Romanus 14 - Portuguese Creole Bible, Guinea-Bissau

Ka bu julga bu ermon

1Bo risibi kil ki frakuKap 15.1; 1 Kor 8.7,9,11; 9.22 na fe; ka bo diskuti ku el na sintidu ki ten.

2Utru ta oja kuma tudu kusa pudiMat 15.11; At 10.15; 1 Kor 10.25-28; 1 Tim 4.4; Titu 1.15 kumedu. Utru ki fraku na fe ta kume son ortalisa.

3Kil ku na kume tudu kusa, ka i njuti kil ku ka na kume. Kil ku na kume son ortalisa pa ka i julgaKol 2.16 kil ku na kume tudu kusa, pabia Deus setal.

4Abo i kin ku na julgaTia 4.12 kriadu di utru? Pa si propi patron ki sta sikidu o ki kai. Ma i na firma, pabia Siñor ten puder pa firmantal.

5Un ta diferensiaGal 4.10 dias, ma utru ta oja kuma tudu dia i mesmu. Kada kin dibi di ten sertesa na si kabesa propi.

6Kil ku fasi kasu di dia, i fasil pa1 Kor 10.31; 1 Tim 4.3-4 Siñor. Kil ku kume tudu kusa, i ta kume na fiansa di Siñor, pabia i ta fala Deus obrigadu. Kil ku ka na kume utru kusa, i pa Siñor ki ka na kumel; i ta fala tambi Deus obrigadu.

7Nin un di nos ka na vivi son1 Kor 6.19-20; 2 Kor 5.15; Gal 2.20 pa si kabesa, nin i ka na muri pa si kabesa.

8Si no vivi, no vivi pa Siñor. Si no muriAt 21.13 tambi, no muri pa Siñor. De manera, si no vivi o no muri, no sedu di Siñor.

9I pabia des ku Kristu muri, i torna bibu, pa i sedu SiñorMat 22.32 di mortus ku bibus.

10Abo, pa ke ku bu na julga bu ermon? O abo tambi, pa ke ku bu na njuti bu ermon? Anos tudu no ten ku parsi dianti di tribunalAt 10.42; 17.31; 2 Kor 5.10 di Deus.

11I sta skritu:

“Siñor jurmenta pa si vida

kuma tudu jujuIs 45.23; Fil 2.10 ten ku dobra si dianti;

tudu jinti ten ku konta klaru kuma el i Deus.”

12Asin, kada un di nos na da kontaEkl 11.9; Mat 12.36; 1 Ped 4.5 di si kabesa dianti di Deus.

Liberdadi ku amor

13Ka no julga mas ŋutru. I minjor bo pui sintidu pa ka pui kusa ku na mbaransa1 Kor 8.9-10; 10.32; 2 Kor 6.3 bo ermon, pa pul pa i kai na pekadu.

14Ami N sibi ku tudu sertesa, na ña union ku Siñor Jesus, kuma i ka ten kumida ku Deus misti pa ka no kume, ma, si un algin kuda kuma un kusa ka dibi di kumedu, nta pa ki algin i ka puru.

15Si bu na pui bu ermon tristi pabia di kusa di kume, nta bu ka na yanda ja suma ku amor manda. Abo, pabia di kumida ka bu pirdinti bu ermon ku Kristu muri pa el.

16Ka bo disa jinti fala mal di kusa ku bo oja kuma i bon.

17Renu di Deus i ka1 Kor 8.8; Kol 2.16 kumida, nin bibida, ma i pa tene vida justu ku pas ku alegria ku Spiritu Santu ta da.

18Kin ku na sirbi Kristu asin, Deus ta kontenti ku el; jinti2 Kor 8.21 ta setal.

19Asin, no ba ta sigi kusa ku ta tisiKap 12.18; Sal 34.14 pas, ku ta judanu pa no edifikaKap 15.2; 1 Kor 14.12,26; 1 Tes 5.11 ŋutru.

20Ka bu dana tarbaju di Deus pabia di kumida. Bardadi, tudu kumida pudi kumedu, ma i mal pa kume un kusa ku na pui utru mbaransa.

21I minjor ka bu kume karni, nin bibi biñu, nin fasi utru kusa ku na pui bu ermon pa i kai na pekadu, o pa i fraksi.

22Fe ku bu ten dentru di bo, guardal entri bo ku Deus. Sortiadu i kil ku ka ta sinti kulpadu1 Jon 3.21 si i na fasi un kusa ki oja kuma i dibi di fasi,

23ma kil ku ten duvida, si i kume, i sta kondenadu, pabia i ka na kume ku fe.Titu 1.15 Tudu ku ka bin di fe i pekadu.