdi la te na monti di Gareb; dipus i na vira pa Goa.

40Tudu kobon nunde ku difuntus ku sinsa ta botadu, ku tudu lugaris te na riusiñu di Kedron, te na skina di porton di kabalus2 Kron 23.15; Ne 3.28 na ladu di saida di sol, i na sedu sagradu pa mi. Nunka mas prasa ka na batidu, ku fadi pa i danadu.”