1 Samuel 2 - Portuguese Creole Bible, Guinea-Bissau

Ana ngaba Deus

1Ana ora, i fala:

“Ña korson sta kontentiLuk 1.46-47; Rom 5.11; Fil 4.4; 1 Ped 1.8 na SIÑOR;

SIÑOR yalsa ña kabesa.

N na ri ña inimigus,

pabia N sta kontenti manera ku bu salban.

2“I ka ten algin puruSai 15.11; Lei 32.4; Sal 99.5,9; Is 6.3; 57.15; Apok 4.8; 15.4 suma SIÑOR;

utru ka ten fora del;

i ka tenLei 32.30-31,39; 2 Sam 22.32; Sal 18.2; 71.3,19; 73.25; 86.8; 89.6,8; Is 43.10-12; 44.6,8; Jer 10.6 nin un roca suma no Deus.

3“Ka bo njata ciu ku orgulyu,

nin ka bo disa palabras di njatamentu sai na bo boka,

pabia SIÑOR i Deus ku ta sibi tudu;

el ku ta pesaJo 31.6; Dan 5.27 obras di jinti na balansu.

4“MansasasSal 37.15,17; 46.9; 76.3 di soldadus forti kebradu;

kilis ku na singa-singa pa kai e arnoba se forsa.

5Kilis ku staba fartu e na buska tarbaju

pa e pudi oja kumida;

kilis ku teneba fomi, gosi e para tene fomi.

Minjer ku ka ta padiSal 113.9; Is 54.1; Jer 15.9; Gal 4.27 i tene seti fiju;

kil ku teneba manga di fiju i fika fraku.

6“I SIÑOR ku ta tira vida, tambi i ta da vida;

i ta pui algin ciga na koba di mortu;

i ta lantanda jinti di la.

7I SIÑOR ku ta da koitadesaLei 8.17-18; Jo 1.21; Sal 102.10; Tia 1.9-10 ku rikesa;

i ta baŝa jinti; i ta lantandaKap 15.17; Kum 41.14,40; 2 Sam 7.8; Jo 36.7; 42.10-12; Sal 75.7; 102.10; 113.7-8; Dan 2.48; Tia 2.5 jinti.

8I ta lantanda koitadi na con;

i ta yalsa na muntudu kil ku ka tene nada,

i ta pul pa i sinta na metadi di fijus di rei,

i ta fasil pa i yarda tronu di gloria.

I SIÑOR ku tene fundamentuJo 38.4-6; Sal 24.2; 102.25; 104.5 di tera;

i firmanta mundu riba del.

9“I na guarda peSal 37.23; 91.11-12; 94.18; 121.3,5,8 di kilis ki di sil,

ma jinti mau na fika mudu na sukuru,

pabia i ka pa forsaKap 17.45; Sal 33.16-17; Jer 9.23; Zak 4.6 ku omi ta ngaña.

10Kilis ku ta risisti SIÑOR e na kebrantadu;

la na seu i na turmenta kontra elis suma turbada.

SIÑOR na julgaSal 96.13; 98.9; Ekl 11.9; 12.14; Mat 25.31-32; Jon 5.22; Rom 14.10-12; 2 Kor 5.10; Apok 20.11-15 tudu mundu;

i na da puder pa si rei;

i na lantanda kabesa di kil ki kujiSal 2.6; 28.8; Mat 28.18; At 10.38 pa i sedu rei.”

11Elkana bai pa si kasa na Ramá, ma mininu fika na mon di saserdoti Eli, i na sirbi SIÑOR.

Fijus di Eli

12Fijus di Eli seduba jinti mau ku ka mportaba nada ku SIÑOR.

13Kustumu di ki saserdotis ku pobu i asin: ora ku algin na fasiba sakrifisiu, i na kusña indaSai 29.27-28 karni, kriadu di saserdoti ta binba ku garfu di tris dinti na mon,

14i ta mitil na kasarola, panela o kaleron; tudu ku garfu tiraba, saserdoti ta tomal pa el. Asin ke ta fasiba pa tudu jinti di Israel ku ta baiba pa Siló.

15Tambi antis de kemaSir 3.3-5; 7.23-25 gurdura, kriadu di saserdoti ta falaba omi ku na fasi sakrifisiu: “Da e karni pa saserdoti yasa, pabia i ka misti toma karni kusiduNum 6.19 na bu mon, ma son kru.”

16Si ki omi falal: “Disa gurdura pa i kemadu purmeru; dipus bu ta toma kil ku bu misti,” ki kriadu ta falal: “Nau! Bu ten ku dal gosi; si i ka asin, N na tomal ku forsa.”

17Asin pekadu di ki fijus di Eli seduba garandi dimas dianti di SIÑOR, pabia e na njutiba ofertaMal 2.8-9,13 di SIÑOR.

Tarbaju di Samuel

18Samuel na tarbajaba dianti di SIÑOR ocal inda rapas, bistidu ku efodiSai 28.6,31 di liñu.

19Kada anu si mame ta kusilba un kamisoti pikininu, i ta lebal el ora ki na bai ku si omi pa bai fasi sakrifisiu di kada anu.

20Eli ta bensuaba Elkana ku si minjer, i fala: “SIÑOR ta dau fijus ku e minjer pa e fika na lugar des ki pidi na mon di SIÑOR.” Dipus e ta bai pa kasa.

21SIÑOR bensua Ana; i preña, i padi tris fiju macu ku dus femia. Rapas Samuel na kirsiba dianti di SIÑOR.

Eli ku si fijus

22Eli beju ba; i ta obiba tudu kusa ku si fijus na fasiba pa tudu jinti di Israel, manera tambi ke ta ditaba ku minjerisSai 38.8 ku ta tarbaja na entrada di tenda di juntamentu.

23I punta elis: “Pabia di ke1 Re 1.6 ku bo na fasi e kusas? Pabia N obi e pobu tudu na papia na kusas mau ku bo ta fasi.

24Nau, ña fijus! Es i ka bon fama ku N na obi. Bo na pui pobu di SIÑORSai 32.21; 1 Re 15.30; 2 Re 10.31; Mal 2.8; Mat 18.7-8; Apok 2.20 pa e kebra lei.

25Si algin yara si kumpañer, Deus pudi roga pa el, ma si un omi peka kontraNum 15.30; Sal 51.4; Eb 10.26 SIÑOR, kin ku na roga pa el?” Ma e ka seta obi palabra di se pape,Lei 2.30; Jos 11.20; Dit 15.10 pabia SIÑOR mistiba ja mata elis.

26Rapas Samuel kontinua na kirsi, i na ngaña faburLuk 1.80; 2.40,52 dianti di SIÑOR, tambi dianti di omis.

Anunsiu kontra familia di Eli

27Un omi di Deus bin pa Eli, i falal: “Asin ku SIÑOR fala: ‘Oca ku bu pape Aron ku si familia staba na Ejitu, bas di mon di Faraó, N mostra elis kin ku N sedu.

28N kujil na metadi di tudu jorson di Israel pa i sedu saserdoti, pa ba ta sirbin na ña altar, pa ba ta kema nsensu, tambi pa bisti efodi ña dianti.Sai 28.1,4,6-30; 39.1; Sir 8.7-8; Num 18.1-7 N da familia di bu pape tudu ofertas kemadu ku fijus di Israel ta tisi.

29Ke ku manda bo ta fasi diskarna kontra ña sakrifisius ku ofertas di kumida ku N da ordi pa tisiLei 12.5-6 pa ña kasa? Pabia di ke ku bu rispita bu fijus masMat 10.37 di ki mi, manera ku bo kurpu na takaIs 56.11; Ez 34.2 na partis mas bon di tudu ofertas di ña pobu Israel?’

30“E ku manda SIÑOR, Deus di Israel, fala kuma, na bardadi, i falaba kuma bu familia ku familia di bu pape na sirbi si dianti pa sempri,Sai 29.9; Num 25.11-13 ma gosi SIÑOR fala: ‘Gosi ja N ka na setaJer 18.9-10 e kusa! Kilis ku rispitan,Mal 1.6; Jon 5.23; 8.49 N na rispita elis; kilis ku njutin,Mal 2.8-9 N na njuti elis.

31Tempu na bin ku N na korta bu forsa, ku forsa di familiaKap 4.11,17-22; 22.17-20; 1 Re 2.26-27 di bu pape, pa i ka ten nin un beju na bu familia.

32Mesmu ku Israel i sortiadu, bu na oja kansera na kasa di Deus; na bu familia nunka mas i ka na ten un bejoti.

33Omi di bu familia ku N disa pa i sirbi na ña altar i na sega bu ujus ku larma, i na tisi tristesa pa bu korson. Tudu jinti di bu jorson na muri ora ke sedu inda omis forti.

34“‘Kusa ku na kontisi ku bu dus fiju, Ofni ku Fineias, i na sedu un sinal pa bo; tudu dus na muri na mesmuKap 3.12; 4.11 dia.

35N na lantanda pa mi un saserdoti fiel1 Re 1.8,45; 2.35; 1 Kron 29.22; Ez 44.15; Eb 2.17; 7.26-28 ku na fasi konformi kusa ku N tene na ña korson ku ña sintidu. N na firmanta si familia; i na sirbi sempri dianti di ña rei unjidu.

36Kualker ku fika na bu jorson i na bin mpina si dianti pa pidi un mueda di prata ku un padas di pon, i na rogal pa i ranjal kualker sirvis di saserdoti, pa i pudi oja un bokadu di kumida.’ ”