Ebreus 3 - Portuguese Creole Bible, Guinea-Bissau

Jesus i mas Moisés

1Asin, ermons krenti ku Deus coma, bo pui sintidu na Jesus, ku sedu Apostolu i Ŝef di Saserdoti di ki fe ku no ta konta kuma i di nos.

2I sedu fiel pa kil ku pul na tarbaju, suma ku MoisésNum 12.7 tambi seduba fiel na kasa di Deus.

3Kin ku kumpu kasa i ten mas onra di ki kasa. Asin tambi ku Jesus mersi mas gloria di ki Moisés.

4Kada kasa ten kin ku kumpul, ma kin ku kumpuZak 6.12; Mat 16.18 tudu kusa i Deus.

5Na bardadi Moisés, sumaSai 14.31; Lei 18.15,18-19 servu, i seduba fiel na kasa di Deus, pa konta kusas ku Deus na bin konta mas tardi,

6ma Kristu, suma Fiju, i fiel na si propi kasa. I anos ku sedu ki1 Kor 3.16; Ef 2.21-22; 1 Tim 3.15; 1 Ped 2.5 kasa, si no rakada no fiansa ku no speransa gloriosu firmi te naMat 10.22 fin.

Diskansu pa pobu di Deus

7Asin, suma ku Spiritu Santu fala:

“Aos, si boSal 95.7-11 obi si vos,

8ka bo ndurusi bo korson suma bo papes di antigu,

oca e provoka Deus na ki tempu di probason na lala,

9nunde ke tentan, e proban;

korenta anu e oja kusas ku N fasi.

10E ku manda N raiba kontra ki jinti;

N fala kuma, esis, se korson ta yara sempri;

e nega kunsi ña kamiñu.

11Asin N jurmenta na ña raiba kuma,

e ka na yentra na ña lugar di diskansu.”

12Ermons, bo toma sintidu pa ka nin un di bos tene mau korson, ku ka ta fia, pa i bin fasil lunjusi di Deus bibu.

13I minjor bo ba ta konsija ŋutru tudu dia ku na faladu “Aos”, pa ka nin un di bos fika duru pa nganu di pekadu.

14Gosi no toma parti na Kristu, si no rakada no fiansa di kumsada firmi te na fin.

15Suma ku Skritura fala: “Aos, si bo obi si vos, ka bo ndurusi bo korson suma na ki dias di provokason.”

16I kal jinti ku obil, e provokal? Nta i ka sedu tudu ki jintiNum 14 ku Moisés tira na Ejitu?

17Kin ku Deus paña raiba ku elis korenta anu? I ka kilis ku peka, ku se difuntusNum 14.29; 26.65; 1 Kor 10.5 kai na lala?

18Pa bakin ki jurmenta kuma e ka na yentraKap 4.6; Lei 1.34-38 na si lugar di diskansu? I ka kilis ku disobdisi?

19No oja kuma e ka pudi yentra pabia e ka fia.