Mateus 14 - Portuguese Creole Bible, Guinea-Bissau

Mortu di Jon Batista(Mar 6.14-29; Luk 3.19-20; 9.7-9)

1Na ki tempu rei Erodis obi fama di Jesus,

2i fala si konsijaduris: “Es omi i Jon Batista ku lanta di mortu. E ku manda i ten puder pa fasi e milagris.”

3Erodis prindiba Jon, i maral ku korentis, i fical na kalabus pabia di Erodias, minjer di Filip, ermon di Erodis,

4pabia Jon falalba: “Bu ka ten dirituSir 18.16; 20.21; Lei 5.18 di sinta ku e minjer.”

5Erodis mistiba mata Jon,Kap 21.26; Luk 1.76; At 4.21; 5.26 ma i mediba jinti, pabia e teneba Jon suma anunsiadur.

6Na dia di festa di anus di Erodis, fiju femia di Erodias i baja dianti di kumbidadus. Erodis fika kontenti ku el.

7Asin i jurmenta kuma i na dal tudu kil ki pidi.

8Oca si mame kontal ke ki na pidi, bajuda bai fala: “Dan kabesa di Jon Batista na un pratu.”

9Rei fika ku kasabi, ma, pabia di si juramentu, tambi pabia di kumbidadus, i da ordi pa i dadu el.

10I manda dogola Jon na kalabus.

11E tisi kabesa na un pratu, e da bajuda. El i lebal pa si mame.

12Disipulus di Jon ciga, e leba kurpu, e nteral; e bai konta Jesus.

Jesus da kumida pa 5.000 omi(Mar 6.30-44; Luk 9.10-17; Jon 6.1-14)

13Jesus obi ki noba, i sai di la na un barku pa un lugar dingidu. Oca jinti sibi, e sigil ku pe, desdi prasas.

14Oca Jesus na disimbarka, i oja manga di jinti, i sinti garandi penaKap 15.32 delis, i kura duentis na se metadi.

15Na parti di tardi si disipulus bai pa el, e falal: “E kau li i dingi; ora na pasa. Dispidi jinti pa e bai pa tabankas pa e pudi bai kumpra kusa di kume.”

16Jesus fala elis: “I ka pirsis pa e bai. Bo da elis di kume.”

17E falal: “No ka tene li si i ka son sinku pon ku dus pis.”

18I fala elis: “Bo tisin elis li.”

19I manda jinti sinta na paja, i tomaKap 15.36-37; Luk 24.30 ki sinku pon ku dus pis, i yalsa uju pa seu, i fala Deus obrigadu, i kebra pon, i da si disipulus; kilas da jinti.

20Tudu kume, e farta. E kuji ki restus ku sobra, e inciKap 16.9-10 dozi kufu.

21Numeru di omis ku kumel i kuas sinku mil, fora di minjeris ku mininus.

Jesus yanda riba di mar(Mar 6.45-56; Jon 6.16-21)

22Na ki ora Jesus fala si disipulus pa e kamba na barku, pa e ba ta bai dianti pa utru banda; el i fika pa dispidi jinti.

23I kaba dispidi elis, i subi na un monti pa ora dingidu. Te di noti i staba la inda, el son.

24Barku staba ja na metadi di mar. Maron na sutalba pabia bentu na binba kontra elis.

25Mandrugada Jesus kumsa na yanda riba di yaguJo 9.8 pa bai pa elis.

26Disipulus ojal i na yanda riba di mar, e panta, e fala: “I kasisa!” E grita ku medu.

27Na ki ora Jesus fala elis: “Bo ten koraẑen, i ami. Ka bo medi.”

28Pedru ruspundi i falal: “Siñor, si i abo, mandan pa N bai riba di yagu pa N kontra ku bo.”

29I falal: “Bin.” Pedru ria na barku, i kumsa na yanda riba di yagu pa kontra ku Jesus,

30ma i sinti bentu forti, i panta, i kumsa na bai pa fundu, i grita, i fala: “Siñor, salban!”

31Ki ora Jesus distindi mon, i pegal, i falal: “Omi di puku fe, pabia di ke ku bu duvida?”

32Oca ke kamba na barku, bentu para.

33Kilis ku staba na barku finka juju si dianti, e fala: “Na bardadi abo i Fiju di Deus.”

34Oca ke kaba kamba mar, e ciga na tera di Jenesaré.

35Jinti di ki lugar raparal, e manda rekadu pa tudu teras na ki ladu. E tisil tudu kilis ku staba duenti,

36e pidil pa i disa elis, nin ki son pa e tokaKap 9.20; 2 Re 13.21; Mar 3.10; At 5.15; 19.12 na beiña di si ropa. Tudu kilis ku tokaba nel e fika kuradu.