1SIÑOR fala Moisés: “N na manda mas un praga pa Faraó ku tudu si jinti; dipus i na disa bos bai. Na ki ora ki na larga bos, i na ten dipresaKap 12.31,33,39 pa serka bos di li.
2Konta pobu di Israel, kada omi pa i pidi si visiñu macu, kada minjer tambi pa i pidi si visiñu femia, kusas di prata ku di uru.”
3(SIÑOR pui ejipsius pa e mostra faburKap 12.36 pa pobu di Israel. Moisés propi i tenba garandi rispitu dianti di ŝefis di Faraó ku di pobu.)
4Moisés fala rei: “Asin ku SIÑOR fala: ‘Me-noti N na pasa na metadi di Ejitu.
5Tudu purmeru fiju na tera di Ejitu na muri, desdi purmeru fiju di Faraó ku ta sinta ku el na si tronu, te purmeru fiju di katibu ku na pila foriña di miju, ku tudu purmeru fiju di limarias.
6I na bin ten garandi grituKap 12.30 na tudu tera di Ejitu, ku nunka ka ten suma el, nin i ka na bin ten,
7ma na metadi di israelitas nin un kacur ka na ladra kontra kualker omi nin limaria.’ Asin bo na sibi kuma SIÑOR ta diferensia ejipsius ku israelitas.
8Na ki ora tudu bu ŝefis na bin pa mi, e na mpina ña dianti, e fala: ‘Sai, abo ku tudu pobu ku ta sigiu.’ Dipus di kila, N na sai.” Asin, ku garandi raiba, Moisés sai dianti di Faraó.
9SIÑOR falaba ja Moisés: “Faraó ka na obi bos; asin ña milagris na buri na tera di Ejitu.”
10Moisés ku Aron e fasi tudu ki milagris dianti di Faraó, ma SIÑOR ndurusi korson di Faraó; i nega disa fijus di Israel pa e sai na si tera.
Who We AreWhat We EelieveWhat We Do
2025 by iamachristian.org,Inc All rights reserved.
