Romanus 10 - Portuguese Creole Bible, Guinea-Bissau

Judeus nega pa Deus fasi elis justu

1Ermons, diseẑu di ña korson ku ña orason pa Deus i pa Israel sedu salbu.

2Ami N sedu tustumuña kuma e misti sirbi Deus dimas, ma e ka ten ntindimentu.

3E ka kunsi manera ku Deus ta fasi jinti justu. E buska sedu justu na se propi manera; e ka seta manera ku Deus ranja pa elis.

4Kristu i kabantada di leiMat 5.17; Gal 3.24 di Moisés, pa tudu kilis ku seta Kristu pudi ojadu justu.

5Moisés skirbi aserka di kumpri lei pa ojadu justu; i fala kuma, kil ku fasi e kusas di lei, i ta viviSir 18.5; Ne 9.29; Ez 20.11; Gal 3.12 na lei.

6Aserka di sedu justu pabia di fe, i fala: “Ka bu puntaLei 30.12-14 na bu korson: ‘Kin ku na subi na seu?’ ” (ku sedu pa bai tisi Kristu di riba)

7“o: ‘Kin ku na ria na koba fundu?’ ” (ku sedu pa fasi Kristu lanta na metadi di mortus).

8Kusa ki fala i asin: “Palabra sta pertu di bo, na bu boka, na bu korson,” ku sedu e palabra di fe ku no prega,

9kuma, si ku bu boka bu diklaraLuk 12.8; At 8.37 kuma Jesus i Siñor, na bu korson bu fia kuma Deus lantandal na metadi di mortus, bu na sedu salbu.

10Ku korson no ta fia pa no ojadu justu; ku boka no ta konta pa no yangasa salbason.

11Skritura fala kuma tudu ku setal ka ta pasaKap 9.33 borgoña.

12Deus ka ta diferensiaKap 3.29; At 15.9; 1 Kor 12.13; Gal 3.28; Kol 3.11 judeu ku kil ki ka judeu. Ki mesmu algin i Siñor di tudu; i riku pa tudu ku ta comal,

13pabia “Tudu kil ku coma nomiAt 2.21 di Siñor i ta sedu salbu.”

14Kuma ke na coma kil ke ka fia nel? Kuma ke na fia na kin ke ka obi faladu del? Kuma ke na obi si i ka ten kin ku naTitu 1.3 konta?

15Kuma ke na konta si e ka mandadu? Suma ki sta skritu: “BonituIs 52.7 i pes di kilis ku ta konta Bon Noba!”

16Ma i ka tudu ku seta eEb 4.2 Bon Noba. IsaiasIs 53.1 punta: “Siñor, kin ku seta no rekadu?”

17Asin, obi rekadu ta danu fe. Rekadu bin di palabra di Kristu.

18Ma N na punta: Nta e ka obi? Sertamenti e obi.

“Se vos saiSal 19.4; Mat 24.14; At 1.8; Kol 1.6,23 pa tudu tera;

se palabra bai te na kau mas lunju di mundu.”

19N punta inda: Israel ka sibiba es? Moisés purmeru i fala:

“N na pui bos na kumbosadiaKap 11.11; Lei 32.21 ku kilis ku ka sedu pobu.

N na pui bos raiba ku un pobu ku ka ten ntindimentu.”

20Isaias osa skirbi kuma DeusKap 9.30; Is 65.1-2 fala:

“Kilis ku ka buskan, e ojan.

N parsi pa kilis ku ka punta pa mi.”

21Ma i fala tambi di Israel:

“Tudu dia N distindi ña mon

pa un pobu rebeldi, ntemus.”