Ripitison di Lei 28 - Portuguese Creole Bible, Guinea-Bissau

Bensons pa obdientis(Sir 26.3-13; Lei 7.12-24)

1Si bu para oreja pa kil ku SIÑOR bu Deus na fala, bu pui sintidu pa obdisi tudu si mandamentusSai 15.26; 1 Re 9.4 ku N na mandau aos, SIÑOR bu Deus na yalsau riba di tudu nasons di mundu.

2Tudu e bensons na yangasau, e fika riba di bo, si bu obdisi palabra di SIÑOR bu Deus.

3Bu na sortiadu na prasa, tambi na bu lugarSal 128; Am 9.13-14; Zak 8.3-5; Mal 3.10-11 di labur.

4Bu na sortiadu tok bu padi ciu, tambi na kriasonKap 28.11; Sal 107.38 di bu limarias; bu bakas ku karnel na padi ciu, bu lugar na pruduzi ciu.

5Bu balai di yurni arus na sortiadu; bu pilon na sortiadu tambi.

6Bu na sortiadu ora ku bu yentra; tambi ora ku bu saiSal 121.8 bu na sortiadu.

7SIÑOR na dau vitoria riba di bu inimigus ku lanta kontra bo; e na sai na un kamiñu son kontra bo, ma e na kuri di bo na seti kamiñu.

8SIÑOR na manda si benson riba di tudu tarbajuKap 15.10 ku bu na fasi, i inci bu bemba. I na bensuau na tera ki na dau.

9SIÑOR na konfirmau pa bu sedu si pobuKap 29.13; Sai 19.5-6 sagradu, suma ki jurmenta, si bu obdisi mandamentus di SIÑOR bu Deus, bu yanda na si kamiñus.

10Asin tudu nasons na mundu na oja kuma bu comadu pa nomiNum 6.27 di SIÑOR, e na ten medu di bo.

11SIÑOR na dau manga di rikesaKap 28.4; 30.9; Dit 10.22 na tera ki jurmenta pa bu papes kuma i na dau, na fijus ku bu na padi, na fijus di bu limarias, tambi na prudutu di bu con.

12SIÑOR na yabri seu, si armazen di rikesa, pa manda cuba na bu tera na si tempu, pa bensua tudu tarbaju ku bu ta fasi.Kap 11.14; 15.6,10; Joe 2.23-24 Bu na pista pa manga di nason, ma abo, bu ka na pista nada di ningin.

13SIÑOR na pou pa bu sedu kabesa, bu ka na sedu rabu. Si bu para atenson pa mandamentus di SIÑOR bu Deus ku N na dau aos, pa pui elis na pratika, bu na sta sempri riba; nunka bu ka na sta bas.

14Ka bu disvia, nin pa direita nin pa skerda, di tudu palabras ku N na dau aos, pa bai tras di utru deusis pa sirbi elis.

Maldison pa disobdientis(Sir 26.14-46)

15Si bu ka para atenson pa palabra di SIÑOR bu Deus, bu ka pui sintidu pa obdisi tudu si mandamentus ku leis ku N na dau aos, tudu e maldisonDan 9.11-13; Mal 2.2; Rom 2.8-9 na yangasau, i fika riba di bo.

16Bu na maldisuadu na prasa, tambi na bu lugar di labur.

17Bu kufu na maldisuadu, ku bu pilon.

18Bu na maldisuadu na padi, tambi na kriason di bu bakas ku karnel; bu lugar ka na pruduzi ciu.

19Bu na maldisuadu ora ku bu yentra, tambi ora ku bu sai bu na maldisuadu.

20Si bu yanda na maldadi, bu bandona SIÑOR, i na manda maldison riba di bo, ku kunfuson ku mufunesa na tudu kil ku bu na fasi, tok bu kabadu ku el, bu pirdiKap 4.25-26; Jos 23.16 di repenti.

21SIÑOR na pui duensaNum 14.12; Jer 21.6; 24.10 mau pa i pegau, tok i kaba ku bo na tera ku bu na bai toma.

22SIÑOR na kastigau ku tuberkulosi, febri, incasku, kalur forti, falta di yagu, duensa di plantas ku bulur;Sir 13.47-59 es tudu na ŝatiau tok bu pirdi.

23Seu ku sta riba di bu kabesa i na sedu di bronzi; con bas di bo i na sedu di feru.

24Te pa SIÑOR dau cuba, i na dau turbada di puera ku reia, ku na kai riba di bo tok bu pirdi.

25SIÑOR na da bu inimigus vitoria riba di bo; bu na sai na un kamiñu kontra elis, ma bu na kuri se diantiKap 28.7; Jer 29.18 na seti kamiñu. Tudu renus di mundu na panta si e oja ke ku pasa ku bo.

26Bu kadaver na sedu kumida pa tudu kacus1 Sam 17.44-46; Sal 79.2; Jer 7.33; 16.4; 19.7; 34.20; Ez 39.17-20 ku ta bua, ku limarias di matu; i ka na ten kin ku na serka elis.

27SIÑOR na kastigau ku cagas suma ejipsiusSai 9.8-11; 15.26; 1 Sam 5.6,9,12 ta tene, ku tumoris, sarna ku kosera ku ka pudi kuradu.

28SIÑOR na kastigau ku dudesa, segera, ku kunfuson di kabesa.

29Bu na palpa-palpaIs 59.10; Sof 1.17; 2 Kor 4.4 di dia suma segu ku na palpa na sukuru; nada ka na kuriu diritu; bu na kalkadu tudu dia; jinti na furta bu kusas; i ka na ten kin ku na librau.

30Bu na tene kumprumis pa kasa ku minjer, ma utru omi na ditaKap 20.6-7; Jo 31.7-10; Jer 8.10; Mis 5.2; Am 5.11; Mik 6.15; Sof 1.13 ku el; bu na kumpu kasa ma bu ka na mora nel; bu na paranta orta di uva, ma bu ka na kume si fruta.

31Bu turu na matadu bu dianti, ma bu ka na kume nin un padas di si karni; bu buru na furtaduŜef 6.1-4 bu dianti, i ka na tornadu pa bo; bu karnel na dadu pa bu inimigus; i ka na ten kin ku na libral.

32Bu dianti bu fijus macu ku femia na dadu suma katibusKap 28.41; 2 Kron 29.9 pa utru nason. Bu uju na pirdi forsa kada dia, manera di jubi kamiñu si e na bin, ma bu ka na pudi fasi nada.

33Un pobu ku bu ka kunsi na kume prudutu di bu conKap 28.51; Ne 9.36-37; Jer 5.17 ku bu tarbaju. Bu na kalkadu, bu maltratadu tudu dia.

34Bu kabesa na fika mbariadu pa kusas ku bu na oja ku bu uju.

35SIÑOR na kastiga bu juju ku bu perna ku manditas ku ta de dimas, ku ka pudi kuradu; e na sai na boJo 2.7 desdi pata di pe te na kabesa.

36SIÑOR na lebau, abo ku bu rei ku bu pui riba di bo, pa un pobu ku bu ka kunsi, nin abo nin bu papes.Kap 28.64; 4.28; 2 Re 17.6; 24.12-15; 25.6-7,11; 2 Kron 33.11; Jer 16.13 La bu na sirbi utru deusis di po ku di pedra.

37Bu na sedu ditu di tudu rasas ku SIÑOR lebau na se metadi; e na fika pasmaduKap 28.25; 29.22-28; 1 Re 9.7-8; Joe 2.17 ku ke ku SIÑOR fasiu, ma e na ri di bo.

38Bu na sumia ciu ma bu na kebra puku,Is 5.10; Jer 12.13; Joe 1.4-7; 2.3-4,25; Am 4.9; 7.1-2; Mik 6.15; Aẑeu 1.6 pabia gamfañotis na kumel.

39Bu na paranta orta di uva, bu toma konta del, ma bu ka na kuji si uva nin bu ka na bibi si biñu, pabia bicus na kumel.

40Bu na tene oliveras na tudu parti di bu tera, ma bu ka na tene azeiti pa unta, pabia azeitonas na konkoñi e kai.

41Bu na padi fijus macu ku femia ma bu ka na tene elis, pabia e na lebaduMis 1.5 pa katiberasku.

42Bicus na kume tudu bu arvuris ku plantas di bu con.

43Stranjeru ku mora na bo metadi i na ngaña puder kada bias mas riba di bo; abo bu na ria son pa bas.

44I na pistau, ma bu ka na teneKap 28.12-13 pa pistal; el i na sedu kabesa; bu na sedu rabu.

45Tudu e maldisons na bin riba di bo, e fika bu tras, e yangasau, tok bu kabadu ku el, pabia bu ka para sintidu pa palabra di SIÑOR bu Deus, pa obdisi si mandamentus ku si leis ku N mandau.

46E na sedu sinal ku dimirason pa bo ku bu jorson pa sempri.

47Suma ku bu ka sirbi SIÑOR bu Deus ku kontentamentu, ku bon vontadi, oca ku bu teneba ciuKap 32.13-15 rikesa,

48asin bu na sirbi bu inimigus ku SIÑOR na manda kontra bo. Bu na fasil ku fomi, ku sedi, sin ropa, ku falta di tudu. SIÑOR na pui un korenti di feru na bu garganti tok i kaba ku bo.

49SIÑOR na lantanda kontra bo un nasonJer 4.13; 5.15; 6.22-23; Mis 4.19; Os 8.1; Ab 1.6-8 di lunju, di utru ladu di mundu, ku bu ka kunsi si lingua. I na pika riba di bo di repenti suma agia.

50Si omis ta tene rostu brabu; e ka na rispita bejus, nin e ka na sinti pena2 Kron 36.17; Is 47.6 di mininus.

51E na kume bu limarias, ku prudutu di bu con, tok fomi kaba ku bo. E ka na disau miju, biñu, azeiti, fijus di bu bakas nin di bu karnel, tok e kaba ku bo.

52Na tudu parti di tera e na taja2 Re 17.5-6; 24.10-11; 25.1-4; Ne 1.3; Is 5.5 tudu bu prasas, tok ki muras kumpridu, forti, ku bu fiansaba nelis, e kai. Asin e na atakau na tudu prasas di tera ku SIÑOR bu Deus dau.

53Ora ku bu inimigus tajau, bu na foronta tok bu kume karni di bu propi fijusSir 26.29 ku bu padi, ki fijus macu ku femia ku SIÑOR bu Deus dau.

54Ki omi mas finu na bo metadi, ku tene bon kriason, i ka na misti rapati nada ku si ermon, nin ku si minjer ki ama, nin ku si fijus ki sobra ku elis inda.

55Asin i ka na pati nin un delis un padas di karni di si fijus ki na kume, pabia i ka sobra ku utru kusa na ki tempu di foronta ku inimigus taja tudu bu prasas.

56Ki minjer mas finu na bo metadi, ku tene bon kriason, ku sedu finu dimas tok i ka ta osa pui pata di pe na con, i ka na misti rapati nada ku si omi ki ama, nin ku si fijus macu o femia.

57I tene si mparia ku sai na si bariga, ku fiju ki kumsa padi; i misti kume elis sukundidu pabia di falta di tudu na ki tempu di foronta ku inimigus taja bu prasas.

58Si bu ka pui sintidu pa obdisi tudu palabras de lei ku sta skritu ne libru, bu rispita e nomi gloriosu, meduñu, di SIÑOR bu Deus,

59SIÑOR na manda garandi kastigus meduñu, ku ka na lestu pa kaba, riba di bo ku bu jorson; i na manda tambi duensas mau ku na tarda na bo.

60Tudu ki duensas ku bu ta medibaKap 7.15; Sai 15.26 na Ejitu, SIÑOR na torna pui elis riba di bo; e na pegau.

61Tambi SIÑOR na tisi riba di bo tudu koldadi duensa ku mufunesa ku ka sta skritu ne libru di lei, tok bu kabadu ku el.

62Abos ku seduba ciu suma strelas di seu, bo na bin fika puku, pabia bo ka para oreja pa obi palabra di SIÑOR bo Deus.

63Suma ku SIÑOR kontenti ba ku bos, i fasi bos ben, i aumenta bos, asin tambi ki na kontenti pa dana bos, i kaba ku bos. Bo na rinkadu na tera ku bo na bai toma.

64SIÑOR na pajiga bos na metadi di tudu nasonsKap 4.27-28; Jer 9.16; 50.17; Ez 20.23; Luk 21.24 di un parti di mundu pa utru. La bu na sirbi utru deusis di po ku di pedra, ku nin abo nin bu papes ka kunsi.

65Na metadi di ki nasons bu ka na ten diskansu, nin kau pa diskansa bu pe. SIÑOR na dau korson ku ka na ten susegu; bu uju na fika kansadu, bu na fika disanimadu.

66Bu ka na ten sertesa di bu vida; bu na sinti medu di dia ku di noti. Suguransa ka na ten pa bo.

67ParmañaJo 7.3-4 bu na fala: “A! pañan pa i sedu di noti!” Di tardi bu ta fala: “A! pañan pa sol mansi janan!” Bu na fala asin pabia bu korson na bati ku medu, tambi ku kusas ku bu na oja ku bu uju.

68SIÑOR na ribantau na barkus pa Ejitu, ki kau ku N falaba kuma nunka masKap 17.16; Jer 43.7; 44.12; Os 8.13 bu ka na ojal. La bo na bindi bo kabesa suma katibu macu ku femia pa bo inimigus, ma i ka na ten kin ku misti kumpra bos.