Markus 15 - Portuguese Creole Bible, Guinea-Bissau

Jesus dianti di Pilatus(Mat 27.1-2,11-14; Luk 23.1-5; Jon 18.28-38)

1Oca sol na mansi, ŝefis di saserdoti juntaSal 2.2; At 4.6 ku garandis ku pursoris di lei ku tudu membrus di Konseliu, pa filanta ke ke dibi di fasi. E mara Jesus ku korenti, e lebal, e ntregaAt 3.13 Pilatus.

2Pilatus puntal: “Abo i Rei di judeus?” Jesus ruspundi i falal: “I suma ku Ñu fala.”

3Ŝefis di saserdoti e na akusalba ku manga di kusa.

4Pilatus torna puntal: “Bu ka na ruspundi nada? Jubi kuma ke na fala manga di kusa kontra bo!”

5Jesus ka ruspundiKap 14.61; Jon 19.9 mas nada. Pilatus dimira dimas.

Jesus kondenadu pa mortu(Mat 27.15-26; Luk 23.13-25; Jon 18.39–19.16)

6I seduba kustumu, na tempu di festival, pa Pilatus larga un prezu ku pobu pidi.

7I staba na kalabus un omi ku comadu Barabás, ku utrus si kumpañeris bandidu ku mata algin oca ku jinti lanta kontra gubernu.

8Multidon di jinti junta, e bai pidi Pilatus pa i fasi elis kil ki kustuma ta fasi.

9Pilatus punta elis: “Bo misti pa N larga bos Rei di judeus?”

10I sibiba kuma ŝefis di saserdoti ntregal Jesus pabia di nveẑa.

11Ŝefis di saserdoti cuci pobu pa e pidi pa i larga BarabásAt 3.14 mbe di larga Jesus.

12Pilatus torna punta elis: “Nta ke ku bo misti pa N fasi ku kil ku bo coma Rei di judeus?”

13E ruspundi ku gritu: “Krusifikal!”

14Pilatus torna punta elis: “Ma kal mal ki fasi?” E torna grita mas risu: “Krusifikal!”

15Pilatus mistiba pa pobu kontenti ku el; i larga elis Barabás, i manda suta Jesus, i ntregal pa i krusifikadu.

Soldadus fasi Jesus trosa(Mat 27.27-31; Jon 19.2-3)

16Soldadus leba Jesus pa dentru di sedi di gubernadur; e coma restu di kompañia di tropas.

17E bistil kapa burmeju suma rei; e kumpu koroa di fidida, e pul na kabesa.

18E kumsa na falal manteña: “Viva, Rei di judeus!”

19E sutal ku kana na kabesa, e kuspi riba del, e finka juju si dianti suma ke na adoral.

20Dipus ke fasil trosa, e tiral ki kapa burmeju, e tornal si ropa, e lebal pa bai krusifikal.

Krusifikason(Mat 27.32-44; Luk 23.26-43; Jon 19.17-27)

21Un omi comadu Simon, di prasa di Sireni, pape di Alŝandri ku Rufu, i na pasa oca ki na bin di matu. E obrigal pa i karga krus.

22E leba Jesus pa lugar comadu Gólgota, ku signifika lugar di Kaku di Kabesa.

23E dal biñu jagasidu ku utru mesiñu comadu mira, ma i nega tomal.

24Ki ora e krusifikal; e rapati si ropaSal 22.18 entri elis; e juga pa jubi ke ku kada kin na leba.

25I seduba novi ora di parmaña oca ki krusifikadu.

26Riba del e skirbi si akusason, ku fala: “REI DI JUDEUS”.

27E krusifika tambi dus bandidu juntu ku el, un na direita, utru na skerda.

29Kilis ku na pasa e na kobalba, e na balansaSal 22.7-8 kabesa, e fala: “Yode! Abo ku fala bu na bati kasaKap 14.58 di Deus, na tris dia bu ta kumpul mas,

30salba bu kabesa, bu ria na krus!”

31Na mesmu manera tambi ŝefis di saserdoti ku pursoris di lei na trosalba, e na fala ŋutru: “I salba utrus, ma i ka pudi salba si kabesa!

32Suma el i Mesias, Rei di Israel, pa i ria na krus gosi pa no pudi oja, no fia!” Kilis ku krusifikadu ku el e na kobalba tambi.

Mortu di Jesus(Mat 27.45-56; Luk 23.44-49; Jon 19.28-30)

33Me-dia, tudu tera bida sukuru te tris ora.

34Na tris ora di tardi Jesus fala ku vos altu: “Eloi, Eloi, lamá sabaktani?” ku sedu: “Ña Deus, ña Deus, pabia di keSal 22.1 ku bu bandonan?”

35Utru di kilis ku staba la ku obil, e fala: “Ali i na coma Elias!”

36Un delis kuri, i pui sponja na vinagriSal 69.21 tok i moja yop, i maral na kana, i cigantal na boka di Jesus, i fala: “Pera, no jubi si Elias na bin tiral!”

37Jesus da garandi gritu, i muri.

38KurtinaSai 26.31-33; 2 Kron 3.14; Eb 6.19 di kasa di Deus rumpi dus padas di riba pa bas.

39Kapiton di guarda ku staba dianti di krus i oja kuma ku Jesus grita, i muri; i fala: “Na bardadi, e omi i seduba Fiju di Deus!”

40Tambi i staba la utru minjeris ku na jubi di lunju, suma Maria Madalena, Salomé, ku Maria, mame di Tiagusiñu ku José.

41E minjeris ta kumpañaLuk 8.2-3 Jesus, e ta judalba oca i staba na Galileia. I staba la tambi manga di utru minjer ku kumpañalba pa Jerusalen.

Nteru di Jesus(Mat 27.57-61; Luk 23.50-56; Jon 19.38-42)

42Oca ku sol na kai, suma i seduba dia di purparason, ku sedu vespera di dia di diskansu,

43José ku bin di Arimateia, un omi rispitadu di Konseliu, ku na perabaLuk 2.25,38 renu di Deus, i mara koraẑen, i bai nunde Pilatus, i pidi kurpu di Jesus.

44Pilatus dimira di manera ku Jesus muriba ja. I coma kapiton di guarda, i puntal si i tarda ki muri.

45Dipus ki obi konfirmason di kapiton di guarda, i da José lisensa pa i toma kurpu.

46José bai kumpra lensol finu, i tira kurpu na krus, i mbuljal na ki lensol, i mitil na un koba ku kobadu na roca, i rola pedra, i tapa boka di koba.

47Maria Madalena ku Maria, mame di José, e oja nunde ki nteradu.