Ezekiel 35 - Portuguese Creole Bible, Guinea-Bissau

Anunsiu kontra Edon

1SIÑOR bin papia ku mi, i falan:

2“Fiju di omi, jubi pa montiKap 6.2 di Seir, bu anunsia kontra el,

3bu falal kuma asin ku SIÑOR Deus fala: ‘Monti di Seir, ami N sta kontra bo; N na distindi ña mon kontra bo, N na bidantau lala meduñu.

4N na dana bu prasas, N na fikau sin ningin. Dipus bu na sibi kuma N sedu SIÑOR.

5“‘Bu guarda ki inimisadi antigu, bu bandona fijus di Israel pa violensia di spada na tempu di se mufunesaSal 137.7; Ob 11 ku se kastigu mas duru.

6Pabia di kila, SIÑOR Deus fala: N jurmenta pa ña vida kuma N na ntregau pa matansa; matansa na bai bu tras. Suma ku bu ka aburisi matansa, matansa na fika bu tras.

7N na bidanta monti di Seir un lala ku ka bali; N na kaba ku kin ku pasa la di un ladu pa utru.

8N na kubri montañas ku mortus; kilis ku matadu ku spada e na kai na bu montis, na bu kobons ku tudu bu baletas.

9N na pou pa bu sedu un lala pa sempri; ningin ka na moraJer 49.17-18; Mal 1.3-4 na bu prasas mas. Asin bo na sibi kuma ami N sedu SIÑOR.

10“‘Bu fala: “E dus nason, Israel ku Judá, ku se tera, e na sedu di mi; N na baiKap 36.5; Sal 83.4; Ob 13 tomal;” mesmu ku ami, SIÑOR, N staba la.

11Pabia di kila, ami, SIÑOR Deus, N jurmenta pa ña vida kuma N na fasi ku boMat 7.2; Tia 2.13 konformi raiba ku nveẑa ku bu mostra na bu odiu kontra elis. E na kunsin ora ku N julgau.

12Bu na sibi kuma ami, SIÑOR, N obi tudu palabras mau ku bu papia kontra montis di Israel oca ku bu fala: “E danadu ja; no na ntregadu el suma kumida.”

13Bo njata1 Sam 2.3; Apok 13.6 kontra mi ku bo boka; bo papia manga di palabra kontra mi, ma N obil.

14Asin ku SIÑOR Deus fala: N na bidantau lala; tudu mundu na kontenti.

15Manera ku bu kontentiOb 12,15 oca yardansa di pobu di Israel danadu, asin ku N na fasi ku bo. Monti di Seir ku tudu Edon na danadu. Jinti na sibi kuma ami i SIÑOR.’ ”