Isaias 16 - Portuguese Creole Bible, Guinea-Bissau

1Di prasa di Sela, na lala, bo manda fiju di karnel2 Re 3.4 te na monti di pobu di Sion, pa kil ku na manda na tera.

2Suma kacus ku tiradu fora di se niñu, e fika e na bua-bua, asin ku minjeris di Moab sta, lungu di kambansaNum 21.13-15 di riu Arnon.

3“Danu konsiju, fasi disison pa nos. Na me-dia pui bu sombra pa i sedu suma di noti. Sukundi kilis ku kuri di se tera; ka bu ntrega refuẑiadus.

4Disa kilis ku na kuri di Moab pa e mora ku bo; libra elis di kil ku misti kaba ku elis.”

Vida di omi violentu na kaba; danu na para; jinti ku ta kalka utrus e na pirdi na tera.

5Un tronu na firmantadu2 Sam 7.16; Mik 4.7; Luk 1.31-33; Eb 1.8-9 ku amor. Algin di familia di Davi na sinta nel ku na julgaKap 11.4 ku bardadi, i buska fasi justisa diritu. I na janti pa fasi kusas bon.

6No obi di orgulyuKap 2.11; Jer 48.29; Sof 2.8-10 di Moab, manera ki orgulyosu dimas; i ta yalsa kabesa ku ronku, i ta njuti utrus, ma i ta njata amonton.

7Moabitas na pupa, elis tudu e na cora pa Moab. Bo jimi, bo sinti tristesa garandi, pabia di bulus di uvas seku di2 Re 3.25 Kir-Areset.

8Lugaris di labur di Esbon ku orta di uvas di SibmaJos 13.19 lati. Ŝefis di nasons dana si plantas mas minjor, ku ta distindiba te naJos 13.25 Jazer, e yanda te na lala; se ramus ta distindiba, e pasa te na mar.

9Asin N na cora, suma ku jinti di Jazer na cora, pa ortas di uva di Sibma. O Esbon,Kap 15.4 o Elealé, N na reguau ku ña larmas, pabia gosi ningin ka ta kuji bu fruta maduru, nin e ka ta kebra ku gritus di kontentamentu.

10Alegria ku kontentamentu kuri di orta di fruta. Gosi e ka ta kantaKap 24.8-9 nin grita ku kontentamentu na ortas di uva, nin e ka ta masa uva na kau di tira biñu. N kaba ku ki gritus di kontentamentu.

11Ña korsonKap 15.5 na kanta tristi, suma arpa, pa Moab ku Kir-Eres.

12Ora ku Moab bai pursenta na kausKap 15.2 altu, i ta kansa dimas; si i yentra na si baloba pa ora, nada i ka ta oja.

13Es i palabra ku SIÑOR papia disna kontra Moab.

14Gosi SIÑOR fala: “Dentru di tris anu (konformi tarbajaduris ta konta anu), gloria di Moab ku tudu si manga di jinti na disprezadu. Kilis ku sobraJer 48.46 na sedu puku, sin forsa.”