Sirmonias 25 - Portuguese Creole Bible, Guinea-Bissau

Anu di diskansu(Lei 15.1-11)

1Na monti Sinai SIÑOR fala Moisés

2pa i papia ku fijus di Israel, i fala elis: “Ora ku bo yentra na tera ku N na da bos, tera propi ten ku guarda un anu di diskansuSai 23.10-11; 2 Kron 36.21 pa SIÑOR.

3Pa seis anu bu na labra tera, bu limpa pes di uva, bu kuji tudu kil ku sai di kebur.

4Nna setimu anu, tera na tene un sabadu di diskansu, ku sedu sabadu pa SIÑOR. Ka bu labra bu tera, nin limpa bu pes di uva.

5Ka bu kebra kil ku lanta di garan ku kai, nin ka bu kuji uvas di ki pes ku bu ka limpa. I na sedu anu di diskansu pa tera.

6Na ki anu, tudu ku tera pruduzi i na sedu kumida pa bos tudu, pa bo, ku bu katibus macu ku femia, ku tarbajadur, ku stranjeru ku mora ku bo,

7ku bu limarias, ku tudu limarias di matu ku sta na bu tera. Tudu ku con pruduzi, i pudi kumedu.

Anu di toka korneta, ku sedu anu di jubileu

8“Bo na fasi konta di seti bias seti anu, ku sedu korenta i novi anu.

9Na dia 10 di setimu mis, ku sedu dia di sakrifisiuKap 16; 23.27 pa pekadu, bo na manda jinti pa e toka korneta na tudu parti di bo tera.

10“Bo na tene anu di sinkuenta suma sagradu, bo na anunsia liberdadiIs 61.1; Jer 34.8,13-17; Jon 8.31-36; Rom 6.16-18; Gal 5.1,13 pa tudu jinti ku mora na tera. I na sedu pa bos anu di jubileu; kada kin na ribaKap 27.17-24; Num 36.2-9 pa si kau, tambi kada kin na bai pa si familia.

11Anu di sinkuenta na sedu pa bos anu di jubileu. Ka bo sumia, nin ka bo kebra kil ku lanta di ki garan ku kai. Tambi ka bo kuji fruta na pes di uva ku ka limpadu,

12pabia i anu di jubileu, i na sedu sagradu pa bos. Bo na kume son kil ku tera pruduzi pa si kabesa.

13“Ne anu di jubileu bo na riba, kada kin pa si kau.

14Si bo bindi terenu pa bo kumpañer, o bo kumpra na si mon, ka ningin sploraKap 19.13; Lei 16.19-20 si ermon.

15Bu na kumpra terenu na mon di bu kumpañer konformi numeru di anus disna di anu di jubileu. El i na bindiu el konformi numeru di anus di kebra ku sobra.

16Si anus sobra inda ciu, bu na buri si pres; si anus sobra puku, bu na rapati si pres, pabia kusa ki na bindiu i numeru di kebur ku bu pudi purbita del.

17Ka ningin splora si kumpañer, ma bo ten rispituKap 25.36; 19.14,32; Kum 22.12; 42.18; Sai 20.20; Lei 25.18; 1 Sam 12.24; 2 Kron 19.7; Ne 5.9,15; Sal 19.9; Dit 1.7; Mal 3.5; At 9.31; 10.2,35; Rom 3.18 pa bo Deus, pabia ami i SIÑOR bo Deus.

18“Bo kumpri ña regras, bo obdisi ña leis; asin bo na mora suguru na tera.

19Con na da si prudutu; bo na kumel tok bo farta; bo na mora nel suguru.

20Bo pudi punta: ‘Ke ku no na kumeMat 6.25-34; Fil 4.6 na setimu anu, suma no ka na sumia, nin no ka na kebra?’

21Ami N na manda ña bensonKap 26.3-5; Kum 26.12; Lei 28.3,8; Dit 10.22; 2 Re 19.29 pa bos na sestu anu, pa con pruduzi kil ku na da pa tris anu.

22Na oitavu anu bo na sumia. Bo na kume kebur beju te na nonu anu; te na tempu di nobu kebur bo na kume ki beju.

23“Tera ka pudi ba ta bindidu pa sempri, pabia i di mi.2 Kron 7.20; Sal 24.1 Abos bo na sedu ospris1 Kron 29.15; Sal 39.12; 119.19; Eb 11.13; 1 Ped 2.11 ku na mora la.

24Na tudu tera ku pertensi bos, bo ten ku rikuñisi diritu di purmeru dunu pa torna kumpra si terenu ki ciga di bindi.

25Si un algin di Israel bida koitadi, i bindi un parti di si terenu, si parenti mas tokadu i na bin torna kumpral.

26Si ki algin ka tene parenti ku na torna kumpral ki terenu, ma el propi i bin yangasa kil ki pirsisa pa kumpral,

27i na fasi konta di balur di anus di kebur disna di ki dia ku tera bindidu. Diñeru di ki anus ku sobra inda, i na tornal pa omi ku kumpraba ki terenu. Dipus i na riba pa si propi kau.

28Ma si i ka yangasa kil ki pirsis pa torna paga, kil ku bindidu i na fika na mon di kil ku kumpral te na anu di jubileu.Kap 25.13,15 Na ki anu terenu na tornadu; si dunu na riba pa si kau.

29“Si un omi bindi kasa na un prasa rodiadu ku mura, i ta fika ku diritu di torna kumpral tok i kompleta un anu disna ki bindil.

30Si i ka torna kumpral dentru di un anu ntidu, ki kasa na prasa ku muradu i na fika pa sempri na mon di kil ku kumpral, pa si fijus yardal. I ka na ribantadu pa si purmeru dunu na anu di jubileu,

31ma kasas na tabankas, sin mura na roda, e na tratadu suma propi terenu. Si dunu pudi torna kumpral, o i ten ku ribantadu pa el na anu di jubileu.

32“Ma levitas sempri ten diritu di torna kumpra se kasas na prasasNum 35.2-8; Jos 21 ke dadu.

33Si un di levitas bindi si kasa na un di prasas ke dadu, si i ka bin torna kumpral, i na ribantadu na anu di jubileu, pabia kasas na prasas di levitas e sedu di selis pa sempri na metadi di fijus di Israel.

34Terenu na roda di prasas di levitas nunka i ka pudi bindidu, pabia i sedu di selis pa sempri.

35“Si bu kumpañer na Israel bida koitadi, si forsa kaba ku el, bu na sustentalLei 15.7-8; Sal 41.1; 112.9; Dit 19.17; Luk 6.35; At 11.29; Rom 12.13,20; 2 Kor 8.1-5; 9; Gal 2.10; 1 Jon 3.17 suma stranjeru o ospri, pa i pudi mora ku bo.

36Ka bu kobral nin un koldadiSai 22.25; Ez 22.12 juru, ma rispita bu Deus, pa bu parenti mora ku bo.

37Ka bu pistal diñeru pa bu bin kobral juru, nin ka bu bindil kumida pa ngaña lukru.

38Ami i SIÑOR bo Deus ku tira bosKap 22.32-33 na Ejitu, pa da bos tera di Kanaan, pa N sedu bo Deus.

39“Si un di bu kumpañeris di Israel bida koitadi, i bindiu si kabesa, ka bu pul pa i fasi tarbaju di un katibu.Sai 21.2; Lei 15.12; 1 Re 9.22; 2 Re 4.1; Ne 5.5; Jer 34.14

40I na mora ku bo suma tarbajadur, i na sirbiu te anu di jubileu.

41Na ki tempu el ku si fijus na dadu liberdadi; i na riba pa si parentis, pa kau di si papes.

42Pobu di Israel ka pudi bindidu suma katibu, pabia e sedu ña servusKap 25.55; Rom 6.22; 1 Kor 7.21-23 ku N tira na Ejitu.

43Ka bu manda riba delis ku duresa,Kap 25.17,46,53; Sai 1.13-14,21; 3.7,9; Mal 3.5; Ef 6.9; Kol 4.1 ma rispita bu Deus.

44“Katibus ku bo na tene, macu o femia, e na sai na nasons ku sta na roda di bos. Bo pudi kumpra katibus na se mon.

45Tambi bo pudi kumpra fijus di stranjerus ku na mora na bo metadi. Kualker fijus ke padi na bo tera, e pudi kumpradu pa sedu di bos.

46Bo pudi fika elis suma yardansa pa bo fijus; e na sedu katibus pa tudu se vida. Ma bo ka pudi manda ku duresa riba di bo ermons di Israel.

47“Ora ku un stranjeru ku bin mora na bo metadi i yangasa rikesa, ma un di bu ermons bida koitadi, i bindi si kabesa pa ki stranjeru, o pa algin di familia di ki stranjeru,

48dipus di i bindidu, i na ten diritu di bin libertadu mas. Un di si parentis pudi torna kumpral.

49Si tiu o primu o parenti di familia pudi kumpral, ma si i yangasa diñeru, i pudi liberta si kabesa propi.

50El ku kil ku kumpral e na fasi konta di tempu disna di anu ki bindi si kabesa te na anu di jubileu. Pres ki na paga gosi i na sedu konformi diñeru ku ta pagadu pa un tarbajadur.

51Si i falta inda manga di anu, i na paga pa si libertason un parti di diñeru ki bindiduba pa el konformi ki numeru di anus.

52Si i falta puku tempu te anu di jubileu, i na fasi konta ku el konformi ki numeru di anus; asin i na paga pa si libertason.

53I na tratadu suma tarbajadur ku na pagadu kada anu; bu ka na disa si dunu manda riba del ku duresa.

54“Ma si i ka libertadu de manera, el juntu ku si fijus e na sai na anu di jubileu,

55pabia i ami ku tene fijus di Israel sumaKap 25.42; 22.33; Sal 116.16; Is 43.3 ña katibus; N tira elis na tera di Ejitu. Ami i SIÑOR bo Deus.