Salmus 34 - Portuguese Creole Bible, Guinea-Bissau

Salmu di Davi oca ki finji dudu dianti di Akis, ku serkal na si tera (1 Sam 21.13-15).

1N na papia ben di SIÑOR tudu tempu;

ña boka na ngabal sempri.

2Ku ña korson N na njataKap 44.8; Jer 9.24; 1 Kor 1.31 na SIÑOR;

mansus na obil, e na kontenti.

3Bo garandisi SIÑOR ku mi;

bo bin no junta, no papia ben di si nomi.

4N buskaMat 7.7 SIÑOR; el i kudin,

i libran di tudu ña medu.

5Kilis ku jubi pa el e ta numiadu,

se rostu ka na sufri mas borgoña.

6Ami, koitadi, N coma SIÑOR; i obin,

i salban di tudu ña kanseras.

7Anju di SIÑORKap 91.11; Kum 32.1; 2 Re 6.17; Dan 6.22; Zak 9.8; Eb 1.14 ta sta sempri na roda

di kilis ku rispita Deus, i ta libra elis.

8Bo spurmenta pa bo jubi1 Ped 2.2-3 kuma ku SIÑOR i bon;

omi ku fiansa nel i ta sedu sortiadu.

9Bo rispita SIÑOR, abos ku sedu si pobu,

pabia nada ka ta faltaKap 23.1; Fil 4.19 kilis ku rispital.

10Fijus di lion pudi sinti falta, e pasa fomi,

ma kilis ku buska SIÑOR, nada ka na falta elis.

11Ña fijus, bo bin, bo sukutan;

N na nsina bos manera di rispita SIÑOR.

12Kin di bos ku gosta di vida,

i misti vida kumpridu1 Ped 3.10-11 ku sabura?

13Guarda bu linguaDit 13.3; Tia 3.2; 1 Ped 2.22 di mal;

libra bu boka di nganu.

14Lunjusi di mal, bu fasi kil ki bon;

buska pas, bu yanda nel.

15Uju di SIÑORKap 33.18 sta riba di justus;

si oreja sta atentu pa obi si e coma.

16Rostu di SIÑOR sta kontra kilis ku ta fasi mal,

pa pui pa mundu ka lembraJo 18.17 delis mas.

17JustusDit 15.29 ta coma; SIÑOR ta obi elis,

i libra elis di tudu se kasabi.

18SIÑOR sta pertu di kilis ku tene korsonKap 51.17; Is 57.15; 61.1; 66.2; Joe 2.13 kebrantadu;

i ta salba kilis ku tene spiritu kalkadu.

19Omi justu pudi tene manga di fadiga,

ma SIÑOR ta libral del tudu;

20i ta guarda si osJon 19.36 tudu,

pa nin un son ka kebradu.

21MaldadiKap 94.23; 140.11 na mata omi mau;

kilis ku sta kontra justu e na kastigadu.

22SIÑOR ta kaplinti si servus;

nin un di kilis ku fiansa nel ka na kondenadu.