Ezekiel 26 - Portuguese Creole Bible, Guinea-Bissau

Anunsiu kontra Tiru

1Na purmeru dia di mis na anu 11, SIÑOR bin papia ku mi, i falan:

2“Fiju di omi, TiruIs 23; Am 1.9-10; Zak 9.2 fala aserka diKap 25.3 Jerusalen: ‘Yoo! Porton di nasons i kebradu! I yabri pa mi. Ami N na riku, manera ku Jerusalen danadu.’

3Pa kila ami, SIÑOR Deus, N fala asin: Tiru, ami N sta kontra bo! N na pui manga di nason pa e bin kontra bo, suma ku mar ta lantanda si maron.

4E na dana mura di Tiru, e na bati si toris; ami N na bari si puera pa i pudi sedu suma un pedra ku ka kubridu.

5I na bin sedu jiu nunde ku piskaduris ta seka se ridias. Jinti di utru nasons na bin furta si rikesas. SIÑOR Deus diklara e kusa.

6Jinti di si tabankas ku sta na kontinenti e na matadu ku spada. E na sibi kuma ami i SIÑOR.

7“Asin ku ami, SIÑOR Deus, N fala: Di norti N na tisi Nabukodonosor, rei di Babilonia, rei ribaEsd 7.12 di utru reis; i na bin kontra Tiru ku kabalus ku karus, ku omis di kabalu, ku manga di tropa.

8Ku spada i na mata jinti di bu tabankas ku sta na kontinenti. I na kumpu toris di bisia kontra bo, i na lantanda rampasKap 21.22 di kamba kontra mura, i na yalsa tajaderas kontra bo.

9I na bin ku makinas di bati mura, i na bati bu toris ku si mancadus.

10Si kabalus na ciu tok e na kubriu ku puera. Bu muras na tirmi ku baruju di kabalus ku rodas di karus ora ke na yentra na bu porton, suma jinti ku na yentra na un prasa ku rombadu.

11Pe di si kabalus na masa tudu bu ruas. I na mata bu pobu ku spada. Firkijas di bu kuartel na kai na con.

12E na furta bu rikesas, e na toma tudu bu merkadorias, e na bati bu muras, e na dana bu kasas bonitu. E na bota bu pedras, bu madera ku restu di bu paredis na mar.

13N na kaba ku baruju di bu kantigas; musikaIs 24.8 di bu arpas ka na obidu mas.

14N na fasiu suma pedra ku diskubridu, un kau pa seka ridia. Nunka mas bu ka na kumpudu. I ami, SIÑOR Deus, ku fala e kusa.”

15SIÑOR Deus punta Tiru: “Nta jius ka na tirmiKap 31.16; Jer 49.21 ku baruju di bu kaida? Kilis ku molosta e na jimi ora ku bu na fasidu ki matansa meduñu.

16Tudu reis di teras ku sta lungu di mar e na riaJona 3.6 na se tronus, e na tira se mantas ku se ropa bordadu; e na sinti garandi medu tok e sinta naKap 27.35; 32.10 con, e na tirmi, e na panta pabia di bo.

17E na miskiñaKap 27.2,32; 2 Sam 1.17; 2 Kron 35.25; Is 23.4; Apok 18.18 pa bo, e na falau:

‘Abo, prasa di fama, morada di mariñerus!

Bu tenba forsa na mar.

Kuma ku bu pirdi asin?

Abo ku bu pobu bo puiba medu na bu visiñus!

18Gosi, teras lungu di mar na tirmi pabia di bu kaida.

Pobu di jius na fika spantadu

manera ku bu kabadu ku el.’

19“Asin ku ami, SIÑOR Deus, N fala: Ora ku N bidantau suma prasa danadu, suma un prasa ku ka moradu nel, ora ku N tisi yagu di fundu di mar riba di bo, pa manga di yagu kubriu,

20N na fasiu pa bu ria ku kilis ku ta ria na koba, pa pobu antigu; N na pou pa bu mora na ki munduKap 31.14; 32.18-32 bas di con, na lalas antigu, juntu ku mortus. Nunka mas bu ka na moradu nel, nin bu ka na tene lugar na mundu di bibus.

21N na fasiu un isempluKap 27.36; 28.19 meduñu; bu ka na torna sedu mas. Jinti na buskau ma nunka mas e ka na pudi ojau.” Asin ku SIÑOR Deus fala.