Filipensis Introduson - Portuguese Creole Bible, Guinea-Bissau

IntrodusonPaulu skirbi e karta ocal presu na Roma, na anu 62 o mas tardi. Si no leil, no pudi sinti ki amor ku Paulu ku krentis di Fílipus tenba pa ŋutru. Paulu ta kumpuba tendas pa ngaña diñeru, ma krentis di Fílipus ta mandalba ofertas (4.15-16; 2 Kor 11.9). E torna manda un di se membrus, Epafroditu, pa Roma ku utru oferta (4.18); asin, Paulu skirbi e karta pa gardisi elis, i da Epafroditu el pa i leba (2.25-30).Igreẑa di Fílipus, na Masedonia, na norti di Gresia, i purmeru ku Paulu funda na Europa. Na At 16 no pudi lei aserka di kusas ku pasa la, manera ku el ku Silas e pasa un noti na kalabus, ma e kanta pa ngaba Deus. Presu utru bias, na Roma, Paulu teneba inda ki spiritu di kontentamentu na Siñor. Palabra “kontenti” ta ojadu manga di bias ne karta.