Isaias 17 - Portuguese Creole Bible, Guinea-Bissau

Anunsiu kontra Damasku ku Efrain

1Es i rekadu di Deus aserka diKap 8.4; Jer 49.23-27; Am 1.3-5 Damasku: “Damasku na disa di sedu prasa, ma i na sedu muntudu di danu.

2Prasas di AroerJos 13.9 na bandonadu, e na disadu pa karnelis ku na dita la sin ningin ku na pantanda elis.

3Prasas fortifikadu ka na ten mas na Efrain; renuKap 7.8,16; 8.4; 10.9 di Damasku na kaba, ku restu di Siria, suma tambi gloria di fijus di Israel.” I SIÑOR ku ten tudu puder ku fala.

4“Dia na ciga ku gloria di Jakó na fika puku; gurdura na si kurpu na disparsi.

5I na sedu suma ora ku kebradur juntaJer 51.33 trigu, i leba spigas na si mon. Israel na sedu suma bulaña di Refain ku lebadu tudu si spigas,

6ma i na sobra un bokadu, suma ora ku algin sakudi olivera pa azeitonas konkoñi; dus o tris pudi fikaKap 1.9; 24.13 na ponta di ramus mas altu, ku kuatru o sinku na ramus mas bas.” I SIÑOR Deus di Israel ku fala.

7Dia na ciga ku omi na jubi pa kil ku kumpul, i na pui uju na Deus SantuKap 10.20-21 di Israel.

8I ka na jubi pa altaris ki kumpu ku si mon, nin i ka na pui sintidu na idulus di Aserá nin na altaris di nsensu ku el propi i kumpu.

9Na ki dia, prasas forti na sedu suma ki kaus di matu o riba di montañas ku jinti bandona oca ku pobu di Israel yentra na Kanaan. Kau na bida suma lala.

10Bu diskisi di DeusSal 106.21 ku salbau; bu ka lembra di ki pedra garandi ku sedu bu kau forti. Asin bu pudi paranta plantas bonitu, bu paranta tambi pes di uva di utru tera.

11Nin si bu pui elis pa e kirsi na ki dia ku bu paranta elis, bu pui elis pa e tene boton na utru dia, mesmu asin, kebur na bua na dia di foronta ku dur ku ka ten kura.

Tropas di inimigus na ngañadu

12Koitadi di manga di nason garandi ku na somnaKap 8.7; Jer 6.23 suma mar; se baruju sedu suma baruju di yagu ku lanta ku forsa.

13Nin ku nasons na somna suma maron, Deus na raprindi elis; e na kuri pa lunju. E na kurintidu suma paja di monti dianti di bentu, suma bolon dianti di turbada.

14Ora ku sol na noti e ta pantanda jinti, ma antis di sol mansi, i ta oja e pirdi. Es i distinu di kilis ku yentra na no tera pa robanu kusas.