1O Deus, lovor na perau na Sion;
no na kumpriKap 56.12 no purmesas pa bo.
2Abo ku ta obi orason,
tudu jintiIs 66.23 na bin pa bo.
3Pekadus ngaña riba di nos,
ma bu ranja manera di purda mal ku no fasi.
4Sortiadu i kil ku bu kuji,
bu tisi pa i sta na bu kau sagradu;
no na kontenti ku bondadi di bu kasa,
ku sedu bu templu sagradu.
5Bu ta ruspundinu ku kusas meduñu
ku bu fasi ku retidon, o Deus di no salbason.
Abo i speransa di jinti di tudu parti di mundu,
ku kilis ku sta lunju, riba di mar.
6Bu bisti forsa, bu fiksa montañas
na se lugar, ku puder.
7Bu ta kalmaKap 89.9; 107.29; Jona 1.15; Mat 8.26-27 baruju di mar,
ku turmenta di maron,
ku jumbulumani di jinti.
8Kilis ku mora na kau lunju e ten medu
di kusas garandi ku bu fasi.
Si sol mansi o i na kai,
bu ta pui elis kanta ku alegria.
9Bu ta toma kontaLei 11.12 di con, bu regual;
bu ta fasil riku dimas.
Rius di Deus inci ku yagu pa da jinti trigu.
Asin ku bu ta fasi.
10Bu ta inci reguas di yagu,
bu ta nivela parti di riba;
bu ta fasi con moli ku cuba,
bu ta bensua plantas nobu.
11Anu ta kaba ku kebur ciu pabia di bu bondadi.
Tudu kau ku bu yanda, rikesa ta ten la.
12Kau di bakia inci paja;
montis bisti kontentamentu.
13Matu inci karnel; kobon bisti trigu;
e ku manda jinti kontenti, e kanta.
Who We AreWhat We EelieveWhat We Do
2025 by iamachristian.org,Inc All rights reserved.
