Mateus 26 - Portuguese Creole Bible, Guinea-Bissau

Planu pa mata Jesus(Mar 14.1-2; Luk 22.1-2; Jon 11.45-53)

1Oca Jesus kaba nsina tudu ki kusas, i fala si disipulus:

2“Bo sibi, li pa dus dia i festival diSai 12.1-36; Jon 13.1; 1 Kor 5.6-8 Paskua. Fiju di omi na bin ntregadu pa i krusifikadu.”

3Dipus, ŝefis di saserdoti ku garandis di pobu e juntaKap 27.1; Sal 2.2; Jon 11.47; At 4.25-27 na sala di kasa di ŝef di saserdotis, ku comaduJon 11.49; 18.13; At 4.6 Kaifás.

4E fasi planu pa prindi Jesus sukundidu di pobu, pa matal,

5ma e fala: “I ka pudi sedu na festival, pa ka pui pobu lanta ku baruju.”

Purfumadu pa nteru(Mar 14.3-9; Jon 12.1-8)

6Jesus staba na BetâniaJon 11.1 na kasa di Simon ku teneba mpincu.

7Oca i staba na mesa, i bin pa el un minjer ku tisi jaru kumpudu di un pedra lebi ku ta comadu alabastru, ku teneba dentru un purfumu di garandi balur. I darma ki purfumu riba di kabesa di Jesus.

8Si disipulus oja ki kusa, e ka fika kontenti, e punta: “Ke ku manda i dana e purfumu?

9I pudiba bindidu pa pres altu; diñeru ta dadu pa koitadis.”

10Jesus rapara ke ku na pasa, i punta elis: “Ke ku bo na kansa e minjer pa el? I fasi un kusa bon pa mi.

11Sempri bo tene koitadisLei 15.11; Jon 13.29 ku bos, ma ami, bo ka na tenenJon 13.33 sempri.

12Manera ki darma e purfumu riba di ña kurpu, i fasil pa i pudi purparan pa ña nteru.

13Na bardadi N na konta bos kuma, na tudu parti di mundu ku e Bon Noba na kontadu, kusa ku e minjer fasi i na kontadu tambi pa si lembransa.”

Falsiamentu di Judas(Mar 14.10-11; Luk 22.3-6)

14JudasJon 13.2,30 Iskariotis, un di ki dozi disipulu, i bai pa ŝefis di saserdoti,

15i punta elis: “Ke ku bo na dan pa N pudi ntrega bos el?” Elis e pesal trinta muedaKap 27.3; Sai 21.32; Zak 11.12 di prata.

16Disna di ki ora i kumsa na montia tempu pa ntrega elis Jesus.

Ultimu sia di Jesus(Mar 14.12-26; Luk 22.7-23; Jon 13.21-30; 1 Kor 11.23-29)

17Na purmeru dia di pon sin fermentu, disipulus di Jesus bai pa el, e puntal: “Nunde ku bu misti pa no bai fasi purparason pa bu kume siaSai 12.6,18 di Paskua?”

18I ruspundi elis: “Bo bai pa prasa, pa kasa di tal fulanu, bo ta falal: ‘Mestre manda falau kuma si tempu pertu. Na bu kasa ki misti guarda festival di Paskua ku si disipulus.’ ”

19Ki disipulus fasi suma ku Jesus manda elis; e purpara sia di Paskua.

20Oca sol na kai, i toma si lugar na mesa ku ki dozi.

21Oca e na kume, i fala: “Na bardadi N na konta bos kuma un di bos na bin falsian.”

22E fika ku garandi tristesa; kada kin kumsa na puntal: “Siñor, nta i ami?”

23I ruspundi: “Kil ku na miti monSal 41.9; Jon 13.18 ku mi na pratu, el ku na falsian.

24Na bardadi, Fiju di omi na bai suma ku SkrituraIs 53; Dan 9.26; Mar 9.12; Luk 24.44-46; Jon 17.12; At 17.2-3; 1 Kor 15.3-4 fala del, ma koitadi di ki omi ku na falsial. I ta minjor pa ki algin, si i ka padiduba.”

25Judas tambi, ku na falsialba, i punta: “Mestre, nta i ami?” Jesus falal: “I abo ku fala.”

26Oca e na kume, Jesus toma1 Kor 10.16-17 pon, i ora riba del, i kebral, i da si disipulus, i fala: “Bo toma, bo kume; es i ña kurpu.”

27Dipus, i toma kopu, i fala Deus obrigadu, i da elis, i fala: “Abos tudu, bo bibi nel,

28pabia es i ña sangi, sangi diSai 24.8; Sir 17.11; Jer 31.31; Rom 11.27; Eb 8.6,8 kontratu, ku darmadu pa manga di jinti, pa purdonKap 20.28; Eb 9.15,22 di pekadus.

29N na konta bos, disna di gosi, N ka na bibi mas e biñu di uva te na ki dia ku N na bibi biñu nobu ku bos na renu di ña Pape.”

30E kaba kanta un kantiga, e sai pa monti di Olivera.

Jesus avisa Pedru(Mar 14.27-31; Luk 22.31-34; Jon 13.36-38)

31Jesus fala elis: “E di noti abos tudu bo na disan, pabia i sta skrituZak 13.7; Jon 16.32 kuma Deus fala i na mata bakiadur; karnelis di koral na pajiga,

32ma dipus di N lanta di mortu, N na bai bo diantiKap 28.7,10,16 pa Galileia.”

33Pedru ruspundi i falal: “Nin ku tudu disau, ma ami, nunka N ka na disau.”

34Jesus falal: “N na kontau bardadi, e di noti li, antis di galu kanta, bu na fala tris bias kuma bu ka kunsin.”

35Pedru falal: “Nin ki pirsis pa N muri ku bo, N ka na negau.” Tudu si disipulus fala mesmu kusa.

Jesus ora na Jetsemane(Mar 14.32-42; Luk 22.39-46; Jon 18.1)

36Jesus bai ku si disipulus pa un lugar comadu Jetsemane, i fala elis: “Bo sinta li nkuantu N na bai ora la.”

37I leba Pedru ku ki dus fiju di Zebedeu; i kumsa na sinti tristesa meduñu.

38I rabida i fala elis: “Tristesa na ña korsonJon 12.27 i garandi, kuas pa matan. Bo fika li, bo bisia ku mi.”

39I bai dianti un bokadu, i mborka ku rostuEb 5.7 na con, i ora, i fala: “Ña Pape, si i pudi sedu, lunjusi di mi e kopuKap 20.22; Jon 5.30; 6.38; 12.27; Fil 2.8 di sufrimentu, ma i ka na manera ku N misti, ma suma ku bu misti.”

40I riba pa si disipulus, i oja e naLuk 9.32 durmi, i punta Pedru: “Bo ka pudi nguenta ku mi nin un ora?

41Bo tomaMar 13.33; Ef 6.18; Kol 4.2 sintidu, bo ora, pa ka bo kai na tentason. Bardadi, vontadi sta pruntu, ma kurpu i fraku.”

42I bai sugundu bias pa ora, i fala: “Ña Pape, si e kopu ka pudi lunjusi di mi sin N bibil, fasi ke ku bu misti.”

43I riba, i oja e na durmi utru bias, pabia se uju staba pisadu di sonu.

44I torna disa elis, i bai terseru bias pa ora, i ripiti mesmu palabra.

45I riba mas pa si disipulus, i punta elis: “Bo na durmi inda, bo na diskansa? Bo jubi, ora cigaJon 2.4; 7.6,8,30; 8.20 ja; Fiju di omi na ntregadu na mon di omis mau.

46Bo lanta, no bai. Ali kil ku na falsian ciga ja.”

Jesus prindidu(Mar 14.43-50; Luk 22.47-53; Jon 18.2-11)

47Oca ki na papia inda, Judas ciga, ku sedu un di ki dozi disipulu. I bin ku manga di jinti ku teneba spadas ku mandukus; i ŝefis di saserdoti ku garandis di pobu ku manda elis.

48Falsiadur daba elis un sinal, i fala: “Kil ku N da beẑu, bo ta sibi i el; bo prindil.”

49I ciga, i bai diritu pa Jesus, i falal: “Mestre, pas ta sta ku bo.” I dal2 Sam 20.9 beẑu.

50Jesus puntal: “Amigu,Sal 41.9 pa ke ku bu bin?” Na ki ora jinti ciga, e pega Jesus, e prindil.

51Un di kilis ku staba juntu ku el i pui mon, i busi spada, i da kriadu di ŝef di saserdoti ku el, i sapal oreja.

52Jesus falal: “Miti spada na si lugar, pabia tudu kil ku pega na spada, ku spadaKum 9.6; Apok 13.10 ki na muri.

53O bo ka sibi kuma N pudi pidi ña Pape gosi, i ta mandan2 Re 6.17; Dan 7.10 mas di sinkuenta mil anju?

54Ma de manera kuma ku SkrituraIs 53.7-10; Luk 24.26,44-46 pudi pudu na pratika ku fala kuma asin ki ten ku sedu?”

55Na ki ora Jesus punta ki jinti: “Bo bin ku spada ku manduku pa bin prindin, suma un ladron? Tudu diaLuk 19.47 N ta sinta na kasa di Deus, N na nsina; bo ka prindin,

56ma tudu es kontisi pa i sedu suma ku anunsiaduris skirbi na palabra di Deus.”

Tudu si disipulus disal, e kuri.

Jesus dianti di Konseliu di judeus(Mar 14.53-65; Luk 22.63-71; Jon 18.12-24)

57Kilis ku prindiba Jesus e lebal pa kasa di ŝef di saserdotis ku comadu Kaifás, nunde ku pursoris di lei ku garandis juntaba nel.

58Pedru, ku na sigilba di lunju te na baranda di tras di ŝef di saserdotis, i yentra, i sinta na metadi di guardas pa i jubi kuma ku kusa na bai.

59Ŝefis di saserdoti ku tudu membrus di Konseliu e na buskaba tustumuñu falsu1 Re 21.10; Sal 27.12; 35.11; At 6.13 kontra Jesus, pa e pudi ntregal pa i matadu,

60ma e ka oja, kontudu i parsiLei 19.15,18-19 manga di jinti ku konta mintida. Na fin i parsi dus

61ku fala: “Es fala kuma i pudi bati templuKap 27.40; Jon 2.19-21 di Deus, i ta torna lantandal na tris dia.”

62Ŝef di saserdotis lanta, i punta Jesus: “Bu ka tene nada di ruspundi aserka de kusas ke na testifika kontra bo?”

63Jesus fikaKap 27.12; Is 53.7; Luk 23.9 kaladu. Ŝef di saserdotis torna falal: “Bu ten ku jurmenta pa Deus bibu, bu kontanuSir 5.1 si abo i Kristu, Fiju di Deus.”

64Jesus ruspundil: “I suma ku bu fala, ma N na konta bos kuma, i ka na tarda, bo na oja Fiju di omi sintaduSal 110.1; At 7.55-56 na direita di kil ku ten puder; i na binKap 16.27 riba di nuvens di seu.”

65Na ki ora ŝef di saserdotis rumpi si ropa, i fala: “Es i lebsimenti! Kal tustumuña ku no misti mas? Gosi bo kaba ja obi manera ki lebsi Deus!

66Ke ku bo oja?” E ruspundil: “I mersiSir 24.16; Jon 19.7 mortu.”

67Ki ora e kuspilKap 27.30; Is 50.6; 53.3; Jon 19.3 na rostu, e dal suku; utrus dal bofotada,

68e falal: “Abo i Kristu; anunsia pa nos! Diviña kin ku dau!”

Pedru nega Jesus(Mar 14.66-72; Luk 22.54-62; Jon 18.15-18,25-27)

69Pedru staba sintadu fora na baranda di tras. Un bajuda di kasa bai pa el, i falal: “Abo tambi bu staba ku Jesus di Galileia.”

70Pedru nega dianti di tudu jinti, i fala: “N ka sibi ke ku bu na fala.”

71I sai pa kintal. Utru bajuda ojal, i fala kilis ku staba la: “Es tambi i staba ku Jesus di Nazaré.”

72I torna nega utru bias ku juramentu, i fala: “N ka kunsi ki omi.”

73Mas un bokadu, jinti ku staba la e bai pa Pedru, e falal: “Bardadi, abo i un delis tambi; bu purnunsia propi na mostra.”

74I kumsa na jurmenta ku palabras forti, i fala: “N ka kunsi ki omi.” Ki ora galu kanta.

75Pedru lembraKap 26.34; Jon 13.38 ke ku Jesus falalba: “Antis di galu kanta bu na fala tris bias kuma bu ka kunsin.” I sai fora, i cora ku garandi tristesa.