1Ora ku tudu e kusas bin riba di bo, bu sta na metadi di utru nasons nunde ku SIÑOR bu Deus botau, si di la bu lembra di benson ku maldison ku N pui bu korson, ku korson di bu fijus, pa bu pudi ama SIÑOR bu Deus di tudu bu korson ku bu alma, pa bu pudi tene vida.
7SIÑOR bu Deus na pui tudu ki maldisons riba di bu inimigus, ku kilis ku ten odiu kontra bo, e pirsigiu.
8Bu na torna para sintidu pa palabra di SIÑOR, bu na obdisi tudu si mandamentus ku N na dau aos.
9SIÑOR bu Deus na pui tudu bu tarbaju pa i rindi ciu; bu na padi manga di fiju, bu limarias tambi na padi ciu, bu con na da manga di prudutu. SIÑOR na torna kontentiIs 62.5; 65.19; Sof 3.17 ku bo pa fasiu ben, suma ki kontenti ba ku bu papes,
10si bu para sintidu pa palabra di SIÑOR bu Deus, bu obdisi si mandamentus ku si regras ku sta skritu ne libru di lei, bu konverti pa SIÑOR bu Deus di tudu bu korson ku alma.
11E mandamentu ku N na dau aos i ka kansadu dimas pa bo, nin i ka sta lunju di bo.
12I ka sta na seu, pa bu punta: “Kin ku na subi laRom 10.6-9 pa tisinu el, pa no pudi obil, no pui na pratika?”
13Tambi i ka sta na utru ladu di mar, pa bu punta: “Kin ku na kamba mar pa tisinu el, pa no pudi obil, no pui na pratika?”
14E palabra sta lungu di bo, na bu boka, na bu korson tambi, pa bu pratikal.
Vida o mortu15Jubi, N na pui bu diantiKap 11.26; Jer 21.8 aos vida ku benson, mortu ku maldison.
16Aos N na mandau pa bu ama SIÑOR bu Deus, bu yanda na si kamiñus, bu obdisiKap 30.6; Jon 14.21 si mandamentus, si regras ku si leis; asin bu na tene vida, bu aumenta; SIÑOR bu Deus na bensuau na tera ku bu na yentra pa toma.
17Si bu korson disvia, bu ka misti obdisi, bu lebadu pa mpina pa utru deusis, bu adora elis,
18ali N na diklarau aos kuma, di sertesa bu na kabadu ku el; bu ka na tarda na tera ku bu na kamba Jordon pa bai tene.
19N coma seu ku tera aos pa e sedu tustumuñas kontra bo di kuma N pui bu dianti vida ku mortu, benson ku maldison. KujiKap 30.15; 31.28; Jos 24.15,22; Sal 119.30,173 vida, pa bu pudi vivi, abo ku bu fijus.
20Ama SIÑOR bu Deus, bu para sintidu pa si palabra, bu ciga pertu del, pabia elJon 11.25; 14.6; 17.3 i bu vida; i na pou pa bu vivi manga di anu na tera ku SIÑOR purmitiKum 12.7 ku juramentu pa bu papes, Abraon, Isak ku Jakó, kuma i na da elis el.
Who We AreWhat We EelieveWhat We Do
2025 by iamachristian.org,Inc All rights reserved.
