1Nabukodonosor, rei di Babilonia, i pui Zedekias, fiju di Josias, pa i sedu rei2 Kron 36.10-14 di Judá. I rena na lugar di Konias, fiju di Jeoiakin.
2El, ku si ŝefis, ku pobu di tera, e ka para sintidu na palabras di SIÑOR ki fala na boka di anunsiadur Jeremias.
3Rei Zedekias mandaKap 21.1-2; 52.24 Jeukal, fiju di Selemias, ku saserdoti Sofonias, fiju di Maaseias, pa anunsiadur Jeremias, pa e falal: “Roga SIÑOR no Deus pa nos.”
4Jeremias staba libri pa yanda na metadi di pobu, pabia e ka ficalba inda na kalabus.
5Tropas di Faraó sai naKap 37.11; 34.21; Ez 17.15 Ejitu. Oca tropas di Babilonia, ku na tajaba Jerusalen, obi ki noba, e rakua.
6SIÑOR bin papia ku anunsiadur Jeremias, i dal e rekadu pa konta ki jinti:
7“Ami, SIÑOR Deus di Israel, N fala: Asin ku bo na konta rei di Judá ku manda bos pa buska sibi ke ku na sedu: ‘Tropas di Faraó ku sai pa juda bos e na riba pa se tera, ku sedu Ejitu.
8Tropas di Babilonia na riba, e na geria kontra e prasa, e na tomal, e kemalKap 21.10 ku fugu.
9Ami, SIÑOR, N fala: Ka bo ngana bo kabesa, bo fala kuma, sin duvida jinti di Babilonia na disa bos, e bai, pabia e ka na bai.
10Nin si bo ngaña tudu tropas di Babilonia ku na geria kontra bos tok i sobra son puku omis ku molosta, kada un delis i ta lanta na si tenda, i kema e prasa ku fugu.’ ”
11Oca ku tropas di Babilonia rakuaKap 37.5 di Jerusalen pabia di tropas di Faraó,
12Jeremias sai na Jerusalen ku ideia di bai pa tera di Benjamin, pa toma si parti di yardansa na metadi di pobu.
13Oca ki ciga na porton di Benjamin, un kapiton di guarda ku staba la, ku tene nomi di Jerias, fiju di Selemias, fiju di Ananias, i prindi anunsiadur Jeremias, i falal: “Bu na kuri pa jinti di Babilonia!”
14Jeremias falal: “I ka bardadi, N ka na kuri pa elis.” Jerias ka seta obi; i prindi Jeremias, i lebal pa ŝefis.
15Ŝefis paña raiba di Jeremias, e manda sutal, e mitil na kalabus, na kasa di sekretariu Jonatas, pabia e bidanta si kasa kalabus.
16Jeremias yentra na un kuartu pikininu bas di con, i fika la manga di dia.
17Dipus rei Zedekias manda tisil pa si kasa, i puntal na sigridu: “I ten palabra di SIÑOR?” Jeremias ruspundil: “I ten. Bu na ntregadu na mon di rei di Babilonia.”
18Dipus Jeremias punta rei Zedekias: “Kal mal ku N fasi kontra bo, o kontra bu ŝefis, o kontra pobu, ku manda bu fican na kalabus?
19Nunde bu anunsiaduris ku anunsiaba pa bos, e fala kuma rei di Babilonia ka na bin kontra bos nin kontra e tera?
20Gosi, Ñu Rei, ten pasensa bu obi ña pididu. Ka bu ribantan na kasa di sekretariu Jonatas, pa ka N bin muri la.”
21Asin rei Zedekias da ordi pa e pui Jeremias na kintalKap 32.2; 38.13,28; 39.14 di guarda. E dal un pon kada dia di rua di paderus, tok pon kabaKap 38.9; 52.6 tudu na prasa. Jeremias fika la na kintal di guarda.
Who We AreWhat We EelieveWhat We Do
2025 by iamachristian.org,Inc All rights reserved.
