2 Reis 14 - Portuguese Creole Bible, Guinea-Bissau

Amazias, rei di Judá(2 Kron 25.1-28)

1Na sugundu anu di Jeoás, fiju di Jeoakaz, rei di Israel, Amazias,Kap 12.21; 1 Kron 3.12 fiju di Joás, kumsa rena na Judá

2ku vinti i sinku anu di idadi; i rena vinti i novi anu na Jerusalen. Si mame seduba Jeoadan, di Jerusalen.

3I yanda retu dianti di SIÑOR, kontudu i ka seduba suma Davi, si pape di antigu, ma i fasi konformi tudu ku si pape Joás fasiba.

4Ki kaus altu1 Re 15.14 ka tiradu; pobu fika e na sakrifika, e na kema nsensu la.

5Oca ku renu staba konfirmadu na si mon, i mata ki ŝefis ku matabaKap 12.20-21 si pape,

6ma i ka mata fijus di mataduris, suma ki sta skritu na libru di lei di Moisés, nunde ku SIÑOR da ordi, i fala: “Ka bo mataLei 24.16 papes pabia di fijus, nin ka bo mata fijus pabia di se papes, ma kada kin na matadu pabia di si propi pekadu.”

7Amazias ngaña riba di des mil edomeuKap 8.20-22 na Kobon2 Sam 8.13 di Sal, i toma prasa di Sela na gera, i muda si nomi pa Jokteel,Jos 15.38 nomi ki ta comadu te aos.

8Amazias manda jinti pa Jeoás, fiju di Jeoakaz, fiju di Jeu, rei di Israel, pa e bai falal: “Bin pa no oja ŋutru uju ku uju.”

9Jeoás, rei di Israel, manda rasposta pa Amazias, rei di Judá, i falal: “Un bias, na Líbanu, un pe di fididaŜef 9.8-15 manda fala sedru: ‘Dan bu fiju pa i sedu minjer di ña fiju.’ Ma limarias di matu pasa, e masa ki pe di fidida.

10Na bardadi bu ngaña riba di edomeus; orgulyuLei 8.14; Dit 16.18 inci bu korson. Fika na kasa, bu kontenti ku ki gloria. Pabia di ke ku bu na miti na mal, pa bu kai, tudu ku Judá?”

11Amazias ka seta obil. Asin Jeoás, rei di Israel, sai pa gera; el ku Amazias e oja ŋutru na Bet-Semes, na Judá.

12Judá pirdi gera dianti di Israel; tropas kuri, kada kin pa si kasa.

13Jeoás, rei di Israel, toma Amazias prezu na Bet-Semes, i bai pa Jerusalen, i durba mura di prasa desdi porton di EfrainNe 8.16; 12.39 te na portonJer 31.38; Zak 14.10 di Skina, un distansia di sentu i oitenta metru.

14I toma tudu uru ku prata ku tudu vasus ku ojadu1 Re 7.51; 14.26 na kasa di SIÑOR ku na kuartu di rikesas na kasa di rei; i toma tambi utru jinti prezu, i riba pa Samaria.

15Tudu utru kusas ku pasa na renansa di Jeoás, ku kusas ki fasi, ku si puder, manera ki geria kontra Amazias, rei di Judá, e sta skritu na libru di Storia di Reis di Israel.

16Jeoás bin diskansa, i nteradu na Samaria lungu di reis di Israel. Si fiju, Jeroboan,Kap 13.13; Os 1.1; Am 1.1; 7.9-11 rena na si lugar.

17Amazias, fiju di Joás, rei di Judá, vivi mas kinzi anu dipus di mortu di Jeoás, fiju di Jeoakaz, rei di Israel.

18Tudu utru kusas ku pasa na renansa di Amazias sta skritu na libru di Storia di Reis di Judá.

19Jinti lanta kontra el na Jerusalen; i kuri pa Lakís, ma e manda jinti si tras; e matalKap 12.20-21; 1 Re 15.27 la na Lakís.

20E lebal riba di kabalu, e nteral na Jerusalen, lungu di si papes na prasa di Davi.

21Tudu pobu di Judá toma Azarias, ku teneba ja disaseis anu, e fasil reiKap 15.1 na konta di si pape Amazias.

22I el ku kumpu Elat,Kap 16.6; Lei 2.8; 1 Re 9.26 i tornal pa Judá, dipus di mortu di Amazias.

Rei Jeroboan II di Israel

23Na anu kinzi di renansa di Amazias, fiju di Joás, rei di Judá, Jeroboan, fiju di Jeoás, kumsa rena riba di Israel, na Samaria; i rena korenta i un anu.

24I fasi mal dianti di SIÑOR; nunka i ka para fasi ki pekadusKap 10.29 ku Jeroboan, fiju di Nebat, pui Israel pa i fasi.

25El ku bin torna toma ki tera ku seduba di Israel, desdi entrada di AmatNum 34.8 te na Mar Mortu, konformi palabra di SIÑOR Deus di Israel ki falaba na boka di si servu, anunsiadurJona 1.1 Jonas, fiju di Amitai, di Gat-Efer.

26SIÑOR ojabaKap 13.4 kuma Israel na sufriba ciu, katibu tudu ku libri; i ka tenba kin ku na juda elis.

27SIÑOR ka falaba kuma i na paga nomi di Israel di un bias pa sempri, ma i salba elis ku mon di Jeroboan, fiju di Jeoás.

28Tudu utru kusas ku pasa na renansa di Jeroboan, ku tudu ki fasi, ku si puder, ku geras ki ngaña, manera ki torna toma Damasku1 Re 11.24 ku Amat ku pertensiba Judá, e sta skritu na libru di Storia di Reis di Israel.

29Jeroboan bin diskansa, i nteradu lungu di reis di Israel. Si fiju Zakarias rena na si konta.