Numerus 9 - Portuguese Creole Bible, Guinea-Bissau

Paskua na lala di Sinai

1Na purmeru mis di sugundu anu dipus de sai na Ejitu, SIÑOR papia ku Moisés na lala di Sinai, i falal:

2“Israelitas dibi di guarda Paskua na tempuSai 12.26 markadu,

3ku sedu na dia 14 de mis, ora ku sol na kai. Bo na guardal konformi tudu si regras ku kustumus.”

4Asin Moisés fala fijus di Israel pa e guarda Paskua.

5E guardal na lala di Sinai, na dia 14 di purmeru mis, oca ku sol na kai. E fasi tudu konformi ordis ku SIÑOR daba Moisés.

6I tenba utrus ku ka pudiba toma parti na Paskua na ki dia pabia e tokaba na kurpu di un omi ku muri, e fikaSir 5.2 impuru. Asin e ciga nunde Moisés ku Aron na ki mesmu dia,

7e falal: “No sta impuru pabia no toka na un difuntu, ma kuma ku no pudi tujidu da oferta pa SIÑOR na tempu markadu, juntu ku utru fijus di Israel?”

8Moisés fala elis: “Bo pera tok N obi kal ordiKap 27.5-6; Sal 85.8; Ab 2.1 ku SIÑOR ten pa bos.”

9SIÑOR fala Moisés

10pa i papia ku fijus di Israel, i fala elis: “Si algin na bo metadi o, mas tardi, na metadi di bo jorsons, fika impuru pabia di un difuntu, o si i bai bias, tudu manera i dibi di toma parti na Paskua di SIÑOR.

11Na dia 14 di sugundu mis2 Kron 30.2-3,15 e pudi guarda festival, e kume karnel di Paskua ku pon sin fermentu ku ortalisa ku tene gustu forti.Sai 12.8

12E ka dibi di disa nada di karniSai 12.10,46 tok sol mansi; tambi pa ka e kebraJon 19.36 nin un os. E na fasi festival konformi tudu lei di Paskua.

13Ma si un omi sta puru, i ka bai bias, ma i ka guarda Paskua, i na tiraduSai 12.15 na metadi di ña pobu, pabia i ka da oferta di SIÑOR na tempu markadu. Ki omi na fika ku kulpa di si pekadu.

14“Si un stranjeru ku mora na bo metadi misti toma parti na festival di Paskua, i dibi di fasil konformi leis ku regras di Paskua. Lei i un son pa bos, fijus di tera o stranjeru.”

Nuven bai dianti(Sai 40.34-38)

15Na dia ku tabernakulu lantandadu, nuven ria i kubril, riba di tenda di tustumuñu; di noti ki nuven ta yardi suma fugu tok sol mansi.

16Asin ki kontinua; nuven ta kubril; di noti i ta yardi suma fugu.

17Ora ku nuven lanta, fijus di Israel ta pegaKap 10.11,33-34 si tras; kau ku nuven para, la ke ta kampa nel.

18Konformi ordi di SIÑOR, fijus di Israel ta pega kamiñu; konformi ordi di SIÑOR e ta yarma se tenda. Tudu dia ku nuven fika paradu riba di tabernakulu, e ta sintaba.

19Ora ku nuven tarda pa manga di dia riba di tabernakulu, fijus di Israel ta peraba ordi di SIÑOR, e ka ta baiba dianti.

20Utru ora nuven ta tene puku dia riba di tabernakulu; e ta sukuta ordi di SIÑOR pa para; e ta sukutal tambi pa bai.

21Si nuven fika paradu di tardi tok sol mansi, dipus i lanta, e ta pega kamiñu. Nin ki di dia o di noti ku nuven lanta, e tenba ku bai.

22Si nuven para riba di tabernakulu dus dia, o un mis, o un anu, tementi i ka lanta, fijus di Israel ta fika, e ka ta bai, ma si nuven lanta, e ta bai.

23Konformi ordi di SIÑOR e ta kampa; konformi ordi di SIÑOR e ta pega kamiñu pa bai. E ta obdisi tudu ordi ku Deus da pa boka di Moisés.