Ezekiel 44 - Portuguese Creole Bible, Guinea-Bissau

Porton di saida di sol

1I pun pa N riba na kamiñu di porton di fora di kau sagradu, ku fika na ladu di saida di sol; i staba ficadu.

2SIÑOR falan: “E porton na fika sempri ficadu; i ka na yabridu. Ningin ka na yentra nel, pabia SIÑOR DeusKap 43.4 di Israel i yentra la. E ku manda i na fika sempri ficadu.

3Rei pudi yentra, i sinta, i kume pon dianti di SIÑOR. I na yentra pa salaKap 46.2,8 di porton, i na sai na mesmu kamiñu.”

Regras pa entrada na templu

4Dipus i leban pa porton di norti, dianti di templu. N jubi, N oja kuma gloria di SIÑORKap 43.5; Sai 40.34 inciba si kasa. N kai ku rostu na con.

5SIÑOR falan: “Fiju di omi, para sintidu, bu jubi diritu, bu obi ku bu orejaKap 40.4 tudu ku N na falau aserka di tudu regras ku leis di kasa di SIÑOR. Nota kin ku pudi yentra i sai, ku kin ku ka pudi.

6“Fala ku pobu di Israel disobdientiKap 2.5-8; 3.9,26-27; 12.2-3 kuma SIÑOR Deus fala: ‘Abos, pobu di Israel, i justaKap 45.9 ja! N ka na nguenta mas kusas nujenti ku bo na fasi,

7suma ku bo tisi stranjerusIs 56.6-7; At 21.28 ku ka sirkunsidadu, nin na korson nin na kurpu, pa e yentra na ña kau sagradu pa kontamina ña kasa ora ku bo na pursentan pon ku gurduraSir 3.13-17 ku sangi. Bo kebra ña kontratu ku tudu bo pekadu nujenti.

8Abos propi bo ka kumpri bo dever aserka di ña kusasSir 22.2 sagradu, ma bo pui utru jinti na bo lugar pa e toma konta di ña kau sagradu.

9Asin ku ami, SIÑOR Deus, N fala: Nin un stranjeruKap 44.7 ku mora na metadi di fijus di Israel, ku ka sirkunsidadu, na korson ku karni, i ka pudi yentra na ña kau sagradu.’

10“Ki levitas ku bai lunju di miKap 48.11 oca ku Israel disvia, ku bai yanda tras di se idulus, e na leba kastigu di se pekadu.

11E pudi sirbi na templu, e pudi ten konta di porton di templu, e sirbi la. E na mata limarias pa oferta kemadu o sakrifisiu pa pobu; e na sta dianti di pobu pa sirbi elis.

12Manera ke sirbi elis dianti di se idulus, e pui pobu di Israel pa e kai na pekadu, ami, SIÑOR Deus, N yalsa mon, N jurmenta kuma e na leba kastigu di se pekadu.

13E ka na ciga ña dianti pa fasin tarbaju di saserdoti, nin e ka na ciga pertuNum 18.3-4 di nin un di ña kusas sagradu, nin ña ofertas mas sagradu, ma e na leba borgoña di pekadus nujenti ke fasi.

14N na nkarga elis sirvis1 Kron 23.28,32 di templu ku tudu tarbaju ku ta fasidu la.

Saserdotis

15“Ma saserdotis, fijus di Levi, di jorson diKap 40.46 Zadok, ku seduba fiel na ña kau sagradu oca ku fijus di Israel yanda lunju di mi, elis e na ciga pertu di mi pa sirbin; e na firma ña dianti pa pursentan gurdura ku sangi. Asin ku ami, SIÑOR Deus, N fala.

16I elis ku na yentra na ña kau sagradu, e na ciga dianti di ña mesaKap 41.22 pa sirbin, pa diriẑi ña sirmonias.

17“Ora ke yentra na porton pa kintal di dentru, e na bisti ropaSai 28.39-43; 39.27-28 di liñu finu; e ka na bisti di lan ora ke na fasi sirvis na kintal di dentru o dentru di templu.

18E na pui ŝapeu di liñu na se kabesa, e bisti kalson di liñu, ma e ka na mara sintu, pa ka e bin kalura.

19Ora ke na sai pa kintal di fora nunde ku pobu sta, e ta dispi ki ropaKap 42.14 ke fasi tarbaju ku el, e disa elis na kuartus sagradu, e bisti utru ropa, pa ka e bin santifikaKap 46.20; Sai 29.37; 30.29; Sir 6.27; Mat 23.17,19 pobu ku ki ropa.

20“Saserdotis ka na rapaSir 21.5 kabesa, nin e ka na disa kabelu pa i kirsi kumpridu, ma e na ba ta kortal pa i fika justadu.

21Nin un saserdoti ka na bibiSir 10.9 biñu ora ki na yentra na kintal di dentru.

22E ka na kasaSir 21.7,13-14 nin ku viuva nin ku divorsiadu, ma e na toma bajuda di jorson di pobu di Israel, o un viuva ku si omi seduba saserdoti.

23E na nsina ña pobu pa e sibi diferensiaKap 22.26; Mal 2.7 kusas sagradu ku kusas ki ka sagradu; e na pui elis pa e rapara puru ku impuru.

24“Ora ki ten keŝa na se metadi, saserdotis na mati pa julgaLei 17.8-9 kasu konformi ña leis. E ten ku guarda ña leis ku mandamentus aserka di tudu ña festivalisSir 23 markadu; e na guarda ña dias di diskansu sagradu.

25“Un saserdoti ka pudi ciga lungu di unSir 21.1-4 difuntu, pabia i ta fika kontaminadu; son si i si pape o mame, fiju macu o femia, ermon o irma ku ka tene omi, ki pudi kontamina.

26Dipus ki purifika, i ten ku leba seti dia.

27Na dia ki yentra na kintal di dentru pa bai fasi sirvis na kau sagradu, i na pursenta un ofertaSir 4.3 pa pekadu. Asin ku ami, SIÑOR Deus, N fala.

28“Saserdotis na tene un yardansaNum 18.20 ku sedu ami propi. Bo ka na da elis terenu na Israel; ami ku sedu tudu ke pirsisa del.

29E na kumeSir 6.18,29; 7.6 oferta di kumida, oferta pa pekadu ku oferta pa kulpa. Tudu kusa na Israel ku dedikadu pa SIÑOR i na sedu pa elis.

30Minjor di tudu purmeruSai 22.29-30; Num 15.20 frutu di kebur, ku tudu oferta, i na sedu di saserdotis. Si bo na kumpu pon, bo na da purmeru masa pa saserdoti, pa benson pudi sta riba di bu familia.

31Saserdoti ka pudi kume kacu o limariaSai 22.31; Sir 22.8 ku muri, o ku utru limaria mata.