Jeremias 52 - Portuguese Creole Bible, Guinea-Bissau

Kaida di Jerusalen(2 Re 24.18–25.26; 2 Kron 36.11-21; Jer 39.1-10)

1Zedekias kumsa na rena ku vinti i un anu, i rena onzi anu na Jerusalen. Nomi di si mame i seduba Amutal, fiju di Jeremias di Libna.

2I fasi mal dianti di SIÑOR, suma ku Jeoiakin fasiba.

3SIÑOR paña raiba kontra Jerusalen ku Judá, tok i tira elis si dianti.

Zedekias bin lanta kontraEz 17.12-16 rei di Babilonia.

4Na dia 10 di desimu mis di anu 9 di si renansa, Nabukodonosor, rei di Babilonia, i bin kontraKap 39.1 Jerusalen ku tudu si tropas; e taja prasa, e kumpu toris di bisia na roda del.

5Prasa tajadu te na anu 11 di Zedekias.

6Na dia 9 di kuartu mis, fomi toma konta di prasa; kumida ka tenba pa pobu.

7Mura di prasa rombadu; tudu omis di gera kuri, e sai di noti na kamiñu di porton ku sta na metadi di dus mura, lungu di jardin di rei. Kaldeus taja prasa na roda, ma elis e sai na kamiñu di bulaña.

8Tropas di kaldeus serka rei Zedekias, e pañalKap 32.4 na bulaña di Jerikó. Tudu si tropas pajiga, e bandonal.

9I prindidu, i lebadu pa rei di Babilonia na Ribla, na tera di Amat. Kila kondenal.

10La na Ribla rei di Babilonia mata fijus di Zedekias si dianti; tambi i mata tudu ŝefis di Judá.

11I rinka ujusEz 12.13 di Zedekias, i maral ku dus korenti di bronzi, i lebal pa Babilonia, i guardal na kalabus te na dia di si mortu.

12Na dia 10 di kintu mis di anu 19 di renansa di Nabukodonosor, rei di Babilonia, Nebuzaradan, kapiton di guarda, ku ta da rei konsiju, i bin pa Jerusalen.

13I kema kasa di SIÑOR ku kasa di rei, ku tudu kasasKap 34.22 di Jerusalen, tudu ku kasas di garandis.

14Tudu tropas di kaldeus ku staba ku kapiton di guarda e bati tudu muras ku staba na roda di Jerusalen.

15Nebuzaradan, kapitonKap 39.9 di guarda, leba katibu utrus di kilis mas koitadi, ku kilis ku fikaba na prasa, ku kilis ku saiba pa ntrega se kabesa pa rei di Babilonia, ku restu di omis ku teneba jitu na tarbaju,

16ma Nebuzaradan disa restu di kilis mas koitadi pa e toma konta di ortas di uva ku lugaris di labra.

17Kaldeus kebra padas padas ki kulunasKap 27.19-22; 1 Re 7.15 di kobri, stantis movel ku bañera di kobri ku staba na kasa di SIÑOR, e leba tudu kobri pa Babilonia.

18E leba tambi kalerons,Sai 27.3 pás, garfus, kusas pa trata paviu di kanderus, tiẑelas, ku tudu kusas di kobri ku ta usaduba na sirvis di templu.

19Tambi kapiton di guarda toma kopus, nsensarius, basias, kasarolas, kanderus, tiẑelas ku kujeris — tudu ku kumpudu di uru puru o di prata.

20Ki kusas di kobri ku rei Salomon kumpuba pa kasa di SIÑOR, ku sedu dus kuluna, bañera, dozi turu ku bañera ta sinta riba del, ku stantis movel, kobri di tudu ki kusas i ciu dimas pa pesa.

21Kada un di ki dus kuluna2 Kron 3.15 teneba altura di 8,2 metru. Korda di 5,5 metru pudiba rodia kada un. Si grosura i di 4 dedu; i fufu ba.

22Riba di kada kuluna i tenba un kapitel di kobri, di 2,3 metru di altura. Redi ku romans na roda di kapitel e seduba di kobri. Ki dus kuluna seduba igual.

23Kada kuluna teneba sen roman1 Re 7.20 riba di redi na roda, ma bu pudi oja noventa i seis na ladus.

24Kapiton di guarda leba tambi Seraias,1 Kron 6.14; Esd 7.1 ŝef di saserdotis, ku Sofonias,Kap 21.1 sugundu saserdoti, ku tris guarda di porta.

25Di prasa i leba un funsionariu ku seduba nkargadu di omis di gera, ku seti omi ki oja na prasa ku seduba konsijaduris di rei, suma tambi sekretariu di tropas ku ta mobilisaba jinti pa tropa, ku mas sesenta omi di pobu ku ojadu na prasa.

26Nebuzaradan, kapiton di guarda, i toma elis, i leba pa rei di Babilonia na Ribla.

27Rei suta elis, i mata elis na Ribla, na tera di Amat.

Asin Judá tiradu na si tera, i lebadu pa katiberasku.

28Es i numeru di jinti ku Nabukodonosor leba katibu: Na si setimu anu i leba 3.023 judeu.

29Na si anu 18 i leba 832 jinti di Jerusalen.

30Na si anu 23, Nebuzaradan, kapiton di guarda, leba 745 judeu katibu. I seduba 4.600 jinti na tudu.

Rei Joakin libertadu(2 Re 25.27-30)

31Na anu 37 di katiberasku di Joakin, rei di Judá, na dia 25 di mis di 12, Evil-Merodak, rei di Babilonia, na anu ki kumsa na rena, i larga Joakin, rei di Judá, i tiral di kalabus,

32i papia ku el diritu, i dal un kau di rispitu mas di ki utru reis ku staba ku el na Babilonia.

33Asin Joakin tira si ropa di kalabus, i pasa na kume na mesa di rei pa restu di si vida.

34Rei di Babilonia fika i na dal sustentu di kada dia, te na dia di si mortu.