Jeremias 30 - Portuguese Creole Bible, Guinea-Bissau

Pobu di Israel na riba pa se tera

1SIÑOR bin papia ku Jeremias, i falal

2kuma SIÑOR, Deus di Israel, fala: “Skirbi na libruKap 36.2-4,28,32; 51.60-64; Sai 17.14; 34.27; Lei 31.19,22,24-26; Is 8.1; 30.8; Ab 2.2 tudu palabras ku N falau.

3Ami, SIÑOR, N fala kuma, tempu na ciga ku N na tisi ña pobu Israel ku Judá di katiberasku, N na ribanta elisKap 30.18; 12.15; 16.15; 24.6; Am 9.14-15 na tera ku N da se papes pa e tenel.” Asin ku SIÑOR fala.

4Es i palabras ku SIÑOR papia aserka di Israel ku Judá.

5Asin ku SIÑOR fala:

“No obi vos di garandi medu —

di medu; i ka di pas.

6Punta, bu jubi

si un omi pudi tene dur di partu.

Ke ku manda N na oja kada omi

ku mons riba di si bariga

suma minjerKap 4.31; 6.24; 48.41 ku na padi?

Kuma ku se rostus bida brankasenti?

7Ki diaJoe 2.2,11,31; Am 5.18; Sof 1.14-15 na sedu dia meduñu;

i ka na ten utru dia ku parsi ku el!

I na sedu tempu di foronta pa Jakó,

ma i na libradu del.

8“Ami, SIÑOR ku ten tudu puder, N fala:

Na ki dia N na tira se korenti na bu garganti,

N kebral;

N na sapa bu kordas.

Nunka mas bu ka na sedu katibu di stranjerus.

9Bo na sirbi SIÑOR bo Deus, bo sirbi tambiEz 34.23-24; 37.24; Os 3.5; Luk 1.69 Davi, bo rei,

ku N na lantanda pa bos.

10“Asin, ña servu Jakó, ka buIs 43.5-6 medi;

Israel, ka bu panta.

Ami, SIÑOR, N fala kuma

N na librau di tera lunju,

N na libra bu jorson di tera di se katiberasku.

Jakó na riba, i na fika ketu ku susegu;

i ka na ten kin ku na pantandal.

11Ami, SIÑOR, N fala kuma N sta ku bo;

N na librau.

N na kaba ku tudu nasons

ku N pajigau na se metadi,

ma N ka na kabaKap 5.18; 10.24; 46.27-28; Am 9.8 ku bo.

N ka na disau kapli di kastigu,

ma N na kastigau ku midida justu.”

12Asin ku SIÑOR fala:

“Bu cagaKap 15.18 ka ten kura;

kau ku bu molosta i ta deu dimas.

13I ka ten kin ku na difindi pa bo;

i ka ten mesiñuKap 8.22; 2 Kron 36.16 pa bu caga;

i ka ten kura pa bo.

14Bu amantisMis 1.2 tudu diskisi di bo,

nin e ka ta punta pa bo.

N sutau suma ku bu inimiguJo 13.24; 19.11; 30.21 pudi fasi;

N kastigau suma ku algin mau ta fasi,

pabia di bu maldadiKap 5.6 garandi

ku bu manga di pekadu.

15Ke ku manda bu ta grita pabia di bu caga?

Bu dur ka pudi kuradu.

N fasi e kusas pabia di bu maldadi garandi,

ku bu manga di pekadu.

16“Ma tudu kilis ku nguliuIs 14.2; 33.1; 49.24-25 e na ngulidu.

Tudu bu inimigus na lebadu pa katiberasku.

Kilis ku furta bu kusas, N na ntrega elis

pa se kusas furtadu tambi.

17N na tornau bu saudi,

N na kurauKap 33.6; Sai 15.26; Is 30.26; Os 6.1 bu cagas,

mesmu ke comau bandonadu,

e fala: ‘I Sion; ningin ka ta mporta ku el!’ ”

Asin ku SIÑOR fala.

18SIÑOR fala mas:

“N na kaba ku katiberaskuKap 30.3; Ez 11.17 di familias di Jakó;

N na sinti pena di se moradas.

Jerusalen na torna kumpudu

riba di si alisersu ku danaduba;

palasiu na torna firma na si kau.

19Jinti na kanta pa ngaba Deus,

e na mostra seKap 31.4,12-13; 33.10-11; Is 35.10; 51.11 kontentamentu.

N na buriZak 10.8 elis; e ka na menusadu.

N na da elis rispitu;

e ka na njutidu.

20Se fijus na sedu suma na tempuIs 1.26 antigu;

se kumunidadi na firma ña dianti.

N na kastiga tudu kilis ku kalka elis.

21Se ŝef ku na bin guberna elis i na sedu un delis

ku na lanta na se metadi;

N na kumbidal pa i bin;

i na ciga pertu di mi.

Kin ku na osa ciga pa mi ku si propi forsa?”

Asin ku SIÑOR punta.

22“Asin bo na sedu ñaKap 7.23; 11.4; 24.7; 32.38; Sai 6.7; 19.5; Lei 4.20; 7.6; 14.2; 29.13; 2 Sam 7.23-24; 2 Kor 6.16-18; Eb 8.10; Apok 21.7 pobu;

N na sedu bo Deus.”

23Es i turbadaKap 23.19 di SIÑOR; si raiba sai suma urdumuñu ku na turmenta riba di kabesa di jinti mau.

24Raiba garandi di SIÑOR ka na kalmaKap 23.20; Is 14.26-27; 46.11 tok i kaba fasi tudu ki tene na si sintidu. Na dias ku na bin bo na bin ntindi e kusa.