Apokalipsi 11 - Portuguese Creole Bible, Guinea-Bissau

Dus jinti ku da se tustumuñu

1Algin dan un kanaKap 21.15; Ez 40.3 ku parsi suma regua, i falan: “Lanta, bu midi templu di Deus, ku altar, bu konta numeru di kilis ku ta fasi kultu li,

2ma disa baranda ku sta fora di templu; ka bu midil, pabia i dadu pa jintiKap 12.6; 13.5; Sal 79.1; Luk 21.24 di utru rasas. E na masa prasa sagradu pa korenta i dus mis.

3N tene ña dus tustumuña ku N na manda. E na bisti saku, e na anunsia paKap 12.6 1.260 dia.”

4Es i ki dus peZak 4.3,11-14 di olivera, ku ki dus kanderu ku sta dianti di Siñor di tera.

5Si algin na buska fasi elisNum 16.29; 2 Re 1.10,12; Jer 5.14 mal, i ta sai na se boka fugu ku ta kaba ku se inimigus. Si algin na buska fasi elis mal, i ten ku muri di ki manera.

6Elis e ten puder pa fica seu pa ka i cubi1 Re 17.1 na ki dias ke na anunsia. E ten puder tambi riba di fontis di yagu pa bidantaSai 7.19-20 yagu sangi, tambi pa kastiga tera ku tudu koldadi praga, konformi tempu ke misti.

7Dipus ke kaba da se tustumuñu, besta ku subi di abismuKap 13.1; 17.8; Dan 7.21 i na bin geria ku elis; i na ngaña, i na mata elis.

8Se difuntus na fika ditadu na kau publiku di prasa garandi ku parsintidu suma Sodoma ku Ejitu, i dadu ki nomis, nunde tambi ku se SiñorLuk 13.33-34 krusifikadu.

9Jinti di tuduKap 5.9 pobu, rasa, lingua ku nason e na ba ta jubi ki difuntus duranti tris dia i meiu; e ka na seta pa e nteradu.

10Tudu jinti na tera na kontenti riba delis, tok e na fasi festa, e na manda ŋutruEst 9.19,22 pursentis, pabia ki dus anunsiadur kastigaba jinti di tudu mundu.

11Dipus di ki tris dia i meiu, Deus supraKum 2.7; Ez 37.1-10 si folgu di vida dentru delis. E lanta, e sikidu riba di se pe. Garandi medu kai riba di kilis ku mati.

12E obi un garandi vos ku bin di seu, i fala elis: “Bo subi pa li.” E subi na seuKap 4.1-2; 2 Re 2.11; At 1.9 na nuven, na uju di se inimigus.

13Na ki mesmu ora con tirmiKap 6.12; 16.18-19 ku forsa; desimu parti di prasa kai. Ku ki tirmidura di con seti mil jinti muri. Kilis ku fika e mediKap 15.4 tok e da gloria pa Deus di seu.

14I pasa ja sugundu kastigu, ma terseru na ciga gosi.

Setimu korneta

15SetimuKap 10.7; 16.17 anju toka si korneta. I obidu manga di vos forti na seu, ku fala:

“Puder pa manda riba di mundu

i pasa ja pa no SiñorKap 12.10; 19.6; Sal 145.13; Dan 2.44; Eb 1.8 ku si Kristu;

i na rena pa tudu sempri.”

16Ki vinti i kuatru omi garandiKap 4.4; 5.8,14; 7.11; 19.4 ku sta sintadu na se tronus dianti di Deus e mborka ku rostu na con, e adora Deus,

17e fala:

“Siñor Deus ku ten tudu puder,

kuKap 1.4,8; 4.8; 16.5; 19.6 sedu, ku seduba,

no falau obrigadu pabia bu toma bu garandi puder,

bu kumsa rena.

18Nasons paña raiba, ma dia di bu vingaKap 6.10; 19.2; Lei 7.9-10; Ekl 3.17; At 10.42 ciga.

I tempu ja pa mortus julgadu,

tempu pa bu paga bu servus anunsiadur,

ku bu pobu, ku kilis ku rispita bu nomi,

pikininus ku garandis;

i tempu pa bu dana ki jinti ku dana tera.”

19Templu di Deus na seu yabridu; i ojadu arka di si kontratuKap 15.5-8; 16.18,21 dentru di templu. I kumsa fasi relampagu, ku baruju di turbada; con tirmi; garandi cuba di pedra di jelu kai.