Isaias 24 - Portuguese Creole Bible, Guinea-Bissau

SIÑOR na kastiga mundu

1Jubi, SIÑOR na kaba ku tudu na mundu, i disal sin nada. I na dana tudu tera, i pajiga si moraduris.

2Kil ku pasa ku pobuOs 4.9 na pasa ku saserdoti; servu na sedu suma si patron, bajuda suma si mestra, kumpradur sumaEz 7.12-13 kil ku ta bindi, kil ku pista suma algin ku pistadu, kil ku kobra juru suma kil ku pagal.

3Tudu mundu na danadu, i disadu sin nada. I SIÑOR ku papia e palabra.

4TeraKum 3.17; Sir 18.25; Num 35.33 na lati, i na seku; mundu na pirdi forsa, i na lati. Jinti mas altu di tera na pirdi forsa.

5Na bardadi tera sta kontaminadu pabia di si moraduris, pabia e kebra leis, e ka obdisi mandamentus, e kebra kontratu ku ka ta kaba.

6E ku manda maldisonLei 28.15; Joe 1.10,12; Mal 4.5-6 na nguli tera; si moraduris na paga pa se kulpa. E na kemadu; pukus ku na sobra.

7Biñu nobu na seku; pe di uva na pirdi forsa. Tudu kilis ku staba kontenti e na jimi.

8Gosi jinti ka na goza musikaJer 7.34; 16.9; 25.10-11; Ez 26.13; Os 2.11; Apok 18.23 di tambriña ku arpa; baruju di kilis ku na baja di kontentamentu i kaba.

9Jinti ka na bibi biñu mas ku kantiga; bibida forti na sedu malgos pa kilis ku na bibil.

10Prasa danadu, i fika sin nada. Tudu kasas sta ficadu; ningin ka pudi yentra.

11Na ruas e na grita pa biñu; tudu kontentamentu bida sukuru; gozu baridu fora di tera.

12I danu ku na manda na prasa; porton kebra-kebradu.

13Na mundu, na metadi di nasons, i na sedu suma ora ku olivera i sakudidu, o suma restu ora ku uvas kujidu na se pe.

Kontentamentu di justus

14Jinti na yalsa vos, e kanta ku kontentamentu. Desdi mar e na konta manera ku SIÑOR i garandi.

15Asin, abos na ladu di saida di sol, bo ngaba SIÑOR; abos na jiu, bo ngaba nomi di SIÑOR, Deus di Israel.

16Di lugar mas lunju di mundu no obi jinti ku na kanta: “Gloria pa Deus justu!”

Kastigu pa disobdientis

Ma ami N fala: “Kurpu na kaba ku mi! Koitadi di mi! Kurpu na kaba ku mi! Falsiaduris na falsia; sin, falsiadurisKap 21.2 e mas na falsia!”

17Abos moraduris di tera, kusas meduñu ku koba ku armadilia e na pera bos.

18Algin ku obi kusa meduñu, i kuri, i na kai na koba. Kil ku sai na koba1 Re 19.17; Jer 48.43-44; Am 5.19 i ta pañadu na armadilia. Janelas di seuKum 7.11; Sal 18.7 na yabri; alisersus di mundu na tirmi.

19Mundu na kebrantadu tudu, i na rumpidu, i sakudidu ku forsa.

20Mundu na singa-singa suma algin ku cami, i na balansa suma baraka na bentu. Si pekadu na pesa riba del; i na kai; nunka mas i ka na lanta.

21Dia na ciga ku SIÑOR na kastiga puderis la riba na seu, ku reis di tera li bas.

22E na juntadu suma prezus ku pertadu na un prison bas di con; e na ficadu na kalabus; dipus di manga di tempu e na kastigadu.

23Lua na fikaKap 13.10 sukuru; sol na sukundi rostu ku borgoña ora ku SIÑOR ku ten tudu puder na rena na Jerusalen na monti di Sion. Si garandisApok 19.4,6 na oja si gloria.