Ŝefis Introduson - Portuguese Creole Bible, Guinea-Bissau

IntrodusonGarandi parti di storia de libru i suma roda ku na vira sempri, ku tene kuatru raiu: disviu, kastigu, ripindimentu, libertason. 17.6 ku 21.25 ta mostranu falta di gubernu ku disiplina. I Deus ku seduba se Rei (Teokrasia) ma e ka ta obdisilba. E libru konta aserka di trezi ŝef, di norti, di sul ku di utru banda di Jordon. I pudi sedu kuma, mas di ki un na ŝefiaba na mesmu tempu, kada kin na si area. Tempu disna di kumsada di libru te na kabantada i pudi ciga 300 - 400 anu.No ka sibi kin ku skirbi e libru, ma i pudi sedu manga di jinti ku skirbi se parti. Utru jinti pensa kuma Samuel usa ki partis, i skirbi e libru, talves na tempu di rei Saul, antis di Davi ngaña Jerusalen (2 Sam 5.6-7; Ŝef 1.21).Rusumu1.1—2.9 Te na mortu di Josué2.10—16.31 Ŝefis di Israel17.1—18.31 Mika ku fijus di Dan19.1—21.25 Pekadu di omis di Jibeá; gera kontra jorson di Benjamin