1 Samuel 19 - Portuguese Creole Bible, Guinea-Bissau

Saul misti mata Davi

1Saul fala ku si fiju Jonatas ku tudu si ŝefis aserka di mata Davi, ma Jonatas, fiju di Saul, gostaba ciu di Davi,

2i bai avisal, i falal: “Ña pape Saul na buska manera di matau. Amaña parmaña bu ta toma sintidu, bu bai buska kau, bu sukundi la.

3N na sai ku ña pape, no na firma na lugar nunde ku bu sukundi nel; N na papia ku el aserka di bo, N na jubi ke ku ten, N ta bai kontau.”

4JonatasDit 24.11-12; 31.8-9 ngaba Davi oca ki na papia ku si pape, i falal: “I ka bon pa rei fasi mal kontra si servu Davi, pabia el i ka fasi mal kontra bo; i judau ciu na tudu ki fasi.

5I mpiña si vida oca ki bai mata ki filisteu; SIÑOR ngaña garandi vitoria pa tudu Israel. Abo propi bu ojal, bu fika kontenti. Pabia di ke ku bu na fasi mal kontra alginKap 20.32; Jer 26.15; Mat 27.4,24 inosenti, manera ku bu misti mata Davi sin roson?”

6Saul seta ke ku Jonatas falal, i jurmenta na nomi di SIÑOR kuma i ka na matadu.

7Jonatas coma Davi, i kontal tudu ki palabra, i lebal nunde Saul. Davi kontinua na sirbi Saul suma ki tarda ta fasi.

8Gera torna rebenta mas utru bias. Davi sai i geria kontra filisteus, i ngaña elis ku forsa tok e kuri si dianti.

9Un dia ki spiritu mau ku SIÑOR manda i bin mas riba di Saul oca ki sinta na si kasa, ku kañakuKap 16.14; 18.10-11 na mon. Oca Davi na toka arpa,

10Saul tenta pregal ku kañaku na paredi, ma Davi libra del; kañaku fidi paredi. Davi kuri i kapli.

11Ki di noti Saul manda omis pa kasa di Davi pa guardal, pa e pudi matal parmaña. Mikal, minjer di Davi, i avisal, i falal: “Si bu ka salba bu vida e di noti, e na matau amaña.”

12Dipus Mikal riantaJos 2.15; At 9.24-25 Davi na un janela; Davi kuri, i kapli.

13Mikal toma un statua, i ditandal na kama, i pui kuru di kabra na si kabesa, i kubril ku panu.

14Saul manda omis pa e bai tisi Davi, ma Mikal fala elis kuma i sta duenti.

15Asin Saul fala ki omis pa e bai jubi Davi; i fala elis: “Bo tisin el na kama pa N pudi matal”

16Omis ciga, e oja statua na kama ku kuru di kabra na kabesa.

17Saul punta Mikal: “Pabia di ke ku bu nganan asin? Bu disa ña inimigu kapli.” Mikal fala Saul: “I falan pa N judal kapli; si i ka asin i na matan.”

18Asin Davi kuri, i kapli, i bai pa Samuel na Ramá, i kontal tudu ku Saul fasil. El ku Samuel e bai fika na Naiot.

19Saul kontadu kuma Davi sta na Naiot na Ramá.

20I manda omis pa e bai tisiJon 7.32,45-46 Davi. E bai oja un grupu2 Re 2.3 di anunsiaduris e na anunsia na pursensa di Samuel ku sedu se ŝef. Spiritu di Deus bin riba di ki omis ku Saul manda; e anunsia tambi.

21Jintis bai konta Saul; i manda utru omis; kilas tambi2 Re 1.9-13 e bai na anunsia. Saul manda omis terseru bias; kilas tambi e bai na anunsia.

22Asin Saul propi bai pa Ramá, i ciga na fonti garandi ku staba na Seku, i punta: “Nunde ku Samuel ku Davi sta nel?” E falal: “Ala elis na Naiot na Ramá.”

23Asin i bai pa Naiot na Ramá. Ki mesmu Spiritu di Deus bin riba del; i na yanda i na anunsia tok i ciga na Naiot na Ramá.

24I dispi si ropa, i na anunsia tambi dianti di Samuel. I dita na con, nun, tudu ki dia ku tudu ki di noti. E ku manda jinti ta punta: “Nta Saul tambiKap 10.10-12 i un di anunsiaduris?”