Salmus 67 - Portuguese Creole Bible, Guinea-Bissau

Salmu, kantiga pa ŝef di musika, ku instrumentus di korda.

1Deus, ten pena di nos, bu bensuanu;

pui bu rostu numia pa nos,

Sela

2pa bu kamiñu pudi kunsidu na mundu,

pa tudu nasons pudi kunsi bu salbason.

3Pui rasas pa e ngabau, o Deus;

pui tudu nasons ngabau!

4Pui nasons pa e kontenti,

pa e kanta ku alegria,

pabia bu ta julga rasas ku justisa,

bu ta gia nasons di mundu.

Sela

5Pui nasons pa e ngabau, o Deus;

pui tudu nasons pa e ngabau!

6Asin, teraSir 26.3-4 na da si kebur;

Deus, no Deus, na bensuanu.

7Deus na bensuanu;

jinti di tudu ladu di mundu na rispital.