1 Reis 16 - Portuguese Creole Bible, Guinea-Bissau

1SIÑOR bin papia ku Jeu,2 Kron 19.2; 20.34 fiju di Anani, i dal e rekadu pa Baasa:

2“Bu ka seduba ningin, ma N lantandau, N fasiu pa bu sedu ŝef riba di ña pobuKap 14.7 Israel. Bu bin yanda na kamiñu di Jeroboan,Kap 15.26 bu pui ña pobu Israel pa e peka, pa se pekadus lantanda ña raiba.

3Asin N na kaba ku Baasa ku si familia, N na fasi bu jorson suma ku N fasi jorsonKap 14.10-11; 15.29 di Jeroboan, fiju di Nebat.

4Kilis di familia di Baasa ku muri na prasa, kacuris na kume elis; kilis ku muri na matu na sedu kumida pa kacus.”

5Tudu utru kusas ku pasa na renansa di Baasa, ku tudu2 Kron 16.1-5 ki fasi, ku si puder, e sta skritu na libru di Storia di Reis di Israel.

6Baasa diskansa, i nteradu na Tirza. Si fiju Elá rena na si lugar.

7Ki rekadu di SIÑOR kontra Baasa ku si familia i dadu pa anunsiadur Jeu, fiju di Anani, pabia di pekadus ku Baasa fasi kontra SIÑOR. I lantanda raiba di SIÑOR, i ka son pabia di ki mal ki fasiba, suma ku Jeroboan fasiba ja, ma tambi pabia i mata tudu familia di Jeroboan.

Elá, rei di Israel

8Na anu 26 di renansa di Asa, rei di Judá. Elá, fiju di Baasa, kumsa rena riba di Israel, na Tirza; i rena dus anu.

9Si ŝef Zinri, ku staba riba di metadi di karus di rei, i lantaKap 15.27 kontra el. Un dia, na Tirza, rei staba na kasa di Arza, kil ku staba nkargadu di kasa di rei, i na bibiba1 Sam 25.36; 2 Sam 13.28; Naun 1.10; Luk 21.34 tok i cami.

10Zinri yentra, i atakal, i matal,2 Re 9.31 i rena na si lugar, na anu 27 di Asa, rei di Judá.

11Oca ki toma konta di renu, i mata tudu familiaKap 16.1-4 di Baasa; i ka disa nin un macu di si parentis ku amigus pa i fika ku vida.

12Asin, Zinri kaba ku tudu familia di Baasa, konformi palabra ku SIÑOR falaba aserka di Baasa na boka di anunsiadur Jeu.

13Es kontisi pabia di tudu pekadus di Baasa ku di si fiju Elá, ki kusas mau ke pui israelitas tambi pa e fasi; asin e lantanda raiba di SIÑOR Deus di Israel ku se idulus ku ka bali.

14Tudu utru kusas ku pasa na renansa di Elá, ku tudu ki fasi, e sta skritu na libru di Storia di Reis di Israel.

Zinri, rei di Israel

15Na anu 27 di renansa di Asa, rei di Judá. Zinri rena na Tirza pa seti dia. Tropas na tajaba Jibeton,Kap 15.27; Jos 19.44 prasa di filisteus.

16Oca ke obi kuma Zinri lantaba kontra rei, i matal, tudu tropas di Israel, la na se kampamentu, na ki mesmu dia, e fasi Onri,2 Re 8.26; Mik 6.16 ŝef di tropas, pa i sedu rei riba di Israel.

17Onri ku tudu si tropas e sai na Jibeton, e bai taja Tirza.

18Zinri oja kuma prasa tomadu, i yentra na un kuartu forti dentru di palasiu, i pui fugu na kasa, i muri la dentru.

19Es kontisi pabia di si pekadus, manera ki fasiba mal dianti di SIÑOR, i yanda na kamiñuKap 15.26 di Jeroboan, suma ku kila peka, i pui pobu di Israel pa e peka tambi.

20Utru kusas ku pasa na renansa di Zinri, ku manera ki lanta kontra rei, e sta skritu na libru di Storia di Reis di Israel.

Onri, rei di Israel

21Pobu di Israel bin dividiMat 12.25; 1 Kor 1.12-13; Ef 4.3-5 na dus partidu; metadi staba na ladu di Tibni, fiju di Jinat, pa fasil rei; utru metadi staba na ladu di Onri.

22Partidu di Onri bin sedu mas forti; Tibni muri, Onri toma renu.

23Asin, na anu 31 di Asa, rei di Judá, Onri kumsa rena riba di Israel; i rena dozi anu. I moraba na Tirza pa seis anu.

24Dipus i kumpra monti di SamariaKap 13.32; 18.2; 20.1; 22.37; 2 Re 17.1,6,24; Is 7.9; Jon 4.4; At 8.5 na mon di Semer pa setenta kilu di prata, i kumpu prasa la, i comal Samaria, pa Semer, dunu di monti.

25Onri fasi mal dianti di SIÑOR, mas piorKap 14.9 di ki tudu jinti ku rena antis del.

26I yanda na tudu kamiñusKap 15.26 di Jeroboan, fiju di Nebat, ku tudu ki pekadus ki pui pobu di Israel pa e fasi, manera ke lantanda raiba di SIÑOR Deus di Israel ku se idulus ku ka bali.

27Tudu utru kusas ku pasa na renansa di Onri, ku kusas ki fasi, ku puder ki mostra, e sta skritu na libru di Storia di Reis di Israel.

28Onri diskansa, i nteradu na Samaria. Si fiju Akab rena na si lugar.

Akab, rei di Israel

29Na anu 38 di renansa di Asa, rei di Judá, Akab, fiju di Onri, kumsa rena na Israel. I rena na Samaria pa vinti i dus anu.

30I fasi mal dianti di SIÑOR mas di ki tudu kilisKap 16.25 ku rena antis del.

31Pa yanda na pekadus di Jeroboan, fiju di Nebat, i suma nada pa el. I bai dianti, i kasa ku Jezabel,Kap 18.4,19; 19.1-2; 21.5-15,25; Sai 34.16; 2 Re 9.7,30-37; Apok 2.20 fiju di Etbaal, rei di Sidon,Kap 11.1,4-8; Ŝef 10.12; 18.7; Mat 15.21 i kumsa na adora Baal,Ŝef 2.11 i mpina si dianti.

32I kumpu balobaŜef 6.25; 2 Re 10.18-28 pa Baal na Samaria, i lantanda un altar pa Baal dentru di ki baloba.

33I kumpu tambi un idulu di Aserá,Sai 34.13; Lei 16.21 di manera ki fasi muitu masKap 16.25,30 pa lantanda raiba di SIÑOR Deus di Israel di ki tudu reis di Israel ku rena antis del.

34Na tempu di Akab, Iel di Betel torna kumpu Jerikó.Jos 6.26 Oca ki pui alisersu, Abiran, si purmeru fiju, muri. Oca ki na pui portons, si fiju kode, ku sedu Segub, muri, konformi palabra ku SIÑOR falaba na boka di Josué, fiju di Nun.