Apokalipsi 3 - Portuguese Creole Bible, Guinea-Bissau

Karta pa igreẑa di Sardu

1“Skirbi pa anju di igreẑa di Sardu, bu falal: ‘Es i palabra di kil ku tene seti spiritu di Deus ku seti strela: N sibi ke ku bu na fasi; bu tene nomi di bibu ma bu sta1 Tim 5.6 mortu.

2Disperta, bu fortifika ki restu di vida, pa ka i kaba muri, pabia N oja kuma kusas ku bu fasi e ka sta inda diritu dianti di ña Deus.

3Asin, lembra di kusas ku bu2 Tim 1.13 nsinadu, ku bu obi; bu obdisi elis, bu ripindi. Si bu ka disperta, N na bin riba di bo sumaMat 24.42-43 ladron; bu ka ta sibi na kal ora ku N na bin.

4Ma bo ten un bokadu di jinti na Sardu ku ka susaJud 23 se ropa. E na yanda ku mi bistiduKap 4.4; 6.11; 7.9,13; 19.8,14 di branku, pabia elis e mersi.

5Kil ku vensi, asin ki na bisti di ropa branku. Di nin un manera N ka ta riska si nomiSai 32.32; Mat 10.32 na libru di bibus. N na coma si nomi dianti di ña Pape ku si anjus.

6“‘Kin ku tene oreja, pa i obi ke ku Spiritu na fala igreẑas.’

Karta pa igreẑa di Filadélfia

7“Skirbi pa anju di igreẑa di Filadélfia, bu falal: ‘Es i palabra di kil ki santu, i di bardadi,Kap 1.18; 19.11; Is 22.22; 1 Jon 5.20 ku tene cabi di Davi. Si i yabri, ningin ka pudi fica; si i fica, ningin ka pudi yabri.

8N sibi ke ku bu na fasi. Bu ten puku forsa ma bu obdisi ña palabra, bu ka nega ña nomi. Ali N pui un portaAt 14.27 abertu bu dianti, ku ningin ka pudi fica.

9Jubi, kilis ki di kasa di juntamentu di Satanas, ku na konta mintida, e fala kuma elis i judeusKap 2.9 ma e ka sedu, N na pui elis pa e bin, e mborkaIs 49.7 bu dianti; e ta sibi kuma N amau.

10Suma ku bu obdisi ña palabra, bu fika firmi, tambi N na guardau2 Ped 2.9 na tempu di kansera ku na bin riba di tudu mundu, pa proba kilis ku sta na tera.

11“‘N ka na tarda pa bin. RakadaKap 2.10,25; 22.7,12,20 kil ku bu tene pa ka ningin toma bu koroa.

12Kil ku vensi, N na fasil kuluna1 Re 7.21; Gal 2.9 na templu di ña Deus, nunde ki ka na sai mas. N na skirbi nomiKap 2.17; 14.1; 21.2,10; 22.4; Gal 4.26; Eb 12.22 di ña Deus riba del, ku nomi di prasa di ña Deus, ku sedu nobu Jerusalen ku ña Deus na disinti di seu, ku ña nobu nomi tambi.

13“‘Kin ku tene oreja, pa i obi ke ku Spiritu na fala igreẑas.’

Karta pa igreẑa di Laodiseia

14“Skirbi pa anju di igreẑa di Laodiseia, bu falal: ‘Es i palabra di kil ku comadu2 Kor 1.20; 1 Jon 5.20 Amen, ku sedu tustumuña di bardadi i fiel, kil ku tudu kriasonKol 1.15 di Deus sai nel.

15N sibi ke ku bu fasi. Abo bu ka fria, nin bu ka kinti. I minjor bu seduba friu o kinti!

16Asin, manera ku bu mornu, bu ka fria nin bu ka kinti, N na vomitau na ña boka.

17Bu fala bu seduOs 12.8; Luk 12.21; 1 Kor 4.8 riku, bu tene tudu, nada ka faltau; bu ka sibi kuma abo i un koitadi, disgrasadu, pobri, segu i nun.

18N konsijau pa bu kumpraIs 55.1; Mat 13.44 na ña mon uru rifinadu na fugu, pa bu sedu riku na bardadi; ku ropaKap 3.4; 16.15; 2 Kor 5.2-3 branku pa bu bisti, pa ka borgoña di bu disnun ojadu; bu kumpra tambi pomada pa pui na uju, pa bu pudi oja.

19N ta raprindi, N ta kastigaJo 5.17 tudu jinti ku N ama. Asin, pui garandi sintidu, bu ripindi.

20Ali N sta na porta, N na konki. Si algin obi ña fála, i yabri porta, N ta yentraJon 14.23 na si kasa, N ta kume ku el; el i ta kume ku mi tambi.

21Kil ku vensi, N ta disal i sinta juntu ku mi na ñaKap 2.26-27; Mat 19.28 tronu, suma ku ami N vensi, N sinta ku ña Pape na si tronu.

22“‘Kin ku tene oreja, pa i obi ke ku Spiritu na fala igreẑas.’ ”