1Na ki dia ku libruKap 8.1-12 di Moisés leidu dianti di pobu, i ojadu skritu kuma nin amonitasKap 13.23; 2.10,19; Lei 23.3-5 nin moabitas ka pudi junta ku pobu di Deus,
2pabia e ka da fijus di Israel kontrada ku kumida ku yagu, ma e paga BalaonNum 22.4-6 pa i maldisua elis. (Ma no Deus muda ki maldison pa i sedu benson.)
3Manera ku jinti obi ki lei leidu, e tira di kumunidadi di Israel tudu ki stranjerusKap 9.2; 10.28; Esd 10.11-12 ku jagasiba ku elis.
4Antis di kila, saserdotiKap 13.28; 12.10; Esd 10.6 Eliasib, ku tenba konta di armazensKap 12.44 di kasa di no Deus, i ranja parentasku ku Tobias,
5i ranjal un kuartu garandi, nunde ke ta rakadaba ofertas di kumida, nsensu, tiẑelas ku utru losa, ku ofertas pa saserdotis, ku dizimus di garan suma miju, di biñu ku azeiti ku dibi di daduba pa levitas, kantaduris ku porterus.
6Oca ku ki kusa kontisi N ka staba na Jerusalen, pabia, na anu 32 di renansa di Artaserksis, rei di Babilonia, N bai pa el. Dipus di algun tempu N pidil lisensa,
7N riba pa Jerusalen. N bin sibi di ki mal ku Eliasib fasiba, manera ki da Tobias un kuartu dentru di kintal di kasa di Deus.
8Ki kusa ka fikan sabi; N bai botaMar 11.15-17; Jon 2.13-17 tudu kusas di Tobias fora di ki kuartu.
9Dipus N manda jinti pa e purifika2 Kron 29.5,15-19 kuartus, pa e torna pui la ki ekipamentu di kasa di Deus ku ofertas di kumida ku nsensu.
10N bin sibi tambi kuma levitas e ka na dadubaKap 10.37; 12.47 se sustentu, ku manda levitas ku kantaduris disaba ja se sirvis na templu; kada kin riba pa si kau.
11N raprindi ŝefis, N punta elis: “Ke ku manda kasa di DeusKap 10.39 i bandonadu?” Dipus N coma levitas, N ribanta elis na se sirvis.
12Asin pobu di Judá kumsa mas tisi dizimus di garan, biñu ku azeiti pa armazens.
13N pui nkargadusKap 13.4; 12.44 riba di armazens, ku sedu saserdoti Selemias, ku sekretariu Zadok, ku un levita comadu Pedaias; tambi N buri elis Anan, fiju di Zakur, fiju di Matanias. E seduba omis di fiansa2 Re 22.7 ku pudi toma konta di rapati ofertas pa se kolegas.
14Ña Deus, lembraKap 5.19 di mi; ka bu diskisi di bon kusas ku N fasi pa bu kasa ku kilis ku na sirbi la.
15Na ki tempu N oja utru jinti na Judá ku na pirmi uvas na dia diKap 10.31 diskansu. Utrus na karganta se burus miju, biñu, uvas ku figus, ku tudu koldadi kusas, e na lebal pa Jerusalen na dia di diskansu. N avisa elis pa ka bindi kumida na ki dia.
16Utru omis di Tiru ku moraba na Jerusalen e ta tisiba pis ku manga di utru kusa pa bindi pa pobu di Judá na Jerusalen na dia di diskansu.
17N raprindi ŝefis di Judá, N fala elis: “Bo jubi pa mal ku bo na fasi! Bo ka na guarda dia di diskansu suma dia sagradu.
18Nta i ka asin ku bo papes fasibaNum 32.14; Zak 1.4-6 ku pui no Deus tisi tudu e mal riba de prasa? Abos inda bo mas na buri si raiba riba di Israel, manera ku bo na njuti dia di diskansu!”
19Asin, antis di dia di diskansu, di tardi, oca ku sombrasSir 23.32 kumpriduba ja, N da ordi pa porton ficadu; N fala elis pa e ka yabril te dipus di dia di diskansu. N pui ña rapasis pa e guarda porton, pa ka ningin yentra ku kargu na dia di diskansu.
20Un o dus bias jilas ku bindiduris di tudu koldadi kusa e pasa noti fora di Jerusalen,
21ma N avisa elis, N punta elis: “Ke ku manda bo na pasa noti lungu di mura? Si bo torna fasil, N na pui monEsd 7.26 na bos.” Disna di ki tempu e ka bin na dia di diskansu.
22Dipus N fala utru levitas pa e fasi sirmoniaKap 13.30; 12.30 di purifikason, pa e pudi bin guarda porton, pa dia di diskansuLei 5.12 pudi sedu un dia sagradu.
Ña Deus, lembra di mi pabia de kusa tambi, bu purdan konformi rikesa di bu bondadi.
23Na ki tempu tambi N oja judeus ku kasaba minjerisKap 10.30; Esd 9.2 asdoditas, amonitas ku moabitas.
24Metadi di se fijus ta papiaba lingua di Asdod o di utru pobu; e ka sibiba papia no lingua judaiku.
25N jusia ku ki omis, N maldisua elis, N suta utrus, N rinka elis kabelu, N pui elis pa e jurmentaEsd 10.5 na nomi di Deus, N fala: “Nunka mas bo ka na da bo fijus femia pa e kasa ku se fijus, nin bo ka na torna toma se fijus femia pa bo fijus, nin pa bos.
26Nta i ka pabia di minjeris stranjeru ku rei Salomon1 Re 11.1-8 di Israel peka? Na metadi di manga di nason i ka tenba rei1 Re 3.13 suma el. Si Deus2 Sam 12.24 amal, i fasil rei riba di tudu Israel, ma minjeris stranjeru pul pa i peka.
27Nta anos gora no na sigi si isemplu, no na fasi garandi mal suma es, no na peka kontra no Deus, no kasa minjeris stranjeru?”
28Un fiju di Joiada, fijuKap 12.10 di Eliasib, ŝef di saserdotis, i kasaba fiju di ki oronita Sambalat. Asin N tiral ña dianti.
29Ña Deus, lembra delis, manera ke susa se sirvisSir 21.1-8 suma saserdoti, e susa tambi ki kontratuMal 2.4-8 ku bu fasi ku saserdotis ku levitas.
30Asin N purifika elis di tudu kusa di stranjeru, N organisa tarbaju di saserdotis ku levitas, kada kin ku si sirvis.
31N ranja tambi pa jinti tisi leñaKap 10.34 na tempus markadu; N pui pobu pa e tisi purmeru parti di se kebur.
Ña Deus, lembra di mi ku fabur.
Who We AreWhat We EelieveWhat We Do
2025 by iamachristian.org,Inc All rights reserved.
