Obadias Introduson - Portuguese Creole Bible, Guinea-Bissau

IntrodusonEs i libru mas kurtu na Beju Testamentu. I skirbidu dipus di Jerusalen danadu, talves dipus di si kaida. Jinti di Edon, ku sedu jorson di Esaú, ermon di Jakó, fasi trosa na ki dia di foronta, e paña utru judeus ku na kapliba, e yentra na Jerusalen pa furta kusas.Obadias anunsia se kastigu. Prasa kapital di Edon kumpuduba riba di roca kumpridu; asin jinti ta sinti suguru. Utru anunsiaduris, ku sedu Isaias, Jeremias, Ezekiel, Amos ku Malakias, e konta di kaida di Edon. Kuatru anu dipus di kaida di Jerusalen, tropas di Babilonia ataka Edon, e toma konta del. Edomitas ku kapli e bai fika na sul di Judá, e kontinua sedu inimigus di judeus, ma un ŝef di judeus obriga elis pa e bida suma judeus. Familia di Erodis, ku seduba edomeus, e ngaña fabur di romanus, e bin ten otridadi na Palestina, ma, dipus di Jerusalen danadu na anu 70 dipus di Kristu, no ka torna obi mas nada di Edon.Obadias konta di dia, ku staba pertu, ku Deus na julga tudu nasons. I diklara tambi kuma jorson di Jakó na tene tera di si yardansa (17); SIÑOR propi na sedu Rei.