Jo 36 - Portuguese Creole Bible, Guinea-Bissau

1Eliu kontinua i fala:

2“Ten pasensa mas un bokadu,

N na mostrau kuma i ten inda mas argumentus

pa fabur di Deus.

3N tisi ña kuñisimentu di lunju;

N na torna diklara kuma kil ku kumpun i justu.

4Na bardadi, ña palabra i ka mintida.

Dianti di bo i sta kin ku ten opinion sertu.

5“Deus i garandi dimas,

ma i ka ta njuti ningin;

el i forti, i firmi di korson.

6I ka ta disa omi mau ku vida,

ma i ta trata ku justisa kilis ku maltratadu.

7I ka ta tira si uju riba di justus,

ma i ta yalsa1 Sam 2.8 elis,

i pui elis pa e manda suma reis pa sempri.

8Si jinti sta prezu na korenti,

maradu ku kordas di kastigu,

9Deus ta konta elis ke ke fasi,

i ta mostra elis se pekadu ku se orgulyu.

10I ta yabri se oreja pa avisus,

i ta manda elis pa e konvertiIs 1.16-20; At 3.19 di se maldadi.

11Si e obil, e sirbil,

e ta kaba se dias na sabura,

se anus na kontentamentu.

12Ma si e ka obil,

spada na mata elis;

e na muri sin kuñisimentu.

13“Ma finjidus di korson na guarda se raiba;

mesmu ora ku Deus mara elis,

e ka ta pupa pa sakur.

14E ta muri na nobresa,

e pirdi na metadi di omis di mau vida.

15Kil ku na sufri, i ta libral di si sufrimentu;

na si kastigu i ta papia na si oreja.

16“Asin i na tirau na foronta,

i lebau pa kau largu,

nunde ku bu na sta libri;

kumida di bu mesa na sabi.

17Ma julgamentu di jinti mau sta riba di bo,

julgamentu ku justisa na yangasau.

18Toma sintidu pa ka ningin nganau ku rikesa;

ka bu disa un suku di bas garandi disviantau.

19Nta el i ta rispita bu rikesas,

ku tudu sforsu di bu mon,

pa i librau pa ka bu fika na foronta?

20Ka bu ten dipresa pa noti ciga,

ku jinti na tomadu na se lugar.

21Toma sintidu pa ka nklina pa pekadu,

pabia i el ku bu mas misti di ki kastigu.

22“Deus ta garandisidu na si forti puder;

kin ku ta nsinaSal 94.10,12; Jon 6.45 suma el?

23Kin ku pudi kontalIs 40.13-14 nunde ki na bai?

O kin ku pudi falal: ‘Bu fasi mal’?

24Lembra di ngaba si tarbaju,

ku omis ta ngaba ku kantiga.

25Tudu omis ojal;

e ta jubil di lunju.

26Deus i garandi; no ka pudiKap 26.14; 37.5,23; 1 Kor 13.12 ntindil;

numeru di si anusSal 90.2; 102.24-27; Eb 1.12 ka pudi kalkuladu.

27“I ta junta pingusKap 38.25-28; Jer 14.22 di yagu,

i kumpul suma cuba.

28NuvensDit 3.20 ta tomal,

e mandal ciu riba di omis.

29Nta algin pudi ntindi kuma ki distindiKap 37.2-4,16; 38.9,27; Sal 18.13; 77.18 nuvens,

o kuma ku baruju di turbada ta sai na si morada?

30I ta manda si relampaguKap 38.34-35; Luk 17.24 riba di nuven,

i ta kubri fundura di mar.

31Ku e kusas i ta alimenta nasons,

i ta da elisSal 104.27-28; At 14.17 kumida ciu.

32I ta inci si mon ku relampagu,

i mandal pa i serta ku alvu.

33Baruju ta konta kuma turbada na bin;

bakas tambi ta konta.