Salmus 36 - Portuguese Creole Bible, Guinea-Bissau

Salmu di Davi, servu di SIÑOR, pa ŝef di musika

1Pekadu ta papia ku omi mau na fundu di si korson;

i ka ta rispitaRom 3.18 Deus, nin i ka ta mporta ku el.

2Na si propi pensamentu i ta ngaba si kabesa;

i ka ta notaIs 44.20 pa si pekadu,

nin i ka ta nuju el.

3Palabras ku sai na si boka i maldadi ku nganu;

gosi i ka ta ntindiJer 4.22 nin i ka ta fasi ben;

4Na si kamaMik 2.1 i ta fasi planus di mal;

i ta pega kamiñu ki ka bon;

i ka ta nega kil ki mau.

5SIÑOR, bu bondadiKap 57.10; 108.4 ciga te na seu;

bu bardadi yangasa nuvens mas altu.

6Bu retidon i suma garandi montañas;

bu julgamentuRom 11.33 i suma mar fundu.

SIÑOR, bu ta guarda omis ku limarias.

7Bu bondadi, o Deus, i di garandi balur;

e ku manda jinti ta oja kau di suguransa

na sombraKap 57.1 di bu asas.

8E ta farta rikesas di bu kasa;

bu ta pui elis pa e bibi na riuKap 46.4; Apok 22.1 di bu sabura,

9pabia fonti di vidaDit 13.14; Jer 2.13; 17.13; Zak 13.1; Jon 4.10,14 sta na bo;

na bu lusJon 8.12; At 26.18; Ef 5.8; 1 Ped 2.9; 1 Jon 1.5 no ta oja lus.

10Kontinua mostra bu bondadi pa kilis kuJon 17.3 kunsiu,

ku bu justisa pa kilis ku tene korson retu.

11Ka bu disa omi orgulyosu dan ku pe,

nin ka bu disa mon di omi mau pa i pincan.

12Jubi manera ku jinti mau kai,

tok e dita, e ka pudi lanta!