Eklesiastis 3 - Portuguese Creole Bible, Guinea-Bissau

Tudu kusa ten si tempu markadu

1Tudu kusa ten si ora markadu; i ten un tempuKap 3.17; 8.5-6; Dit 15.23 sertu pa tudu kusa ku ta fasidu bas di seu.

2I ten tempu di padidu,Gal 4.4; Eb 9.27 tempu di muri;

tempu di paranta, tempu di rinka kil ku parantadu;

3tempu di mata,Lei 32.39 tempu di kura;

tempu di durba, tempu di kumpu;

4tempu di cora,Ne 8.9-12; 9.1; Rom 12.15 tempu di ri;

tempu di miskiña, tempu di baja;

5tempu di pajiga pedra, tempu di juntal;

tempu di barsa, tempu di lunjusi;

6tempu di buska, tempu di para buska;

tempu di rakada, tempu di bota fora;

7tempu di rumpi, tempu di kusi;

tempu di kalaIs 53.7; Am 5.13 boka, tempu diDit 24.11-12; 31.8-9 papia;

8tempu di ama, tempu di2 Kron 19.2 odia;

tempu di gera ku tempu di pas.

9Kal purbitu ku tarbajadurKap 1.3 ten na si tarbaju?

10N nota kargu pisaduKap 1.13 ku Deus pui riba di omi, pa kansal.

11I fasi tudu kusa bonitu pa si tempu sertu; tambi i da omi sintidu di kil ku pasa ku kil ku na bin, ma omi ka pudi ntindiKap 8.17; Jo 11.7; Rom 11.33 ke ku Deus fasi disna di kumsada te na kabantada.

12N rapara kuma i ka ten kusa minjor pa elis mas di ki pa e fika kontenti, e fasi ben nkuantu e sta ku vida.

13I bon tambi pa tudu omi kume, i bibi, i gozaKap 3.22; 2.24 ke ki tarbaja; es i kusa ku Deus dal.

14N sibi kuma tudu ku Deus fasi i na tardaSal 33.11; 119.90-91 pa sempri. Nada ka pudi buridu riba del, nada ka pudi rapatidu nel. Deus ta fasil pa jinti pudiSal 64.9 rispital.

15Kil ku sedu gosi i sedubaKap 1.9-10 ja. Kil ku na bin sedu tambi, i seduba ja. Deus ta coma kil ku pasa pa i bin mas.

Injustisa na mundu

16N rapara utru kusa ne mundu li: Na kau di julgamentu, nunde ku justisaKap 4.1; 5.8 dibi di fasidu, maldadi sta la.

17N fala na ña sintidu kuma Deus na julgaKap 12.14; Rom 2.5-9; 2 Kor 5.10; 2 Tes 1.5-10; Apok 20.11-15 kil ki justu ku kil ki mau, pabia i ten tempu markaduKap 3.1; Jer 29.10-11; Dan 11.40; 12.4,9,11-13; At 1.7; 2 Ped 3.7-8; Apok 11.2-3; 20.2,7-9 pa kada planu, ku kada kusa ku na fasidu.

18N bin rapara kuma Deus na proba omis, pa e pudi oja kuma e ka sedu minjor di ki limarias.

19Kil ku ta sedu ku omis, i ta sedu tambi ku limarias. Mesmu kusa ta pasa ku elis tudu. Manera ku un ta muri, asin ku utru ta muri; tudu tene mesmu folgu. Omi ka ten nin un purbitu mas di ki limaria; elisKap 1.2; 2.16 tudu, se vida i bakatela.

20E na bai tudu pa un lugarKap 6.6; 12.7; Kum 2.7,19; 3.19; Jo 30.23; Sal 104.29; Eb 9.27 son; tudu elis i reia, e na riba pa reia.

21Kin ku sibiKap 12.7; Luk 16.22-23; Jon 14.3; At 1.9,25; 2 Kor 5.1,8; Fil 1.23 si spiritu di omis na subi pa riba, spiritu di limarias na bai bas di con?

22Asin N oja kuma i ka ten kusa minjor di ki omi fika kontentiKap 3.12-13; Kap 2.24 na si tarbaju, pabia es i si sorti. Kin ku na ribantal pa i oja kil ku na seduKap 6.12; 8.7; 10.14 dipus del?