Ditus 7 - Portuguese Creole Bible, Guinea-Bissau

1Ña fiju, lembra di ña palabras, bu rakada ña ordisKap 3.1 dentru di bo.

2Fasi konformi N mandau, bu na teneKap 4.4,13; Sir 18.5 vida; bu tene ña nsinamentu suma un kusa di garandi balur.

3Maral na buKap 3.3; Lei 6.8-9; 11.18-20; Jer 31.33 dedus, bu skirbil na tagua di bu korson.

4Fala jiresa: “Abo i ña irma;” bu coma ntindimentuKap 4.6-8; Jo 17.14; Mat 12.49-50 bu parenti.

5E ta librau di minjerKap 2.16 infiel pa si omi, ku ta papia ku si palabras sabi.

Minjeris di mau vida

6Un dia N staba na janela di ña kasa, N na jubi.

7N oja rapasis ku ka tenbaKap 1.4 spiriensia. Na se metadi N nota un son ku ka ten juisu.

8I na yandaba na rua, pertu di skina nunde ku minjer moraba; i bai na kamiñu pa si kasa.

9I seduba na fuska-fuska,Jo 24.15 oca sol na noti.

10La un minjer sai pa dal kontrada, bistidu suma minjer di mau vida, ku si planu di jiresa.

11Es ta papiabaKap 9.13; 21.9,19; 25.24; 27.14-15; 1 Tim 5.13 altu, i ta jusia; nunka si pe ka ta fikaba na kasa.

12Utru ora na rua, utru ora na fera, i ta jimpini na tudu kantus.

13I ciga pertu di rapas, i beẑal, i jubil ku rostu di puku borgoña, i falal:

14“Aos N fasi ofertaKap 15.8; 21.27; Sir 7.15 di pas, N paga ña votus. N tene karni na kasa.

15E ku manda N sai pa kontra ku bo; N buskau ku mpeñu tok N ojau.

16N distindi lensolis na kama di liñu finuEz 27.7 di Ejitu, di manga di kor.

17N purfuma ja ña kama ku mira, aloés ku kanela.

18Bin, no fartanda ŋutru di amor te parmaña; no kontenti ku el!

19Ña omi ka sta na kasa, i bai bias lunju.

20I leba bolsu di diñeru na si mon; son na lua ŝeia ki na riba pa kasa.”

21I atrail ku manga di palabraKap 5.3 sabi, i konvensil.

22El, suma tulu, i sigil logu, suma turu ku na bai matadu, suma gazela ku na pui si pe na armadilia,

23suma kacu ku na bua pa ridia. I ka sibiKap 9.18; Ekl 9.12 kuma la si vida sta na pirigu tok fleŝa fural na figadu.

24Asin, ña fijus, bo sukutan, bo para sintidu na palabra ku N na fala bos.

25Ka bu disa bu korson disviaKap 4.14-15; 5.8; 6.25 pa si kamiñu, nin ka bu yanda pirdidu si tras,

26pabia i bati manga di omi; kilis ki mata ja e ciu.

27Si kasa i kamiñu paKap 2.18-19; 9.18 koba, ku ta bai pa moradas di mortu.