Salmus 101 - Portuguese Creole Bible, Guinea-Bissau

Salmu di Davi.

1N na kanta aserka di bu bondadi ku justisa;

N na kanta pa bo, SIÑOR.

2N na pui sintidu pa yanda na un manera pirfitu, ku jiresa;

kal tempu ku bu na bin pa mi?

N na yanda na ña kasa ku korson puru.

3N ka na pui kualker kusa nujenti dianti di ña uju.

N ka ta kontenti ku manera di kilis ku disvia;

N ka na pega nada di ki kusas ke ta fasi.

4N nega tudu pensamentu tortu;

N ka misti tene ligason1 Kor 5.11; 2 Kor 6.14; 2 Tim 2.19 ku mal.

5N na kaba ku kil ku na rui si visiñu.

N ka na nguenta kil ku ta ronka ku korsonDit 6.17 di orgulyu.

6Ña uju na yabridu pa jubi kin ki fiel na tera,

pa e pudi mora ku mi.

Kil ku ta yanda diritu i na sedu ña ministru.

7Kil ku ta ngana jinti ka pudi fika na ña kasa.

Algin ku ta konta mintida ka na firma ña dianti.

8Kada dia parmaña N na kaba ku tudu jinti mau di tera,

pa limpa prasa di SIÑOR di tudu kilis ku ta fasi pekadu.